Hu mbaok Harei Nyaom roya jum pataom taong abih bangsa haong bhap bini khu pho 3, phuong Phước Nguyên, ban Bà Rịa, tỉnh Bà Rịa - Vũng Tàu, Phó Thủ tướng Trần Hồng Hà caong khin karja saong bhap bini phường Phước Nguyên patui veik bruk kham merat yam patagok mek hu rilo jak jeng  siam mekre jang dalam bruk peih bruk jak ba “ Taong abih jum pataom dak padang raidiuk ilamo”, kham merat  padang Baoh sang ilamo, Khu pho ilamo  hu suai lavik khang kajap, oh ngak piah hu mbaok.

Harei ini, di Đồng Tháp peih ngak Nyaom biai Padang jalan ngak mbang birau  Bhum taneran kraong Cuu Long mbang II ngan haong kadha “Kinh te hijao - Prein khang birau piah patagok”. Nyaom biai thun ini pambuak prein khang, darak pasar piah daong cak rok patagok dom pandap, danak dak khoi nghiep, kong nghe, jitvu di tỉnh Đồng Tháp saong bhum ĐBSCL, pok meyaom  dom urang, kapol nyaom, đơn vị ngak hu jak jeng bruk padang jalan ngak mbang saong salih birau hadah krah, hu jeng he sinh thau birau khang kajap hu pandar ilamo, kong nghe saong salih pandar taka so.

Rilo taneh pala binguk Cúc mâm xôi di huyen Chợ Lách, tỉnh Bến Tre suai tabiak binguk njauk tame Tet thun birau, ngak khat lahik ka urang pala. Gah chuc nang duah mboh mikva mek pajaih binguk hu thau meng halei mai cambaic laic, phun suai tabiak bungun dut haong tukvak yaok thun,  meda oh tame njauk tuk Tet. Dalam tỉnh Bến Tre hu labaih 7.900 baoh sang pala bingu ngak mekre Tet, ta-eng huyen Chợ Lách meblah 80%. Yaok thun, brei tabiak darak pasar meng 9 tal 10 trieu pandap binguk kieng.

Harei pataom “Ilamo meng kan di bangsa Khmer” daok peih ngak di huyen Gò Quao, tỉnh Kiên Giang. Harei ini hu peih ngak akaok meti dalam dom burk ngak di Harei ilamo  padhih bangsa Khmer tỉnh Kiên Giang thun ini. Di labik peih ngak harei ilamo hu parang iek thaot binguk, pandap pandar di bol bhap rahra Khmer piah yaih khan ka raidiuk di bhap bini; parang iek  tapuk, Mban peih bruk  daok brei sa sruh radaih oto  Gilang tapuk  pajeng  jao duh ka urang bac.Tui Pasak Kuhria mboh dahlau langik tasik pakat Negar, meng harei 15-19/11 anak tal, labik tapen tasik Bhum ĐNB meda hu ia ndik, ia tagok glaong abih di balai Vung Tau tagok tal 4,3m. Dom labik dhaong, biar, tapen kraong saong labik di ar tapen tasik meda mbuan ia dauk. Meng bilan 12/2024 tal bilan 1/2025, di labik tapen tasik gah ĐNB mbuan rah tabiak 4 mbang ia tagok. Dom urang chuyen gia kuhria langik tasik kakei, ia tagok glaong ngak suai ka bruk tathuak ia sua di kraong gah ĐNB, ngak ia dauk tuk hadah page saong akaok tuk bier harei.

Harei pakacah gaiy Ngo bhap bini, Bon Om Touk – sa dalam dom adat ilamo hu peih ngak yaok thun praong abih di Campuchia bahrau peih pakak praong abih dalam rilo thun tapa. Yaok trieu mbang tuai damuai hu mai tal ban ine Phnom Penh piah tui maong bruk pakacah gauk di 350 sruh gaiy haong labaih 22 ribau urang vah gaiy. Bon Om Touk thun ini rah tabiak dalam tuk Campuchia daok khik tani tanat bruk pasiam veik patagok kinh te khang kajap, haong jalan ngak piah jeng sa negar hu jien mek tame kuhria rah tapa glaong dalam thun 2030.

Trung Quoc, bahrau ba tabiak sarak jien je piah jhul bruk patagok tani tanat saong siam mekre di darak pasar taneh riya sang danaok. Dalam nan, peih praong tui chuan taneh sang daok mbang tui jien je lap 1% meng 90m2 tagok 140m2, daong saong ngak siam jang ka hatai caong sang daok di rahra. Rilo chuyen gia ndom lac, bruk pandar sa tanut chuẩn dalam taneh ia brei trun naong trak gah jien je ngan haong bruk blei sang, hu kein lagaih ka bruk blei sang daok di rahra.

Bruk jayah di ong Doanld Trump dalam mbang pilih ruah Tong thong Mỹ daok ngak tagok hatai caong takre ka darak pasar jien taka số di dunya tuk ong Trump hu ndom lac caong ba negar Mỹ jeng sa taneh ia pandar jien taka so. Yau nan min, di Australia, Thong ndoc Gilang pariak Caik caga Australia brei thau he thong bayar jien di Australia daok hu ngak siam saong ngak njauk hatai caong di rahra. Australia ndom lac jien taka so oh lac sa janih jien hu pandar dalam bruk pablei salih di taneh ia ini./.