Hurilo nghe nhan, van dong vien mai meng 8 puk palei Cham

Harei pataom Ilamu, Padhih the thao saong Dulich bhap bini Cam tỉnh An Giang mbang IX thun 2022, pahadar 190 thun padang tỉnh An Giang rah tabiak meng harei 8 tal harei 10/5 di Bein bingu ban sit An Phú, huyen An Phú, tỉnh An Giang. Hu mbaok di dom nghe nhan, urang daoh tamia, urang pakacah, bhap bini mai meng 8 puk palei Cam dalam tỉnh, Harei pataom ba mbuan lagaih piah ka dom nghe nhan, urang daoh tamia, urang pakacah hu taom gaok, ndem meyai nao mai, rik tame khik ramik, pok meyaom dom ilamu meng kan. Gam tui nan, lac piah yaih khan pambak praong bruk dulich, thaot bingu urang Cam An Giang hatung hatai anit ranam taneh ia, tari tarieng hadah krah, pambuak haong dom bangsa adei sa-ai padang ngak palei pala An Giang dak harei dak siam…

Bilan  hè thu thun ni, urang nong  Vĩnh Long gaok rilo kan kandah kayua bhian gaok dom mbang  hajan khang dui atah. Meng di tuk trun pajaih, gaok langik hajan, rilo mblang padai njauk drak veik. Tuk padai sraoh daok gaok hajan  ngak jaleih phun song patrun năng suất. Kuhria tal puac bilan 4 dalam tỉnh hu labaih 33.000ha padai Hè Thu hu trun pajaih bloh. Tuk vak tapa, hajan khang ngak ka labaih 20ha padai dok dalam tuk vak tasak njauk jaoh jaleih  meng  10- 20%, rilo meng dok di  2 huyện Vũng Liêm song Trà Ôn. Langik hajan rilo yau urak ni, lac biak lagaih ka nhện gié, baoh bao darang tagok rilo song palai kaik. Dalam nan, baoh bao darang meda pataom tame palai kaik mangaok padai bahrau trun pajaih tuk vak drak, abih di nyu dom bhum dhong, dauh ia

Sang bac ĐH Đà Lạt birau ngak salah Pasak Pato megru trí tuệ nhân tạo (Artificial Intelligence Center - AIC). Ini lac pasak ka 2 hu ba tame ngak bruk hadei pasak hu padang di Đại học Negar Ban raya HCM. Ngan haong bruk pato megru, tacei pato bruk ngak ka dam dara, ngak brei hu manuac ngak bruk asar glong, kapol IPP daong jien ka Sang bac  Đà Lạt padang pasak ini.

Meng baoh Huy chương ban đơn nữ cầu mềm 1m bier harei kabroi, Ngô Phương Mai peih mbaok  huy chương ka kapul  thể thao Việt Nam di SEA Games 31. Dalam harei ni 9/5 hu dom asal pakacah  di  môn thể thao pakacah gaiy Canoeing/Kayak di pasak pakacah gaiy Thủy Nguyên (Hải Phòng).  Kapul  thể thao Việt Nam hu mbaok di  SEA Games 31 hu  965 VĐV, daok pamaong mek hu labaih  140 Huy chương meh, dang dalam nyaom dang akaok bảng tổng sắp huy chương nyaom roya.

Tui Sarak 15/2022/TT-BTC di  Mentri Jien padai ka bruk khik iek saong pandar kadung jien bruk ngak peih ngak Danak dak pakat negar patagok kinh te - xa hoi bhum urang bangsa takik saong bhum ceik vakttu 2021 -2030, hu ba tame ngak tui meng harei 1-5-2022, Urang kumei bangsa takik raidiuk kan kandah đặc thù, ndih tapui anek njauk tui sarak dân số hu daong ralo abih 3 trieu đồng sa urang maik.

Nyaom dom taneh ia ngak cong dang akaok  (G7) yau Pháp, Canađa, Đức, Italia, Nhật Bản, Anh song Mỹ  harei kabroi hu panuac sinya  dak harei dak tabiak truh bruk pagam pambak tame  xăng menyek di  Nga song pabak tuk vak  piah khik kajap dom jalan pabak brei.  Min, panuac di  G7 oh tacei cambaih yaok taneh ia hu peih ngak dom panuac sinya hagait  piah klaak menyek di  Nga.  Mỹ oh brei blei tame  xăng menyek di  Nga. Liên minh châu Âu brei thau bruk cakakk trun  2/3 khí đốt di Nga dalam thun ni, dalam tuk nan  Đức hu panuac oh njauk hatai haong bruk cakak klaak abih nan, song dom taneh ia thành viên jeng dok ginum biai biak catang.  

Ni-giê-ri-a harei ini hu jeng taneh ia akaok meti brei padeih dom mbang par dalam negar, dalam tuk yaom menyek kapal haok tagok glong 4 mbang kuhria meng akok thun tal ini kayua bruk mesruh metak di Ucrainai. Ini lac bruk birau abih kayua pambak mai meng bruk mesruh metak di Ucraina. Bruk mesruh catang bal tal klaik klaoh darak pasar menyek, ba tal rilo taneh ia oh blei hu menyek di Nga. Dom hãng kapal haok  dalam negar Ni-giê-ri-a njauk daong yaom dom dịch vụ dalam 4 bilan tapa, rilo mbang par njauk  kadun tuk par atau padeih, dalam tuk yaom vé tagok 3 mbang di dom jalan par dalam dom adit jiak ini.

Jabat khik ramik  gah parang me-in Trung Quốc bahrau ni hu batabiak sarak bahrau  oh brei adat bayar jien ka diễn viên meng jien mbaok, sa bruk hu dom  chuyên gia negar ni tong yaom  lac piah cagar veik dom bruk dauk jien je.Jeng tui sarak bahrau ni,  Nghệ sĩ oh hu adat mek angan di gauk gar  atau dom menuac urang oh gam tal bruk parang me-in  piah mbaoh tangin tame harak pambuak bruk piah rabha jien tabiak jeng dom pok karei di gauk, pacang padauh jien duah hu di urak ni./.

Urang lang: Hanipha -Ái Nghiêm -9/5