Ribuk rahtabiak di Nghe An

Piah daong ka bhap bini bhum ia sua Nghệ An yam tapa kan kandah, harei ini Thành ủy, HĐ bhap bini, UB bhap bini, UB MT negar Viet Nam Ban raya HCM hu alin brei tỉnh Nghệ An 2 tỷ đồng gam 7 tấn brah, 140 thung mì. Kuhria tal biar harei 5/10, hu labaih 5.900 đơn vị, kapol nyaom, D.N saong urang tut angan rik jien tame labaih 10,4 tỷ đồng daong bhap bini tỉnh Nghệ An pasiam bruk khut khat hadei ribuk.

Tui Tổng cục yaok pataom, jien bilan kuhria rah tapa di urang ngak dalam quý III thun ni hu 6,7 triệu đồng/sa bilan, tagok 143.000 đồng dut song quý II song tagok tal 1,6 triệu đồng dut song tuk vak ni thun bloh. Dalam nan, jien bilan di urang ngak bhum Đông Nam Bộ hu tagok rilo di abih. Kuhria rah tapa jien bilan di urang ngak bhum ni dalam quý 3 lac 8,6 triệu đồng/sa bilan. Urang ngak, ngak bruk di ban raya Hồ Chí Minh hu jien bilan tagok glong di abih, lac hu 9,2 triệu đồng/sa bilan. Bình Dương hu yaom jien mek tame lac 8,9 triệu đồng/sa bilan .

Akok thun 2023 meda hu lô baoh durian akaok meti di Cần Thơ pablei tabiak negar Trung Quốc. Urak ini, Chi cục Pala drak saong Khik caga phun pala ban Cần Thơ daok peih bruk tacei pato ngak hồ sơ, tut angan ngak harak gal brei mã số labik pala, jalan ngak tabiak…ka HTX, tổ HT piah daong urang hu thau bruk ba tabiak brei tut angan mã số labik pala duh ka bruk peih brei pambuak bruk ngak tabiak saong pablei durian, pabak bruk pablei tabiak negar langiu. Mbiah tal tukvak ini, Cần Thơ oh ka hu HTX, D.N, urang halei hu brei mã số labik pala durian.

Dalam 9 bilan akaok thun 2022, pakat ủy dom pakat song dom tổ chức đảng di tỉnh Kiên Giang hu pasang iek 764 tổ chức đảng song labaih 8.880 urang đảng. Tapa nan, tabiak kỷ luật 104 urang đảng. Meng akaok thun tal ni, jeng hu 303 urang đảng , likau tabiak truh Đảng song njauk klak angan, tagok dut song tuk vak ni thun 2021. Tỉnh ủy Kiên Giang kham merat tal thun 2025, yaok thun hu labaih 90% tổ chức đảng, urang đảng hu tong yaom, xếp loại ngak siam bruk ngak. Gam song nan, ba tame đảng meng ni tal thun 2025 lac meng 1.600 – 1.800 urang dalam sa thun song tal thun 2030, kham merat tagok meng 1.800 urang đảng tagok dalam sa thun.

Tui Pasak Kuhria mboh dahlau bruk langik tasik negar dalam dom harei anak tal, kayua ribuk ia sua gah angaok kraong Mekong, gam ia tasik ndik, ia gah angaok kraong Cửu Long di Tân Châu, Châu Đốc tagok samar, meda tagok glong abih dalam 4 thun tapa saong ribuk glong abih dalam thun ini. Dalam nan, meng harei 10 tal 13/10, ia di kraong Tiền labik balai Tân Châu meda tagok 3,7m. Di ngaok kraong Hậu di labik Châu Đốc meda tagok 3,3 m. Mbuan ba ngak brei ia dauk di dom labik dalam, biar, tapen kraong, bhum langiu ar pacang di dom labik dalam tỉnh An Giang, Đồng Tháp saong Long An.

Diễn đàn Nghị viện dom taneh ia dok patagok song bahrau patagok dang akaok dunya (G20) dok rah tabiak di ban ine Gia-các-ta, Indonesia meng harei 5-07/10. Ngan saong kadha “Jhul patagok bruk ngak di Nghị viện kayua bruk pasiam veik khang kajap”, negar po sang Indonesia cong khin diễn đàn pataom mbaok urang pal akaok nghị viện song lambaok dom taneh ia G20 batabiak dom jalan ngak ka dom tavak tavaiy di dunya urak ni, dalam nan bruk kinh tế, khủng hoảng năng lượng song padai brah. Diễn đàn mbang ni jeng meda padang hu panuac sinya pambuak gauk piah lang talaih kan kandah jang yau khik kajap bruk njauk adat hukum ka dom kham merat di rajaei, piah peih ngak dom sarak siam, kayua kein laba di bhap bini.

Bol lin Hàn Quốc brei thau, Triều Tiên cuh veik 2 tên lửa đạn đạo katut panak tabiak tasik gah Timun taneh ia ini. Ini lac mbang cuh ka 6 di Triều Tiên tok dalam tukvak katut panak kuhria meng bilan 9 meng blaoh. Cuh tên lửa đạn đạo di Bình Nhưỡng hu peih ngak dalam 1 harei hadei tuk Mỹ brei kapal haok peih meng năng lượng hạt nhân tal bhum tasik Đông Kaoh pulao Triều Tiên.

Takik di abih 10 urang ndik ceik metai song labaih 20 urang karei dok lahik dalam sa mbang tuyết jaleih di sa tabung ceik dalam talei ceik Himalaya labik nduac tapa Ấn Độ. Urak ni, urang jakar Ấn Độ dok kham merat duah dom urang lahik. Tuyết laik ngak ka bruk ni gaok rilo kan kandah song bruk dong duah hu dui atah dalam dom harei tal. Dom mbang gaok bala ngak metai menuac urang tuk ndik ceik bhian rah tabiak di mangaok ceik Himalaya, labik hu tabung ceik Everest song dom tabung ceik karei glong abih di dunya./.

Urang lang: Hani Pha & Bhumi – 06/10