Harei pataom ilamu bhap bini hadah krah hu meng lavik mai di urang Chăm Ahier

Rajaei birau hu sarak ka bruk brei mesre jien ngan saong anek saih, sinh viên raidiuk kan kandah piah blei mac tính, pandap panda piah bac online. Tui nan, anek saih, sinh viên sang kan kathaot, baoh sang jaik kathaot, hu amaik atau ame, atau amaik gam ame plang lahik kayua jit Covid-19 bo oh ka hu mac tính, pandap panda piah duh ka bruk bac da-a online ye hu mesre phun jien ralo abih 10 trieu dong. Tukvak mesre ralo abih 36 bilan, jien bala 1,2% sa thun di Gilang pariak sarak karja.

Harei Katê di urang Chăm tỉnh Bình Thuận hu mintri ilamu, Thể thao song Du lịch ba tame angan inem krung ilamu phi vật thể pakat negar. Ni lac, harei pataom ilamu bhap bini hadah krah hu meng lavik mai di urang Chăm Ahier. Kate hu makna hadar tal dom Yang mebang, song likau ka hajan siam, hangin lagaih, pala hagait hu nan, anek menuac song abih janih caih menek siam mekre. Tỉnh Bình Thuận, urak ni hu jiak 40.000 urang Chăm, dalam nan hu labaih meteh lac urang Cam Ahier.

Thứ trưởng Mentri Y tế Đỗ Xuân Tuyên brei thau, Mentri Y tế hu pok panuac tagok likau brei blei jaik 22 triệu mbang vaccine Covid-19 klauk ka uranaih umo 5-11 thun. Meyah ngak salah harak gal samar abih ye meda ba lo jru vaccine Moderna akok meti mai Viet Namdi harei 10/5 anak. Ngan saong bruk njauk hatai brei klauk jru vaccine ka uranaih, tui duah thau, mboh bruk pachreih tui nyu karei di gauk, meng 60-80%. Kayua yau nan ye. Mentri Y tế hu padang jalan ngak saong peih bruk pathau khan, pasram ka dom tỉnh, ban piah kuhria caga dahlau tuk vaccine hu ba mai tal Việt Nam.

Dalam 3 bilan akaok thun 2022, gah y tế TPHCM hu 400 urang ngak gah y tế likau padeih bruk. Sở Y tế TP.HCM brei thau dalam adit ni HĐND ban raya hu peih ginum biai song brei tapa dom sarak dong ba piah khik takai urang ngak gah y tế.

Akok UB bhap bini tỉnh Bà Rịa -Vũng Tàu birau mbaoh tangin chip tame harak phe binh dom urang ngak praong di dom huyen, thị, ban dalam tỉnh kayua oh hu mbaok var ngak bruk haong Kapol pasang iek di Kapol urang QH tỉnh di harei 30/3 meng blaoh. Tui urang pan akaok tỉnh Bà Rịa – Vũng Tàu, ini lac asar kadha pasang iek hu makna praong dalam, yau nan min dom urang ngak praong oh hu mbaok di var ngak bruk njauk brei hu, brei urang pakat pho salih ka drei bo oh njauk bruk, oh brei thau saong oh hu urang dang akaok var ngak bruk brei adat.

Thủ tướng Rajaei Campuchia Hun Sen brei thau, ong dok sahneng kuhria brei klaak bruk cuk pataih pacang mbaok di dom tỉnh ban. Meyah ngak iek hu jak jeng ye Campuchia brei peih prong bruk klaak ni. Ni lac bruk dok pamong tal diukrai siam mekre bahrau song Covid-19 di Campuchia. Urak ni, taneh ia ini hu klauk vaccine Covid-19 ginup ka labaih 92,7 % rahra.

Dalam tuk dom urang ngak praong di châu Âu iew brei parilo dom jalan taong phạt Nga, Tập đoàn năng lượng Gazprom di Nga brei thau, daok pabak khí đốt ka châu Âu tapa Ukraine tui caong khin di urang blei. Yau nan min, bruk Nga iew dom taneh ia blei menyek saong khí đốt bayar meng jien ruble ba tal dom suh sah ka bruk pajeng ba năng lượng dalam tuk vak anak tal.

Menyek mbang daok jeng pandap kurang takik di Indonesia. Dom urang pablei rai tabiak bruk lac yaok tuai tok hu blei rilo di abih 2 lít menyek mbang. Rajaei negar ni meda brei padang sa gah đặc biệt piah khik kajap bruk dom công ty dok ngak tabiak prong dom menyek mbang yau bruk hu batabiak, gam song nan pablei ala tanut di nyu 14.000 rupiah ka yaok lít (labaih 22.000 đồng VN). Bruk mesruh gauk di Ukraine ngak kan kandah tal bruk pabak dom janih menyek thực vật karei karei, ngak ka yaom menyek cọ tagok khang./. 

Urang lang: Hani Pha – Bhumi – 05/04