Patui danak dak tangi sua saong javap calei, page ini (7/6), anak Quoc hoi, Pho Thu tuong Trần Lưu Quang taduan bruk daok ngak kurang haong QH saong mikva daok di bhum urang bangsa takik tuk suai peih ngak danak dak patagok kinh te - xa hoi bhum urang bangsa takik saong bhum ceik. Tal harei 31/5/2023, paok jien thun 2022 brei danak dak ini bahrau hu 58% phun jien buh tame ngak, phun jien di thun 2023 bahrau hu 17% phun jien patagok. Dalam tuk daok 2 thun meteh piah peih ngak vaktu ka 1 di danak dak ini, njauk ndem tal, rilo bhap bini bangsa takik hu mbang tui danak dak nan daok di bhum taphia negar di taneh ia, daok rilo kan kandah piah khik ramik yaok cagam taneh riya di taneh ia, palei negar. Pho Thu tuong brei panuac lac tukvak anak tal jhul pakhang bruk lang talaih, salah hukum khang kajap piah Danak daka hu jao brei jien njauk tui caong khin.

Harei ini (7/6), labaih 96 ribau anek saih di TP.HCM hu ngak salah mbang pakacah pilih ruah tame tal 10 THPT công lập. Anek saih saong gru pato mboh lac kadha pakacah thun ini hu peih praong jang saong njauk sahaneng kuhria, hu dom asal kadha hu pambuak  glaong haong bruk di anak meta. Meng harei 12 - 17/6, mban chấm pakacah meda chấm kadha pakacah di anek saih. Tui kuhria tal harei 20/6, bruk pakacah hu khan brei thau. Dom labik hu anek saih bac tal 9 daok taduan harak likau phúc khảo di anek saih meng harei 21/6 - 24/6.

Tỉnh Bà Rịa - Vũng Tàu daok caga peih bruk padang ngak paglong veik 3 danak dak ngan haong phun jien labiah 17.000 tỷ đồng. Dom danak dak nan lac paglong peih praong jalan tỉnh lộ 994, danak dak binah 3 di danak dak padang ngak jalan peih drah samar Biên Hòa - Vũng Tàu vaktu ka 1 saong danak dak tatua Phước An. Tui Sarak quy hoạch tỉnh Bà Rịa - Vũng Tàu vaktu 2021 -2030, pamaong tal 2050, tỉnh kham merat ngak ban pakat Trung ương di thun 2030 ngan haong dom bruk praong gah kinh te nan lac kong nghiep, pabah tasik lamnge saong logicstics, du lịch saong đô thị, dịch vụ.

Tanut prein maraik gauk pakat tỉnh (PCI) thun 2021 di tỉnh Cà Mau dang ka 32 di dalam taneh ia, thun 2022 dang ka 58 dalam taneh ia. Dalam nyaom biai langyah ka jalan ngak pasiam, paglaong tanut prein maraik gauk pakat tỉnh (PCI) tỉnh Cà Mau bahrau hu peih tabiak, ong Huỳnh Quốc Việt, akaok UBND tỉnh Cà Mau, ieu kakei dom gah hu pambuak tal, brei maong tapak tame saong taduan bruk labaih kurang dalam tukvak tapa ngak ka Tanut PCI trun bier. Gam tui di nan, njauk pasang iek piah mboh bruk kurang labaih nan di kapul nyaom halei, manuac urang halei piah  taong yaom urang jakar di puac thun. Gam tui di nan, dom jabat chức năng njauk daong palagaih di abih piah ka doanh nghiep saong rahra ngak tabiak pandap, pablei salih hu mbuan lagaih jang.

Kong an tỉnh Bình Phước daok pasang iek, duah thau bruk uranaih umo 2 thun metai di nyaom uranaih  độc lập Baby Shark, daok di ban sit Đức Phong, huyện Bù Đăng.  Uranaih nan angan L.K.B.A, daok di ban sit Đức Phong.  Tui duah thau camereip, page harei 6/6, kamuan A hu baoh sang ba payua tame nyaom uranaih độc lập Baby Shark.  Tal mong 4 biar harei nan, baoh sang taduan hu panuac khan lac anek metai, mbleng kadeng, samar nduac tame Pasak Y te huyen Bù Đăng duah thau. Tui jabat pasang iek, kamuan A nao tame labik jaman di bilik bac saong labuh tame thung ia saong blung. Hu thau, nyaom uranaih ini hu UB  bhap bini  ban sit Đức Phong  brei adat peih ngak meng bilan 5 thun 2020.

Dah page ini (7/6), jaik 13 triệu anek saih bac tamat trung học phổ thông di Trung Quốc hu mbaok tame mbang pakacah pilih ruah tame đại học, cao đẳng. Mbang pakacah pilih ruah tame đại học thun ini di Trung Quốc meda hu peih tabiak dalam dua harei lac harei 7 saong harei 8/6. Mbang pakacah đại học thun ini hu peih tabiak dalam tuk dom dam dara di Trung Quốc oh hu bruk ngak daok di tanut glaong. Dalam thun ini, dom sinh viên tamat đại học di taneh ia ini tui kuhria lac 11,58 triệu urang. Gam haong dom sinh viên oh hu bruk ngak dahlau deih saong anek saih meng negar langiu mai veik palei negar, dam dara daok cang bruk ngak di Trung Quốc daok dak harei dak tagok glaong.

Labaih 42 ribau urang daok rah tui kraong  Dnieper meda dang anak rilo bala kan kandah hadei di bruk talah binek ia thủy điện Kakhovka, gah meraong Ucraina di melam 6/6. Ini lac panuac di urang ngak praong di jabat daong di LHQ dalam mbang ginum biai  hội đồng bảo an harei kabroi tuk brei thau dahlau ka dom bruk jhak praong kayua talah binek ia. Ucraina ndem lac Nga ngak patuh binek, dalam tuk nan Nga lac Ucraina patuh phao ngak talah binek. Binek ia Kakhovka nan lac labik pabak ia ngak la-ar ka sang mac điện hạt nhân Zaporizhzhia. Tui nan, bruk ini daok ngak ka urang mboh huac lac hu sa bala hạt nhân di sang mac điện praong abih châu Âu ini.  

Meng bilan 8 anak tal, New Zealand meda pakauk njuk pakao hala điện tử pandar sa mbang. Kanja New Zealand ndem cambaih laih lac, pakao hala điện tử pandar sa mbang lac pakao hala điện tử oh hu pin meda hu taoh tabiak hu atau salih karei hu. Dom labik pablei pakao hala điện tử bahrau oh brei caik jaik sang bac atau labik ginum biai di urang Maori pak ini. Negar ini dahlau di nan jeng khan lac meda peih ngak dom jalan ngak piah pamaong tal dom urang urak ini lac umo mala 14 thun oh njuk hu pakao hala.