Harei ni (21/09), Ủy ban Thường vụ Quốc hội brei panuac ka bruk langyah, pabak, ramik veik ka danak dak hukum iek ruak, tong ruak  (pasiam veik). Urak ni, dự thảo  hukum batabiak yaom jien iek ruak, tong ruak  kuhria tui yaom jien ,tui bruk ka nyu ginup lagaih song bruk bayar jien, song pachreih ba paglong chất lượng, patagok ilamu chuyên môn. Dahlau di nan, di mbang nyaom ĐBQH chuyên trách, dom urang mong lac, brei hu sarak ka dịch vụ iek ruak, tong ruak, song blei pandap y tế công lập, khik ramik pabak tui hatai khin, peih bruk meriak gauk ka nyu samu gauk di dom bruk iek ruak, tong ruak.

Di mbang nyaom biai ka 1 di Mban pato tacei jalan pacang caga tham nhũng, dom bruk kanjak jhak di TP.HCM hu peih tabiak di harei 20/6, ong Nguyễn Văn Nên, Uỷ viên Mintri Chính trị, Bí thư Thành ủy, akaok mban pato tacei jalan pacang caga tham nhũng, dom bruk kanjak jhak di ban raya HCM ieu kakei dom jabat tố tụng jhul samar bruk pasang iek, langyah tui hukum dom vụ án tui thẩm quyền di drei; caga padang dom kapul pasang iek dom bruk ngak. TP.HCM daok peih mbang Kết luận 14 di Mintri Chính trị ka jalan ngak pachreih saong daong khik dom urang jakar biak naih, duah jalan ngak bahrau tuk halei jeng saneng tal kein lagaih di rahra. Bí thư Thành ủy TPHCM brei thau lac, mban pato tacei jalan meda patui iek, pasang piah peih mbang Kết luận 14.

Di dom mbang taom gaok cử tri di tỉnh An Giang, Phaok  akaok negar  Võ Thị Ánh Xuân song dom urang kapul ĐBQH tỉnh hu klah rabha dom suh sah di  cử tri ka rilo bruk yau: yaom kaom pandap ngak nong, nhiên liệu tagok glong; bruk pandap pablah tui, pandap ja, oh ka siam; jien bac patagok…Phaok akaok negar  Võ Thị Ánh Xuân pandar  UBND tỉnh An Giang mong iek tong abih piah ba tabiak jalan ngak di tỉnh biak cambaih laih, chất lượng, pamong tal bruk ngak suai lavik. Gam song nan, jhul pakhang bruk mesre  đầu tư công; khang hatai peih ngak dom danak dak, abih di nyu nan lac dom danak dak prong.

UBND tỉnh Bình Dương bahrau brei jao pabak jalan buh jien tame đầu tư công dalam tukvak mbaih kadung jien kanja tukvak 2021-2025 lac 4.266 tỷ đồng ka Danak dak buh jien tame ngak Vành đai 3. Vành đai 3 gah nao tapa Bình Dương atah 26 km, dalam nan tỉnh hu buh jien tame saong hu ba tame pandar 15,3 km, gah Mỹ Phước - Tân Vạn. Urak ini daok 10,7 km ka oh hu buh jien tame ngak ngan haong caong hu jien buh tame lac 19.300 tỷ đồng saong hu Thủ tướng Rajaei njauk gauk parabha kadung jien Trung ương saong tỉnh tui tỷ lệ lac mateh – mateh. Bình Dương daok peih bruk peih mbaok jalan, tui kuhria hu peih ngak dahlau di harei 30/4/2023.

Tapa pasang iek siam mekre pacang khuah pandam khuah ngan song  132 labik ngak mbang dịch vụ karaoke, vũ trường di  Bình Thuận duah mboh rilo kurang takik. Gah chức năng hu panuac pandar, tacei ba dom labik  ramik pasiam 190 bruk kurang takik ka bruk pacang khuah pandam khuah song dong duah urang gaok bala, tong  phạt hành chính 18 mbang. Pagap yau, kanyan thoát nạn hu rilo pandap pacang jalan nao, dom pandap  điện, jamraih brei thau dahlau tuk khuah biak klak, oh ka siam, dom labik chuông khan ka bruk hu khuah oh peih hu…Công an tỉnh Bình Thuận brei thau, tuk vak anak tal, hu pambuak gauk pasang iek tong abih, khang hatai brei padeih dom bruk ngak suan.         

Gah Y tế dunya saong Mintri Y tế Uganda hu pathau khan lac jit ruak kayua virus Ebola ngak tabiak, tamuh ruak di taneh ia ini. Dom urang ruak hu mboh di labik Mubende lac sa urang likei umo 24 thun, metai di harei 19/9.  Jabat di Gah Y tế dunya (WHO) di châu Phi brei thau, dom urang ruak kayua chủng virus Ebola Sudan lac biak kan mboh saong hu duah mboh di tuk jabat y tế pasang iek hu 6 urang metai, medil lac kayua njom ruak virus Ebola di Mubende dalam bilan 9. Tui WHO, dom urang metai ngan haong dom urang njom ruak Ebola meng 50% tal 89%, kuhria tui yaok chủng virus.

Jiak 1 ribau  labik main mbia suan hukum njauk duah chap  song tong tayah dalam mbang pasang iek rah tabiak dalam 3 harei tapa di Campuchia. Bruk tong tayah prong di negar ni hu peih ngak tui adat di  Thủ tướng Hun Sen, patui di nan, ieu trấn áp bruk main mbia suan hukum di ở Campuchia song hu panuac lac brei  sa thải dom urang jakar iek lap bruk ngak.

Australia daok dang anak bruk mbuan si gaok sarau kadhau kayua kurang gru pato ka oh bhian mboh di taong abih dom pakat di gah pato magru. Tui mbang pasang iek bahrau ini, abih tih dom gru pato njauk ngak bruk tui kuhria lac 55 maong dalam sa adit, rilo meng lac oh hu biyar jien bilan. Meng di thun 2018 tal thun 2020, dom gru pato umo meng 30 thun ba trun hu trun meng 14,33% trun daok 12,2%; dom gru pato umo meng 50 thun tagok tagok meng 35,7% tal 38,2%. Australia daok padang sa jalan ngak pakat negar ka bruk kurang gru pato, tui kuhria lac payua tagok Rajaei di bilan 12 thun ini./.

Urang lang: Thu Thảo & H.Pha – 21/9/2022