Harei 25/11, Thủ tướng Phạm Minh Chính hu mbaok tame Harei pablei tabiak lô ô tô điện thông minh camriep di VinFast tabiak darak pasa dunya, dalam nan hu 999 sruh tapa darak pasa Mỹ. Ini lac lô radaih camriep hu pablei tabiak darak pasa dunya, dalam 65.000 đơn đặt hàng di mangaok dunya. Thủ tướng ndom lac, tapa nan brei mboh bruk ngak njauk dalam jalan ngak, bruk ba tabiak saong bruk par akaok, tacei jalan di Đảng, Rajaei; rik daong praong tame bruk peih ngak hu jayah Sarak di mbang nyaom roya XIII di Đảng saong Jalan ngak piah cak rok patagok gah công nghiệp ô tô Việt Nam.

Di Ban raya HCM, UB Trung ương Mat tran Negar Viet Nam, Mentri Tài nguyen Moi truong saong dom kapol nyaom agama birau mbaoh tangin sanya peih ngak “Danak dak pambuak  bruk patagok bruk ngak di dom agama tame khik caga alam moi truong saong caga BĐKH vaktu 2022 -2026”. Meng bruk hu mbaok  di 43 agama, danak hu dom asar kadha gheih lagaih yau: patui bruk jak ba halau janeng agama, urang tu hành, urang tui agama atah klak adat oh daok lagaih, bruk diuk rai ngak nerak tachrauk alam moi truong; padang labik agama hijao, hacih, mekre…

 Sở Ngak nong saong patagok palei pala tỉnh Bình Thuận brei thau lac, meng bilan 10/2020 tal urak ini hu 116 urang lac kiểm lâm, kapul urang ngak gah khik glai di pak ini likau padeih bruk. Makna lac kayua bruk ngak biak glah glar, kan kandah rilo gah, jien mek tame bier, dalam tuk ngak bruk daok gaok rilo trak damak, mbuan gaok bala, pandap daong ka bruk ngak biak thô sơ. Sở Ngak nong saong patagok palei pala tỉnh hu pathau khan tagok Tổng cục Lâm nghiệp, likau pabak quyền patabiak sarak daong ka nyu lagaih.

Ginum biai “Pasang iek dom bruk dalam adat cambat, agama di bhum urang bangsa takik, bhum ceik saong dom jalan langyah, daong paglong raidiuk, jalan sahaneng di urang kumei bangsa takik tui agama” birau rah tabiak di An Giang. Dom urang lambaok hu ginum biai bruk ngak adat hukum, agama pambak tal jalan sahaneng, radiuk di urang kumei bangsa takik; dom bruk mblo tabiak tuk peih ngak sarak, hukum ka tin nguong, agama saong bruk caong hu piah daong paglong raidiuk mbang gui, daok dang ka urang kumei bangsa takik dalam tukvak anak tal.

 Công ty Cổ phần Tabau saradang Cần Thơ (Casuco) bahrau ramik veik brei  tagok yaom blei tabau, tui yaom 1.350 – 1.380 đồng/kg, pandar ka taong abih dom sang pala tabau daok dalam bhum pala tabau di Casuco, dalam nan hu dom tỉnh: Hậu Giang, Kiên Giang saong Sóc Trăng. Min, rilo urang nong jeng pilih ruah jalan pablei tabau tui pok 10 mbaik (hu pandar piah mek ia menyum) ka urang blei, ngan haong yaom meng 1.700-3.200 đồng/kg, gam hu yaom jang, gam oh njauk pah manuac jaoh saong pajeng. Kayua kurang tabau piah ngak nan ye tal urak ini Sang mac saradang Phụng Hiệp jeng ka oh tame bilan ép mek ia.

Sahneng mboh dahlau bruk mbuan lahik điện, ia, kurang pandap ghang am dalam bilan barak, karja Ucraina daok peih ngak dom jalan daong bhap bini yam tapa bilan barak kan kandah.  Ucraina padang dom pasak piah urang meda sạc điện thoại, hơ pui saong mek pandap menyum pandiak. Labaih 4.000 pasak nan hu peih brei saoh, peih luac harei melam. Dom urang daong di LHQ jeng hu jhul khang bruk daong pandap mbang saong pandap pandar ka bhap bini.  

 Gah Y tế dunya saong Pasak pasang iek saong pacang caga jit ruak brei thau lac, ruak sởi daok njom mbak tabiak praong di rilo labik, lac bruk kanjak jhak tal dunya. Ruak sởi mbuan njom mbak saong meda pacang caga hu mayah bruk klauk vaccine meng 95%. Min, jaik 40 triệu uranaih hu klaak sa mbang klauk vaccine sởi di thun 2021 kayua dom kan kandah dalam jit praong COVID-19. Tui kuhria di thun 2021, labaih 128.000 urang metai kayua ruak sởi di mangaok dunya.

Honduras tabiak bruk samar chip ka an ninh taneh ia, brei peih ngak jalan pacang veik bruk ndaok jien di dom njom kapol toi pham. Tui Reuters, piah salih bruk iew lac “ thue mesruh merak”, dom băng đảng di Honduras iew bhap bini brei buh jien tame, meyah oh buh meda njuak urang pametai. Dom jalan ngak birau nan di Honduras hu ngak tui meng harei 25/11, brei adat padeih dom quyen tui hukum di dom labik hu mbaok di băng đảng toi pham saong brei hu 20.000 canh sat tui iek./.