Harei ini 6/6, labaih 98.000 anek saih di Ban raya HCM tame pakacah palih ruah tame tal bac 10 di karja. Page dom adei pakacah mon ngu van, biar harei pakacah mon ka 2 lac Ngoại ngữ. Mbang pakacah palih ruah tame tal bac 10 di karja thun ini lac 3 mon, Ngữ văn, Toán, Ngoại ngữ. Thun bac 2024 -2025, ban raya Hồ Chí Minh palih ruah labaih 77.300 anek saih tame tal bac 10 di karja dalam abih tih jaik 98.700 anek saih  tut angan tame pakacah. Sang bac THPT Nguyễn Hữu Huân ba akaok ka bruk anek saih pakacah lac labaih 3 anek saih pakacah mek 1 anek saih. Patui di nan lac sang bac THPT Hồ Thị Bi sa anek saih brei pakacah janeh 3 anek saih.

Tỉnh Tiền Giang bahrau peih ngak danak dak cakrok khang kajap 1 triệu ha ngak sa janih padai siam saong tathuak nerak biar gam haong tagok hijao bhum ĐBSCL di tỉnh tal thun 2030. Tỉnh Tiền Giang hu 44 rabau ha taneh ngak padai pablei. Min tukvak jaik ini, mikva urang ngak nong salih tapa ngak padai siam, padai hacih. Abih di nyu lac ngak padai tui jalan pambuak gauk di HTX, doanh nghiệp haong urang ngak nong daok tagaok hu kein laba, saong chất lượng padai dak harei dak glaong tagaok.

UB bhap bini ban Cần Thơ birau peih bruk padang ngak 71 baoh sang ka urang kathaot, kurang sang daok. Yaok baoh sang hu daong 50 trieu dong, meng kadung jien daong urang kan di ban. Ini lac phun jien jak ba meng dom urang ngak pahala dalam saong langiu ban, piah rik tame daong dom baoh sang kathaot, jaik kathaot gaok kan kandah ka sang daok, daong urang yam tagok dalam raidiuk, tabiak truh kathaot khang kajap. Urak ini dalam ban hu 287 baoh sang kathaot kurang sang daok, dalam nan hu 77 baoh sang kathaot kurang sang daok min hu taneh piah padang sang.

Pambuak tal bruk urang blei padai oh bayar jien ka urang ngak padai di Cà Mau, Sở NN-PTNT tỉnh Cà Mau hu pathau khan camereip payua tagok UBND tỉnh. Tui nan, urang blei salih angan Hồ Minh Hoàng blei padai hè - thu thun 2023 di dom sang urang ngak padai di huyện Trần Văn Thời, tal urak ini, daok tavak tal labaih 460 triệu đồng. Urak ini gah chức năng oh taom gaok hu urang blei salih ini. Tapa nan, Sở NN-PTNT tỉnh Cà Mau ieu UBND huyện Trần Văn Thời tame pasang iek, duah thau saong langyah bruk nan.

Kuhria meng akok thun tal ini , tỉnh Đồng Nai hu 16 urang ruak meruai kayua asau kaik. Yau nan Đồng Nai dang ka 3 dalam negar ka dom huyen, dang akaok dalam negar ka dom xã  hu jit ruak meruai, sruh jit ruak meruai. Nan ye, Sở Ngak nong saong patagok palei pala chu panuac ieu dom puk palei pataom tame peih ngak dom jalan piah pacang caga jit ruak meruai pambak praong dalam tỉnh. Patagok parilo bruk klauk jru vaccine pacang caga ruak meruai  di taphon asaw, meyao hu labaih 70%. Tacei pato brei langyah catang bruk raong palao asaw sang iew po sang raong asaw, meyao khan brei thau saong raong kareik asaw meyao.

Thủ tướng Campuchia Hun Manet ndom lac: Baoh kraong Funan Techo hu peih bruk kuac raok, padang ngak di harei 5/8 tal meng phun jien dalam negar saong taneh ia langiu. Tui kuhria, baoh kraong Funan Techo atah 180km, nao tapa 4 tỉnh hu labaih 1,6 triệu menuac daok rah tui dua gah takai kraong. Rajaei Campuchia caong lac danak dak hu daong siam di abih bruk pajeng ba jalan kraong meng bruk pambuak kraong Mekong haong vịnh Thái Lan. Min baoh kraong ini jeng ngak ka urang mboh suh sah ka bruk oh siam di  môi trường, kinh tế saong dom kadha karei  pambuak tal.

Meng harei ini (6/6) tal 9/6, jiak 400 trieu cử tri chau Au tame bruk palih ruah urang ka Nghi vien chau Au piah palih ruah tabiak 720 urang lambaok ka Jabat padang hukum di chau Au dalam 5 thun anak tal. Dom urang langyah chinh tri mboh lac, meyah nyaom đảng Bản sắc saong Dân chủ tui jalan cực hữu pambuak haong nyaom đảng Bảo thủ saong Salih birau ngan haong jalan oh jia chau Au ye meda jeng gah chinh tri praong ka 2 di Nghị viện châu Âu khoa birau, meda ngak salih bruk pan quyền saong brei hu sa urang pan akaok bộ máy chau Au anak tal.

Kadung jien uranaih liên hợp quốc (UNICEF) brei thau, 90% uranaih di Gaza oh mbang hu ginup chất dinh dưỡng piah khik kajap bruk praong tagok saong khang kajap prein yava. Bruk rilo uraniah kurang pandap mbang siam lac mai meng mesruh gauk, ba tal kurang pandap mbang di dom baoh sang, ngak ka uraniah lavang lavaih saong mbuan matai lahik./.