Parang iek "Cariah dalam rai duik ilamu Việt"

Harei pataom ilamu dom bangsa Việt Nam thun 2022 rah tabiak di palei ilamu - Du lịch dom bangsa Việt Nam (Đồng Mô, Sơn Tây, Hà Nội) meng harei 16 - 19/4. Dalam dom bruk di harei pataom ilamu dom bangsa Việt Nam thun 2022 hu ginum biai ilamu hu angan "Patagok ilamu meng kan dom bangsa dalam bruk dak padang ilamu"; Nyaom biai taom mbaok nghệ nhân, urang hu rilo rik dong dalam bruk khik ramik, patagok ilamu meng kan dom bangsa; parang iek "Cariah dalam rai duik ilamu Việt". Harei pataom daok hu dom bruk ngak siam gheih , brei mboh veik dom rija roya adat cambat tanarakun di dom bangsa. 

Kuhria tal harei ini, hu jaik 20 sang bac đại học dalam taneh ia brei thau jalan kuhria pilih ruah anek saih thun 2022. Dalam nan, dom sang bac pandar dom jalan pilih ruah yau ye: peih mbang pakacah taong yaom prein bac, caik tabiak chỉ tiêu piah pilih ruah dahlau chứng chỉ sap negar langiu pakat dunya (TOFEL, IELTS…) atau pandar chứng chỉ sap negar langiu piah pilih ruah, pambuak haong dom kadha karei yau điểm học bạ, điểm pakacah tamat THPT... Rilo sang bac đại học top dang akaok kuhria trun khang tanut pilih ruah iek tui pakacah tamat THPT, tok daok meng 10 - 20%. Bruk ini lac sa paga pacang praong, ngak ka jalan tame đại học di anek saih daok di bhum atah bayah, bhum urang bangsa takik gaok kan kandah jang, kayua bruk bac saong pato di yaok bhum palei hu bruk karei di nyu.

Labik inem krung dak rai pakat negar Đồi Tức Dụp kayua Công ty Cổ phần Du lịch An Giang khik ramik, peih ngak pabak du lịch hu mek jien tame pabah mbang. Hadei di tuk hu panuac lac ka bruk Công ty ni eng drei padang ngak, salih cấu trúc di labik inem krung , Sở ilamu , Thể thao song Du lịch An Giang gam song rilo sở, rilo gah, UBND huyện Tri Tôn hu padang kapul nao pasang iek dom hạng mục danak dak bahrau hu ramik veik , padang ngak. Tapa pasang iek, kapul mboh lac rilo hạng mục, danak dak oh likau adat ka hara gar padang ngak labik inem krung dak rai pakat negar Đồi Tức Dụp.

Mbang camereip abih di Việt Nam, 1 danak dak padang mbang ngui startup hu mbaok ginup 3 prein khang lac: Công nghệ - Phun jien – Darak pasar, gam haong bruk hu mbaok di jaik 20 gah buh jien tame ngak, gah pambuak bruk praong, bahrau hu peih tabiak. Danak dak padang mbang ngui Sun* Startups hu daong brei meng Tập đoàn Sun Asterisk Việt Nam – haong prein khang lac daok hu jaik 1.000 kỹ sư công nghệ di Việt Nam haong Japon.

Yaom gas pablei rai dalam taneh ia bilan 4 tagok hasit, lac tagok 13.900 đồng bình 12 kg song 55.900 đồng bình 48 kg. Mboh lac, yaom gas Saigon Petro di Công ty Dầu khí TPHCM (Saigon Petro) tagok 14.000 đồng/sa bình 12 kg. Yaom pablei rai takik di abih tal tangin urang pandar lac 516.000 đồng sa bình 12 kg. Ni lac , bilan ka 3 dalam thun ni, yaom gas tagok song tagok gam gam, kuhria abih tih dom mbang tagok nan, lac 72.000 đồng/sa bình 12 kg.

Gah Y tế dunya WHO bahrau ba tabiak brei thau harak taong yaom ka jit praong Covid-19 ngan haong 3 bruk jit ruak meda rah tabiak dalam thun ini. Tui nan, bruk meda rah tabiak di abih lac virus SARS-CoV-2 daok salih karei tui jalan cakrok patagok min bruk kan kandah, trak damak di jit ruak meda trun tuk bruk pacang ruak hu tagok meng vaccine saong njaom mbak”. Min WHO jeng hu panuac lac, dom mbang patagok dom menuac njauk ruak saong metai meda rah tabiak tuk bruk miễn dịch nyu trun daok takik.

Jit prong Covid-19 oh lac ngak kan kandah tal bruk anek saih hu nao tal sang bac piah bac da-a tapak, bo dok ngak patrun chất lượng bac da di dom adei. Ni lac sa dalam dom asar kadha bahrau hu Kadung jien uranaih Liên hợp quốc brei thau dalam sa pathau khan ka kan kandah di jit prong Covid-19 tal anek saih di dunya. Bruk thau puac, thau vak atau ngak dom bài toán sit di uranaih oh hu nao bac daok di tanut bier di abih. Bruk ni, ngak ka dom adei mbuan si njauk tabiak truh mạng lưới siam mekre bo sang bac meda ba mai, ngak brei patagok bruk dom adei mbun si njauk lợi dụng song dang anak sa rai duik kan kathaot .

7 taneh ia dalam Liên minh châu Âu (EU) lac: Prang, Đức, Hà Lan, Tây Ban Nha, Italy, Luxembourg haong Bỉ bahrau ini hu panuac ieu rahra di taneh ia drei oh pataom mbaok tame bruk mesruh gauk di Ukraine. Tui panuac ieu nan, dom taneh ia angaok nan njauk gauk tabiak panuac ieu rahra di drei oh tame kapul lin halan hatian tame bruk mesruh di Ukraine./.

 Urang lang: M. Phương – Hani Pha – 02/04