Harei pataom angui cuk Ao Dhai Ban raya Ho Chi Minh mbang ka 11 hu rah tabiak meng harei 1 tal harei 9/3 anak tal. Thun ini bruk nan hu peih ngak praong pamaong tal harei pahadar 50 thun peih paha gah Meraong negar, yasa taneh ia 30/04/2975. Harei pataom peih tabiak piah iek praong ao dhai bhap bini, gam haong nan brei mboh kham merat di Ban raya Ho Chi Minh dalam bruk khik ramik saong patagok dom ilamo siam gheih meng kan dahlau mai. Dalam luac 9 harei rah tabiak Harei roya Ao Dhai, rilo danak dak siam gheih hu peih ngak di dom labik yau Bein bingu Rup patau Ho Chi Minh, jalan nao takai Nguyễn Huệ, Bein bingu Lam Sơn, anak Sang adaoh Ban raya saong dom inem mek sajarah dakrai, ilamo karei di Ban raya…

Meng harei 9 tal harei 13/3, tinh Dak Lak meda peih harei Roya Caphe Buon Ma Thuot mbang ka 9 thun 2025 ngan haong kadha “Buon Ma Thuot – Labik pambuak takai mai di caphe dunya”. Ini lac bruk ngak piah salam pahadar 50 thun Harei Jayak Buon Ma Thuot, peih paha tinh Dak Lak (10/3/1975 - 10/3/2025), tui nan rik tame yaih khan  pambak praong angan caphe Buon Ma Thuot, dak padang thaot binguk ban Buon Ma Thuot lac “ Ban caphe di dunya”; meyaom urang pala, ngak tabiak pandap caphe, pablei salih caphe saong yaih khan  ilamo siam gheih meng kan di bol bhap dom bangsa pak bhum taneh ini.

Danak dak jirah rivang Inem mek kien truc nghe thuat pakat negar Sang ngak bruk di HĐ Bhap bini - UB Bhap bini Ban raya Ho Chi Minh tukvak tapa hu taong yaom lac sa labik yulit hu angan saong bahrau, daong ba drap ar tame raidiuk. Ini jeng lac tanut hadah dalam jalan yaih khan yulit Ban raya Ho Chi Minh. Thun 2025, Ban raya Ho Chi Minh hu raok urang lambaok vakil mai hu mbaok tame di Harei pahadar 50 thun harei Peih paha gah Meraong, yasa taneh ia (30/4/1975 - 30/4/2025). Piah khik kajap bruk duh ka harei pahadar saong karo salamat ka tuai jirah rivang…, So Yulit Ban raya Ho Chi Minh anak meta brei padeih bruk tame jirah rivang labik ini tal tuk hu harak pathau khan karei.

So Ilamo, Padhi the thao saong Yulit tinh Soc Trang saong UB bhap bini huyen Châu Thành birau khan tapa Danak dak “Jalan drap ar ilamo banga Khmer, xã Phú Tân, huyện Châu Thành pambuak haong bruk yulit”. Ini lac asar kadha  di Bruk ngak ka 6 di Danak dak pakat negar ka bruk patagok kinh te – xa hoi bhum urang bangsa takik saong bhum ceik. Kuhria abih tih jien peih ngak Danak dak jaik 28 ti dong. Danak dak nan lac bruk praong gam piah khik ramik  ilamo, gam jhul pakhang bruk ngak kinh te, daong bhap bini salih jalan sahaneng  ngak kaya meda.

Kadha xiếc “Bhum taneh po gireik” daok parang iek di Rạp xiec Bein bingu Gia Định, Ban raya Ho Chi Minh daok pablei hu biak rilo harak ve oh ka tuk halei hu yau ini. Bruk pambuak di xiec biak gheih, ilamo bahrau, kich ban dui pacheih saong hieu ung 3D hu ngak njauk hatai tuai damuai, meng uranaih tal menuac praong. Harak ve tuk halei jeng pablei abih, ngak ka sang adaoh brei peih rilo mbang parang iek. Kadha xiec hu atah 2 mon, katuak jeng sa bruk tuk halei jeng pablei abih harak ve, ngak jeng prein pandiak di angaok mang xa hoi haong dom bruk ngak gheih meta maong hu pagap yau “show dunya”. Abih tih harak ve hu pablei abih tal kreh bilan 3 thun ini.

Tong yam ndoc Gah Y te dunya (WHO) Tedros Adhanom Ghebreyesus caong khin lac njauk brei ginum biai sumu hasa jalan haong gauk di dunya piah langyah dom jit ruak praong anak tal. Ong jia lac oh hu taneh ia halei meda eng drei khik caga hu jit ruak praong anak tal. Panuac khan di urang ngak praong Gah Y te dunya ba tabiak hadei karja Tổng thống Donald Trump khan lac taneh ia ini tabiak truh dom mbang ginum biai ka jit ruak praong, ngak kan kandah gah y te saong ngak kurang jien padai di dunya. 

Ban Grozny, Ban ine negar Cong hoa Chexnia di negar Nga, mek hu angan “Ban ine Ilamo di Nga” thun 2025, hadei di Nizhny Novgorod lac ban khik hu angan ini dalam thun 2024. Hu ndom dalam Harei pakak, Thu tuong Côong hooa Chexnia Magomed Daudov, ndom catang, angan ini lac bruk hadah mbaok praong prang ngan haong Cong hoa Chexnia, gam haong nan pagun sanya peih ngak labaih 200 danak dak dalam thun piah meyaom drap ar ilamo – sajarah ini./.

Dom randaih kaya kan drap ar hu duah mboh di quan Trường Thanh, ban Tế Nam, tỉnh Sơn Đông, gah Pur negar Trung Quốc birau ini brei thau lac thun bilan padang ngak Vạn Lý Trường Thành hu jaik 300 thun. Trường Thành di jaman patao Tề lac makna biak praong di Vạn Lý Trường Thành hu UNESCO taduan brei angan Inem mek dunya. Ini lac paga Trường Thành aval di abih saong atah abih di negar Trung Quoc, atah labaih 640 km. Roh duah nan hu makna biak praong brei thau cambiac laic hu meng halei mai saong jalan patagok di danieng paga Vạn Lý Trường Thành di Trung Quốc./.