Dalam mbang peih pakak nyaom biai oh hu caga dahlau ka 2, QH mbang 15, di biar harei 5/1,meng hu  ralo urang QH hu mbaok njauk hatai, QH brei tapa Sarak mien nhiem dua Pho Thu tuong Rajaei vaktu 2021-2026 ngan haong ong Phạm Bình Minh saong ong Vũ Đức Đam. QH hu brei tapa Sarak  tui bruk ba tabiak di Thu tuong rajaei ka bruk pok ngak 2 Pho Thu tuong Rajaei vaktu 2021 -2026 ngan haong ong Trần Hồng Hà, Ủy viên Trung ương Đảng, Akok Mentri Tài nguyên - Môi trường saong ong Trần Lưu Quang, Ủy viên Trung ương Đảng, Bí thư Thành ủy Hải Phòng.

Harei pataom Tết Việt thun sak tapai 2023 ngan haong kadha "Ban raya dahlak anit ranam" daok hu peih tabiak di Sang ilamo dam dara (Quận 1-TpHCM). Harei pataom  dui atah tal abih harei 26/1/2023, bruk njauk mayai nan lac labik "Phố Ông đồ" hu labaih 50 ông đồ ranaih umo vak akhar ka tuai. Harei pataom hu padang ngak labaih 100 dhar phun bingu mai kanjik gheih daong ka tuai mboh hu chreih chrai di bilan xuân. Tapa nan mban peih bruk hu taduan phun jien meng dom doanh nghiệp, urang ngak pahla saong jao alin pandap Tết tal ranaih gaok kan kandah, ranaih matuai kayua jit ruak Covid-19 di dalam ban raya.

Harei pataom Quýt hồng, huyện Lai Vung mbang ka I, ngan haong kadha “Caong khin patagok” daok rah tabiak di tỉnh Đồng Tháp. Harei pataom piah pok meyaom, yaih khan thaot binguk quyt hồng, jeng yau ilamu, kinh te ka dom pandap ngak meng quyt saong rik daong patagok bruk dulich, padang thaot biguk di bhum palei. Dahlau di nan, UB bhap bini tỉnh Đồng Tháp hu mbaoh tangin tame Danak khik ramik, pasiam phun quyt hồng di huyen Lai Vung. Urak ini, dalam huyện Lai Vung hu labaih 200 ha quyt hồng daok brei baoh, tui kuhria bilan Tet meda ba tabiak pablei ka darak pasar labaih 5.000 tấn.

Urang nong pala vụ lasun lo aval di ban sit Vĩnh Châu, tỉnh Sóc Trăng daok yam tame bilan paik mek. Urak ini lasun daok pataom blei ngan haong yaom labaih 35 ribau dong sa kg, ini lac tanut glaong, daong ka mikva hu laba. Min, ka năng suất ye bier jang yaok thun njauk mek hu tui kuhria labaih 1,2 tấn/công.  Ong Mã Chí Thọ, Akaok Phường Kinh tế ban sit Vĩnh Châu brei thau lac, langik hajan rilo saong yaom lasun daok di tanut glaong hu jhul phun jien pala di urang nong tagok glaong. Kayua yau nan ye, puk palei daok haduh hatai ka mbang pala ini meda hu ngak hu jalan ba tabiak di mblang taneh pala, tuk tal tukvak ini mikva meng pala hu jaik 3 ribau ha.

Sở Tư pháp tỉnh Bình Thuận hu harak payua dom kapol nyaom ngak bruk gah cong chứng pambuak tal 132 mblang taneh di 3 xã: Phong Nẫm, Thiện Nghiệp sang Tiến Lợi praong abih tih lac labaih 170.000 m2 njauk pacang cakak salih quyền pandar meng bilan 10 thun 2019  kayua pambuak tal bruk ngak suan hukum ka taneh riya. Dalam nan tỉnh  oh brei pablei salih taneh ngan haong 42 mblang taneh oh ka salih angan urang pandar taneh mbiah tal tuk hu brei panuac tamat birau di jabat hu thẩm quyền. Ta-eng 90 mblang taneh hu salih angan urang pandaer taneh ye peih talaih bruk pacang cakak, brei adat pablei, salih quyen ngak po pandar taneh.

Cục Khik ramik pandap panda Y tế negar Trung Quốc (NMPA) hu brei adat samar drah ka mac suak yava oxy nhân tạo (ECMO) camriep hu ngak tabiak dalam taneh ia saong pandap panda nao gam. Mac suak yava ECMO saong paok pandap panda nao gam meda daong urang ruak praong thun njauk suak yava atau tim phổi biak trak bo dom jalan ngak taong ruak karei oh pasang iek hu, jang yau daong ka dom urang daok mbuan gaok bruk trun prein yava atau ba tal metai.

Urang brei panuac di karja  Taliban di Afghanistan brei thau hu 8 urang njauk pametai saong 7 urang karei njauk chap khik dalam dom mbang taong tame dom labik daok dauk di kol IS daok di taneh ia Tây Nam Á. Kuhria meng tuk Taliban mai pan akok veik karja  Afghanistan di bilan 8 thun 2021, kol ini brei thau lac  meda pataom tame bruk khik an ninh taneh ia. Yau nan min, rilo mbang patuh phao ngak tatuan megei ban ine saong dom  bhum đô thị  karei dalam dom bilan jaik ini. LHQ taong yam bruk an ninh di Afghanistan dak tuk dak jhak.

Sa baoh sang hu klau urang praong thun saong 5 uranaih hu duah mboh njauk cuh pametai di harei 4/1 di gah dalam baoh sang daok di bhum palei di gah Tây Nam bang Utah, gah Pai negar Mỹ. Dom jabat chức năng pak nan oh hu ba tabiak khau tin cambaih halei ka bruk rahtabiak atau bruk hagait ba tal bruk cuh phao ini. Dom urang ini jeng oh khan cambaih bruk pambuak gauk di dom urang dalam sang./.