Dalam mbang nyaom di QH harei ini (6/6), javap calei dom urang QH ka bruk labaih 4.000 po sang pablei salih hu blei BHXH bắt buộc, min suai bayar jien bilan papeih hưu, Akok mentri LĐ, TB saong XH  Đào Ngọc Dung mboh lac, bruk mek jien BHXH ngan haong baoh sang pablei salih kuhria meng thun 2003 - 2016 lac suan hukum. Jabat halei ngak suan brei taduan trach nhiem. Mentri LĐ, TB saong XH brei pok panuac  tagok TVQH langyah taduan, khik brei kein laba, pabak tame Sarak  brei adat Rajaei peih ngak kuhria pagam tukvak blei BHXH, meyah khin salih bhxh halan hatian atau bắt buộc.       

Harei ini, labaih 96.300 anek saih di TP.HCM yam tame harei pakacah camriep, mbang pakacah pilih ruah tame tal 10 công lập thun bac 2023-2024. Mbang pakacah hu peih tabiak dalam 2 harei lac harei 6 saong harei 7/6. Harei ini. Anek saih ngak kadha pakacah môn Ngữ văn ngan haong tukvak lac 120 minit. Bier harei pakacah môn Ngoại ngữ, tukvak ngak lac 90 minit. Dah page harei paguh (7/6), dom urang pakacah môn Toán dalam 120 minit saong môn chuyên, pataom veik di bier harei ngan haong tukvak 150 minit. Anek saih meda hu tut angan 3 hatai caong ưu tiên 1, 2, 3 piah pilih ruah tame tal 10 dom sang bac THPT công lập.

Tui Mentri Y tế, meng akaok thun mbiah tal ini, dalam taneh ia  hu labaih 9.000 urang ruak tangin takai cambuai, dalam nan  hu 3 urang metai. Urang ruak tangin takai cambuai meda tagok samar saong mboh hu virut EV71 meda pambak ruak trak. Piah caga pacang jit ruak nan, Mentri Y te iew dom palei brei pakhang bruk pathau khan  njuak “ mbang hacih,  menyum tathak, daok hacih”; njauk khik brei tangin hacih. Dom labik y te njauk brei ginup jru, pandap, hoa chat, mac jamriah ka bruk iek ruak cấp cứu, tang ruak saong pacang caga jit ruak dalam dom bruk rah tabiak.

Jabat UBND tỉnh Cà Mau brei thau, taong abih tih pandap panda di tỉnh Cà Mau quý II tagok di tanut 7,69% dut saong tukvak ini thun blaoh. Lũy kế 6 bilan akaok thun tui kuhria tagok 8,61%, dang ka 2 dalam bhum ĐBSCL saong ka 5 dalam taneh ia. Cà Mau mek hu tanut tagok glaong yau nan lac kayua tagok khang di bhum ngak kong saong padang ngak ngan haong tanut tagok 14,08%. Min gah hadang lac gah ngak praong abih daok gaok rilo kan kandah. Jabat chức năng Cà Mau brei thau lac, jalan pablei tabiak di gah hadang daok gaok kan kandah kayua prein blei trun, urang blei di dunya kali kalih jang dalam pandar cai, abih di nyu nan lac di darak pasa châu Âu.

Meng bilan 6 mbiah tal ini, yaom iknapkadoc (ikan klaik) pablei di tỉnh Trà Vinh hu urang blei di labik raong yaom 56.000 đồng sa kilo, tagok 5.000- 6.000 đồng/kg dut saong puac bilan 5. Tui urang raong ikan, tapa ilamu raong meng rilo thun dahlau, dua thun ini, mikva raong karei bilan, oh palao raong pataom sa tukvak haong gauk yau nan ye plaik njaik bruk hu rilo ikan pablei oh abih, yaom biar. Tui Chi cục  Thủy sản tỉnh Trà Vinh, mbiah tal akok bilan 6, urang ngak nong dalam tỉnh raong jaik 500 ha ikan padoc. Ikn klaik mek hu kuhria meng akok thun tal ini labaih 18.820 tấn.

Tui khau tin di Nhật Bản, ia duak ia sua kayua hajan khang tuh trun labik praong gah takai tasik Thái Bình Dương di taneh ia ini di puac adit blaoh ngak ka 3 urang metai saong labaih 900 baoh sang khut tayah. Urak ini kanja dom palei daok samar drah pasaim veik dom khut tayah di bala ia sua biak khang ka oh bhian mboh ini. Tui Viện roh duah gah ilamo di baoh taneh saong pacang caga bala di langik tasik Nhật Bản, mbang hajan khang haong ia hajan meng 400-500mm ba tal ia dauk ia sua biak trak damak saong ini lac bala di langik tasik dalam 100 thun meng hu 1 mbang.

Rajaei Brazil brei thau meda peih ngak sa danak dak XH piah bayra veik dom paok jien daong ngan haong 30 ribau baoh sang hu raidiuk kan kandah daok ngak bruk di dom labik khik iek glai, nan lac bruk ngak piah pakhang bruk khik iek glai  nhiệt đới Amazon - lac glai nhiệt đới praong abih di dunya. Hadei di nan rajaei  kuhria peih praong danak dak tapa dom quan the sinh vat karei, nan lac: Glai Đại Tây Dương saong ceik glai nhiệt đới Cerrado.

Công ty Công nghệ Microsoft meda biyar 20 triệu đô la piah langyah bruk pathau gauk haong Ủy ban Pablei salih Liên bang Mỹ (FTC) ka bruk lac cty ini pataom mek suan hukum khau tin manuac urang di uranaih bo oh hu bruk njauk hatai di amaik ame. Dahlau di nan, cty ini njauk kaoh duas ngak suan Hukum khik caga quyen eng drei online di uranaih Mỹ (COPPA) kayua pataom mek khau tin manuac urang meng dom uranaih hu tut angan tame dom kadha ma-in Xbox bo oh pathau khan ka amaik ame di uranaih, oh hu bruk brei adat di amaik ame. Công ty jeng khik gilac veik khau tin manuac urang di uranaih.