Harei paguh (15/3) meda abih tukvak duah thau hatai sahaneng di bhap bini ka dự thảo Hukum Taneh riya ( pasiam veik). Tui Mentri Tai nguyen saong Moi truong, kuhria tal harei 13/3 hu jaik 8.000 mbang urang brei panuac meng dom kapol nyaom, urang dalam negar tame dự thảo Hukum Taneh riaya (pasiam veik) tapa blah web di Mentri duah thau hatai sahaneng di bhap bini. Dahlau di nan, dom mbang nyaom, ginum biai duah thau hatai sahaneng  di dom chuyen gia, urang ilamu, doanh nghiep brei ka dự thảo Hukum Taneh riya (pasiam veik) hu peih ngak. Dom panuac pataom tame dom kadha yau: Quy đinh chung; quy hoạch, jalan pandar taneh; bruk mek veik taneh, bayar jien taneh, daong saong brei labik daok birau; cơ che, sarak jien padai taneh riya, yaom taneh, taneh ka urang bangsa takik.

Piah ngak tui sarak 49 ka gah viễn thông di động, Mintri Thông tin &Truyền thông brei thau, hadei di harei 31/3, dom urang pandar phone tangin hu thông tin oh ka njauk haong cơ sở dữ liệu negar ka rahra meda taduan hu panuac khan brei thau meng nhà mạng. Nhà mạng meda payua  tin nhắn gam gam dalam takik di abih lac 5 harei, yaok harei takik di abih sa mbang piah ieu cập nhật dữ liệu.  Labik pabak dịch vụ viễn thông meda cakak sa gah ieu phone di dom phone tangin oh nao pabak tui panuac ieu hadei di 15 harei taduan hu panuac khan brei thau saong cakak abih dua gah ieu nao mai meyah oh nao pabak hadei di 15 harei patui di nan. 30 harei hadei di nan, laik phone tangin halei oh nao cập nhật meda njauk padeih pambuak bruk.

UB bhap bini TPHCM birau ba tabiak sarak ka bruk ramik veik yaom taneh piah padang bruk bayar jien taneh saong labik tái đinh cư  duah thau hatai sahaneng di bhap bini hu taneh njauk mek veik di Ban raya thun 2023. Quy định nan hu brei ngak tui meng harei 18/3,  tui yaok quận, huyen. Tui nan, bhap bini hu taneh njauk mek veik di Ban raya hu bayar jien glong jang meng 3 tal 25 mbang dut saong yaom taneh karja ba tabiak. Bruk ramik pasiam yaom taneh nan hu Ban raya ba tabiak glong jang biak rilo mbang dut saong thun 2022, piah jhul pasamar bruk bayar jien taneh peih ngak dom danak dak praong di Ban raya dalam tukvak anak tal.

Piah mek hu angan palei pala bahrau di jhung thun 2023, xã Lộc Phú di huyện tapen negar Lộc Ninh, tỉnh Bình Phước daok kham merat ngak ka nyu salah dom tiêu chí piah mek hu tanut chuẩn. Ong Lê Văn Sâm, akaok UB bhap bini xã Lộc Phú brei thau, kayua xã hu prein khang gah ngak nong nan ye hu jhul khang bruk pasiam dom danak dak thủy lợi, kham merat jak ba bhap bini pandar ilamu kỹ thuật, salih bharau dom jalan ngak mbang, pala drak, pambuak gauk ngak, ieu dom doanh nghiệp buh jien tame gah ngak nong. Langiu di nan, xã hu pachreih ngak rilo kaya nong hacih pambuak haong OCOP, khik ramik paglaong bruk ngak di hợp tác xã pala padai ia, hợp tác xã dịch vụ ngak nong...

Tỉnh Bến Tre birau  peih ngak danak dak pasiam pakajap pacang glut jaleih ar pacang kaoh pulao  Tam Hiệp, xã Tam Hiệp, huyện Bình Đại, piah pasiam bruk glut jaleih trak dui atah rilo thun ini mai. Danak dak  peih ngak tal thun 2024 brei salah, kuhria taong abih phun jien buh tame ngak labaih 325 tỷ đồng. Tui Sở NN & PTNT Bến Tre, glut jaleih takai kraong, takai tasik di tỉnh dalam dom thun tapa rah tabiak dalam sraw kadau, kan thau dahlau, ngak kan kandah tal raidiuk, bruk ngak mbang di bhap bini,. Urak ini, Bến Tre khin hu phun jien chip piah peih ngak dom danak dak pacang glut jaleih tapen tasik di bhum kaoh pulao Ngoài di xã  Bảo Thuận, huyện Ba Tri saong  takai kraong Mỏ Cày, huyện Mỏ Cày Nam.

Taong abih dom nerak tabiak meng pandap mbang di dom labik sang chung cư meda hu ngak jeng khak drak. Bruk ini daok hu ban Melbourne di Australia peih tabiak ngak. Dalam tukvak ngak iek ini, dom sang chung cư jeng hu caik mac halang ia công nghiệp. Sruh mac jamriak nan meda cakak sit, ngak pandiak saong langyah tal 100 kg pandap mbang labaih ka yaok mbang pandar. Nyu meda patrun palai pajoa pandap mbang meng 80 tal 85%. Tukvak ngak abih jaik 8 mon, samar jang rilo duk haong jalan ủ khak yau bhian mboh. Pandap puac di abih tabiak meng bruk halang ia saong ngak veik lac sa janih khak meda buh ka phun pala dalam sang.

Ban ine di Argentina daok njauk sa mbang pandiak khang di puac bilan hè ngan hong nhiệt độ glong abih dalam bilan 3. Adit dahlau, nhiệt độ di ban ine lac 38  độ C, lac glaong jang mbang pandiak khang abih di bilan 3 - thun 1952. Bhap bini saong tuai dulich hu kakei brei takik tabiak gah langiu tuk langik pandiak. Dalam dom thun jaik ini, Argentina hu rilo mbang apui khuah glai oh bhian mboh, ia kraong Parana trun biar abih kuhria dalam jaik 80 thun tapa.

Hadei di rilo bala radaih angaok jalan di mangaok pulao padeih padei, karja tỉnh Bali di Indonesia meda patakik veik bruk brei ka tuai pah radaih máy peih eng. Tui nan, tuai negar langiu tok hu adat pandar dom janih radaih pajeng ba meng labik du lịch hu karja brei adat ngak bruk, khik kajap salamat saong siam mekre. Karja Bali brei thau, oh pacang meneing dom tuai mai ravang me-in, bo pataom tame khik ramik siam mekre bruk du lịch, khik kajap bruk tuai iek praong saong ngak tui adat hukum di pak ini./.