Thủ tướng Phạm Minh Chính khan brei thau di harei peih tabiak Bilan ngak kayua uranaih saong Peih mbaok bilan he thun 2022

Di harei peih tabiak Bilan ngak kayua uranaih saong Peih mbaok bilan he thun 2022 ngan haong kadha: “Sa tangin haong gauk sangka iek glang, pato pakai saong khik caga uranaih” hu peih tabiak di harei 31/5 di Hà Nội, Thủ tướng Phạm Minh Chính ndem lac, urak ini bruk pato pakai, sangka iek glang, khik caga uranaih jeng daok gaok dom kan kandah, tavak tavaiy. Bruk uranaih njauk taong paoh, ngak brei pandik harao meng rup pabhap tal akaok sahneng, njauk bala bo rilo abih lac bala mblung ia, pametai rup eng kayua duh hatai meng njauk kan kandah di dom janih ruak hadei di tuk njauk ruak COVID-19 jeng daok rahtabiak; jeng daok hu dom uranaih daok gaok kan kandah dalam raidiuk. Kayua yau nan ye, Thủ tướng hu panuac ieu yaok rahra njauk ngak bruk kayua uranaih meng abih hatung hatai anit ranam di drei. Gam tui di nan, xã hội jeng njauk lên án saong langyah biak catang dom bruk ngak suan ngan haong uranaih.       

Pahadar harei dunya uranaih 1/6, Akaok UBND tỉnh Cà Mau song lambaok dom mban, dom gah hu nao rivang song brei jiak 300 pok pandap (yaok pok yaom 300.000 đồng) ka uranaih hu rai duik kan kandah dok hu rong ba, pato pakai, iek glang di dom pasak dong ba xã hội. Akaok UBND tỉnh cong khin dom mban dom gah palagaih ka dom adei , anek saih hu rai duik kan kandah hu daong prein nao bac, dong duah bruk ngak, hadei di tuk bac megru bruk ngak, piah hadei di ni dom adei hu rai duik siam jang.

Meng harei ini (1/6) rahra Việt Nam di dalam taneh ia hu căn cước công dân pagam chíp điện tử atau căn cước công dân 12 laik daok tukvak pandar, meda biyar jien lệ phí meng online tapa hệ thống biyar jien online, meda tame Cổng Dịch vụ công pakat negara atau Cổng Dịch vụ công di Mintri Công an piah tut angan ngak harak gar, biyar jien lệ phí online, taduan hộ chiếu tapa bưu chính atau mai taduan tapak di jabat khik ramik bruk xuất nhập cảnh tuk ngak blaoh.

5 bilan akok thun, bruk pablei tabiak negar langiu di doanh nghiệp daok di Đồng Nai mek hu jiak 11 tỷ USD; blei tame lac labaih 8 tỷ USD. Yau nan, tỉnh xuất siêu labaih 2,9 tỷ USD. Ni lac yaom xuất siêu glong di abih dut song tuk vak ni dalam 2 thun tapa. Tui Cục yaok pataom Đồng Nai, bruk sản xuất công nghiệp di Đồng Nai dok hu dom siam lagaih ; dalam nan dom gah ngak prong yau jik, ngak klik song dom pandap pagam tal, hóa chất, pandap điện tử dok tagok siam.

Tui Pasak pasang iek ruak kik TP.HCM, kuhria meng harei 20/5 tal harei 26/5/2022, ban raya hu 121 sruh jit pandiak tabiak dahrah bahrau, rilo jang 42 sruh jit dut saong adit dahlau di nan. Min ka oh hu urang metai bahrau. Tal urak ini, dom urang ruak pandiak tabiak darah jeng daok padieh di 7 urang. Gam haong ruak pandiak tabiak darah ye dom urang ruak cambuai, tangin, takai jeng daok tagok glaong. Meng harei 20 tal harei 26/5, ban raya jeng hu veik labaih 1.000 urang ruak cambuai, tangin, takai, tagok 481 urang dut saong kuhria rah tapa dalam 4 adit dahlau.

Harei ni, Ngoại trưởng dom taneh ia Ả Rập Xê Út, Các Tiểu vương quốc Ả-rập Thống nhất, Oman, Kuwait, Bahrain song Qatar hu taom gaok Ngoại trưởng Nga Sergei Lavrov di jabat di kapul pambuak bruk Vùng Vịnh di Ả Rập Xê Út. Bruk ngak prong di var taom gaok jeng lac bruk xăng menyek, abih di nyu nan lac anak bruk kateik greik di phương Tây song Mỹ piah tagok bruk njuk menyek, jang yau bruk khủng hoảng Nga - Ukraine. Dom ngoại trưởng Hội đồng Hợp tác Vùng Vịnh brei thau ka jalan ngak lac padeih bruk mesruh gauk di Nga song Ukraine, oh catang tagok song jhul pakhang bruk ginum biai piah mek hu sa thỏa thuận siam mekre.

Tổng thống Mỹ Joe Biden bahrau hu mbang taom gaok haong nyaom nhac likei hu 7 urang hu angan je di negar Hàn Quốc - BTS piah ginum biai ka bruk ba drei tame di urang châu Á. Mbang rivang Mỹ di nyaom nhạc jeng brei mboh Bilan pok manyaom urang Mỹ asal Á saong urang bản địa Hawaii/ bhap bini di pulao Thái Bình Dương di Mỹ. Nyaom nhac BTS jeng hu rilo mbang brei panuac oh njauk hatai ka bruk pamaoh urang gốc Á ngan haong hatai lac “oh ndem hu jeng panuac ka bruk pandik harao tuk jeng menuac njauk urang pamaoh saong taong paoh kayua makna ini”.

Palai pajoa labik pok jien chung châu Âu dok tagok tal glong di abih ngak ka gilang pariak Trung ương châu Âu mboh lac, brei tagok yaom laba piah pacang bruk tagok yaom. Dalam bilan 5, palai pajoa di 19 taneh ia di labik pok jien chung châu Âu tagok 8,1% dut song tanut 7,4% dalam bilan 4 di thun bloh. Tui kuhria , bruk palai pajoa di labik pok jien chung châu Âu mek hu tanut tabung glong dalam bilan 9 ngan song tanut 9,3%./.

Urang lang: Thu Thao & Hani Pha – 01/06