Ong Vuong Dinh Hue dok tacei jalan ngak ka dom tinh, ban pak di mbang nyaom 

Harei ni (21-2), Akaok  Quốc hội Vương Đình Huệ song dom paok akaok Quốc hội pal ak nyaom biai pataom iek veik  bru  ngak di HĐND thun 2021 song ba tabiak jalan ngak ka thun 2022 di  25 tỉnh, ban bhum gah brak.Di nyaom biai, dom urang QH hu khan brei thau dom kan kandah , tavak tavaiy, dom kadha bac megru hu,  jalan ngak hadah krah, lagaih song bruk di anak meta, hu panuac caong Ủy ban Thường vụ Quốc hội ba tabiak dom jalan ngak, piah salih bahrau paglaong chất lượng, kein laba bruk ngak di HĐND, rik dong tame paglong bruk ngak, labik dang  di jabat bhap bini batabiak di puk palei.

        Hadei di nyaom biai ni, Ủy ban Thường vụ Quốc hội (UBTVQH) hu peih 2 nyaom biai patui nan dalam bilan  3 ngan song dom  tỉnh, ban di  Trung ương di bhum gah kreih negar saong bhum gah merong.

UBND tỉnh Đồng Tháp bahrau brei thau bruk pablei 3 tấn pa-aok Cát Chu camriep di thun 2022 tapa darak Châu Âu. Thun 2019 pa-aok di Đồng Tháp mbang camriep di abih hu tame darak Mỹ. Thun ini, baoh pa-aok Đồng Tháp hu pablei tapa darak pasa châu Âu saong ini lac jalan peih tabiak ka pa-aok di Việt Nam hu mbaok di dom darak pasa praong abih di dunya. Ini jeng lac jalan peih tabiak oh njauk lac ka ta-eng pa-aok bo ka dom janih kaya nong karei di tỉnh Đồng Tháp saong abih di nyu nan lac di bhum taneran kraong CL meda hu ba tame dom darak pasa Mỹ saong Châu Âu dalam tukvak anak tal.

Mintri Y tế bahrau tabiak sarak  02/2022 patabiak yaom  dut iek  SARS-CoV-2. Tui nan, yaom trun jiak 30% dut song urak ni. Tui nan, dut iek  SARS-CoV-2 test samar mẫu đơn yaom  oh tapa 78.000 đồng sa mbang dut iek. Dut iek SARS-CoV-2 meng jamriak miễn dịch tự động atau meteh  tự động mẫu đơn yaom oh tapa 178.900 đồng sa mbang dut iek. Dut iek SARS-CoV-2 meng  kỹ thuật Realtime RT-PCR haong mẫu đơn, yaom oh tapa 501.800 đồng sa mbang dut iek.

Harei kabroi (20/2), dom tinh, ban dalam taneh ia hu harak samar drah ka bruk brei padieh raok anek saih nao tal sang bac, kayua dom urang F0 tagok khang tuk anek saih nao bac gilac. Ban ine Hà Nội dahlau di nan brei thau  bruk padieh raok anek saih meng tal 1-6 mai gilac sang bac kayua dom urang njom COVID-19 dalam sang bac tagok saong brukl kanjah jhak di langik tasik. Daok di tỉnh Đắk Lắk, anek saih mầm non, tiểu học saong tal 6 di dalam ban Buôn Ma Thuột meda salih tapa bac online, ban hu labaih 40 jru pato saong labaih  400 anek saih njom ruak COVID-19.

Ban raya .HCM bajhrau hu sa sruh jit COVID-19 bahrau.  Harei 16/2, tu viện angaok jalan Dương Quảng Hàm, phường 5, quận Gò Vấp hu peih bruk dut iek ka tong abih anek saih  , tu sĩ song dom urang dok di pak ni. Tapa  test samar hu 54 urang  dương tính dalam nan hu  53 anek saih song  1 tu sĩ. Urak ni, labik njom ni hu  pacang veik . Di ban raya HCM, tong abih urang njom COVID-19 dalam adit tapa lac 2.934 urang. Dalam nan, dom urang tame sang iek ruak tagok hasit, min, urang ruak trak jeng dok trun, dom urang metai dok di tanut beir. Makna patagok F0 lac kayua ban raya brei peih veik dom bruk ngak mbang, sản xuất, bac da-a….

Anak bruk hu biak rilo panuac ndem lac Nga daok caga sa mbang taong tame Ukraine, urang brei panuac di Điện Kremlin bahrau ini brei thau lac, Nga oh hu bruk taong tame taong tame taneh ia halei. Harei 18/2, Tổng thống Mỹ Joe Biden brei thau, ong jia lac Tổng thống Putin hu “ba tabiak bruk taong tame Ukraine dalam dom harei anak tal”. Thủ tướng Anh jeng hu panuac lac, Nga daok caga jhul châu Âu tame mbang mesuh metak trak damak di abih kuhria meng hadei di kalan kan dunya mbang ka 2. Panuac ini hu urang par akaok Anh ba tabiak hadei di tuk 2 urang lin Ukraine metai dalam dom mbang taong tame dom labik kayua gah ndok độc lập di gah timun Ukraine pasang iek.

Hadei di 16 harei pakacah gauk, melam bloh (20/2), adat tamat  Thế vận hội bilan liar  2022 rah tabiak di mblang  main  pakat negar  “Sruh Cim” di  Bắc Kinh, Trung Quốc. Brei panuac di tuk tamat bruk, ong Thái Kỳ, Akaok mban peih ngak Olympic bilan liar  Bắc Kinh ndom lac: “Thế vận hội bilan liar  Bắc Kinh hu peih tabiak sa saman bahrau  di dom janih  thể thao băng tuyết, jeng sa bruk brei mboh biak gheih karei  ka bruk menuac sia  pan tangin gauk pamong tal harei hadei”. Dahlau di nan, Mban peih ngak  Thế vận hội bialn liar Bắc Kinh hu jap hala doh Olympic ka taneh ia peih ngak Thế vận hội patui nan, tui kuhria hu peih tabiak di bilan  2/2026 di Italia.

Di Ai Cập daok rahtabiak bruk parang iek amek saong Trang sức Nebu 2022, ngan haong bruk yaih khan dom jak jeng hu angan je di gah ngak amek di Ai Cập. Rajaei Ai Cập jeng daok jhul samar danak dak padang ngak “ban amek”, praong 60 ha, di ban ine hành chính bahrau. Tui urang dang akaok Mintri Công thương Ai Cập, darak pasa pandap trang sức dunya yam tapa 228 tỷ USD sa thun saong tui kuhria meda mek hu labaih 307 tỷ USD di thun 2026, kayua nan yau nan ye Ai Cập caong hu bruk rik tame di abih gah di kanja saong gah tư nhân piah patagok darak pasa di taneh ia ini angaok darak pasa trang sức dunya./.

Urang lang: Thu Thảo -Hanipha- 21/2