“Patagok ilamu meng kan, jum pataom, hadah krah, kayua bruk kaya meda di taneh ia”

Harei ni, Nyaom roya urang kamei pakat negar mbang ka 13, tuk vak 2022-2027 peih tabiak di Hà Nội song hu mbaok di 1.000 urang kamei naih gheih. Ngan haong kadha “Patagok ilamu meng kan, jum pataom, hadah krah, kayua bruk kaya meda di taneh ia”, dalam 3 harei ngak bruk, Mbang nyaom hu tong yaom bruk urang kamei song bruk di Kapul urang kamei Việt Nam tuk vak tapa, ba tabiak jalan ngak, bruk ngak dalam tuk vak 2022-2027 song palih ruah tabiak mban chấp hành kapul urang kamei Việt Nam mbang 13. Ni lac nhiệm kỳ camereip peih ngak jalan patagok Hkapul urang kamei Việt Nam tal thun 2030, pamong tal thun 2035.

Phaok Thủ tướng Rajaei Phạm Bình Minh bahrau mboh tangin tame harak tabiak tanut xã palei pala bahrau kiểu mẫu tukvak 2021 - 2025. Tui nan, xã mek hu chuẩn palaei pala bahrau kiểu mẫu brei hu dom tanut lac: Mek hu tanut palei pala bahrau paglaong tukvak 2021 - 2025; ngan saong dom xã mek hu chuẩn palei pala bahrau paglaong tuvak 2018 - 2020, njauk pataom tame pasang iek pabak ginup tanut tui Bộ tiêu chí negar ka palei pala bahrau paglaong tukvak 2021 – 2025; Jien mek tame kuhria tui akaok menuac di xã tuk pasang iek, brei angan xã palei pala bahrau brei glaong jang meng 10% tagok duk haong tanut jien mek tame khurai rah tapa tui akaok menuac; hu takik di abih 1 mô hình palei thông minh; mek hu tanut quy định xã palei pala bahrau kiểu mẫu tui takik di abih lac 1 dalam dom gah brei mboh cambaih abih yaom glaong karei di palei, kayua pakat tỉnh patabiak.

Meng ni tal puac bilan 3, ban raya.HCM peih bruk khik ramik urang dalam nyaom mbuan si njauk ruak, umo labaih 65 thun, dalam nan hu dut iek, tong ruak song klauk vắc xin Covid-19 ka urang oh ka klauk. Tui nan, pandar dom quận, huyện patagok bruk pathau khan, jak ba brei kham merat klauk vaccine ka tong abih urang dalam nyaom buan si glong, min oh ka hu klauk, brei ngak salah dalam harei 29/3/2022. Brei dok karei F0 dalam sang tabiak truh labik dok di urang dalam nyaom mbuan si glong piah patrun takik di abih bruk mbuan si njom COVID-19. Meyah F0 dalam sang lac uranaih , brei uranaih dok karei, oh taom gaok song urang di nyaom mbuan si njauk ruak glong dalam sang.

Tatua Dầu Giây daok dalam danak dak nút giao thông canah 4 Dầu Giây (ban sit Dầu Giây, huyện Thống Nhất, Đồng Nai) hu brei radaih peih tapa meng harei 8/3. Dom janaih radaih hu adat brei peih nao mai tui 2 gah tui jalan Hà Nội – TP HCM saong cagar veik angaok tatua Dầu Giây tuk nao tapa labik canah 4 ini. Tui kuhria, taong abih dom bruk di danak dak nút giao canah 4 Dầu Giây hu ngak salah bloh di akaok bilan 4 tal. Danak dak nút giao thông canah 4 Dầu Giây hu peih ngak ngak meng bilan 3/2017. Tui bruk ba tabiak, tal bilan 3/2018, hu ngak salah saong ba tame pandar. Min kayua rilo makna, bruk padang ngak gam gam tavak tavaiy, suai damuai, ngak kan kandah tal raidiuk di bhap bini daok pak nan saong ngak brei patagok bruk mbuan hu bala angaok jalan mbak.

Pagam tal bruk medhi tong paoh uranaih bahrau rah tabiak , harei 8/3, Công an huyện Trần Văn Thời, tỉnh Cà Mau, hu khởi tố vụ án, khởi tố bị can, oh brei tabiak truh labik dok ka Nguyễn Hồng Lan (di ban sit Sông Đốc, huyện Trần Văn Thời) piah pasang iek bruk tong paoh urang karei. Dahlau di nan, dalam 1 tuk harei 2/3, sa urang dok jiak labik trọ di Nguyễn Hồng Lan pang sap tong uranaih biak khang , nan ye, hu ghi âm veik bruk puac lac, tong paoh di muk ni ngan song kamuan T. Bruk hadei di nan hu jabat công an hu mbaok tame pasang iek .

Melam 8/3 (tui mon Việt Nam) Tổng thống Mỹ Joe Biden tabiak panuac pakauk, oh brei adat ka taong abih dom bruk blei menyek, khí tự nhiên hóa lỏng saong dhang meng Nga. Ini lac jalan taong phạt bahrau abih di Mỹ ka bruk Nga taong tame Ukraina. Gah langyah mboh lac, bruk ngak ini di Mỹ meda ngak brei tagok jang dom kan kandah meng bruk quân sự ka bruk kinh tế dunya njauk rah tapa bruk kurang labik pabak saong yaom kaom tagok glaong kayua jit praong COVID-19. Yaom xăng di Mỹ tagok glaong di abih, jhul lạm phát tagok glaong di abih dalam 40 thun tapa.

Kapul Y tế dunya (WHO) bahrau ba tabiak tacei pato pabak ka vắc-xin pacang COVID-19, dalam nan hu panuac kakei dom taneh ia klauk samar mbang patagok ka rahra . Tui WHO, Nhóm Cố vấn Kỹ thuật ka Thành phần vắc-xin COVID-19 “pachreih tui khang bruk pabak samar song peih prong " dom janih vắc-xin pacang COVID-19 , urak ni ngan haong tong abih dom mbang klauk chính song mbang patagok, abih di nyu nan lac, di nyaom urang hu mbuan si tagok ruak trak . Dahlau deih, WHO hu panuac ieu brei padeih klauk mbang patagok ka urang prong khang kajap tal abih thun 2021 piah dong ka dom taneh ia duah hu jien takik .

Hajan ia sua dui atah 1 adit tapa di bhum tapen tasik gah Timur di Australia ngak brei 20 urang metai, yaok pluh rabau menuac di ban Sydney njauk panduan nao tal labik salamat. Hajan praong jeng ngak brei dauk rilo baoh tatua saong sang danaok, seik rilo radaih, khut tayah rilo sang saong pacang cakak yaok ratuh urang. Gah chức năng mboh lac khut, lahik drap ar saong dom janih athur glai metai meda samu dom mbang khuah glai khang di Australia di puac thun 2019 saong akaok thun 2020./.

Urang lang: M. Phuong – Hani Pha – 09/03