Tui ong Nguyễn Văn Hiếu, Yam ndoc So Pato megru TPHCM, Mbang pakacah tamat THPT 2024 di ban raya hu 90.062 anek saih pakavah, dalam nan hu 5.785 anek saih langiu sang bac. Dalam ban raya hu 13.076 anek saih hu mien pakacah Ngoại ngữ dalam bruk pasang iek tamat THPT, 87 anek saih hu mien taong abih dom kadha pakacah tamat. Dom anek saih brei tut angan pakacah dom mon KHTN glong jang KHXH. Daok Ngoại ngữ dalam nan hu sap Anh hu rilo anek saih palih abih.

Bahrau ini, taong abih Kapul dam dara dom sang bac phổ thông dalam tỉnh Đồng Tháp hu peih bruk tabiak mbaok Harei tabung glaong Danak dak halain hatain Hoa phượng đỏ thun 2024. Danak dak halain hatain hu peih tabiak meng ini tal abih bilan 8. Dalam tukvak ini, hu labaih 1.000 urang halain hatain hu mbaok tame rilo bruk ngak chreih chrai, hu makna, yau ye rivang sang sarak kanja, sang hu buh prein ka cách mạng; pataom mek nerak, pala phun hijao, puh ramik ngak hacih labik daok, peih ngak bruk “bein pabam dam dara”. Tapa danak dak hu daong ngak jeng mblang ma-in bui sambai, siam makre, lac labik piah pato jalan diukrai siam mekrei, daong ka dom urang đoàn, dam dara pasram pahat rup, pambak tabiak dom yaom glaong, siam mekre.

Le hoi kraong ia bein phun mbang baoh Sóc Trăng daok rah tabiak di Cồn Mỹ Phước huyện Kế Sách pachreih hu rilo bhap bini, tuai damuai hu mbaok tame. Le hoi peih ngak rilo bruk pambuak pagam haong raidiuk di bhap bini bhum kraong ribaong. Abih di nyu lac le hoi daok hu pakacah baoh kayau bingi, ngan haong 16 labik parang labaih 30 janih baoh kayau di bhum kraong ribaong…Cồn Mỹ Phước di kreh kraong Hậu, hu langik tasik siam lagaih, ia taba luac thun, taneh riya siam mekre, rahra diukrai meng bruk pala phun baoh, haong taneh praong jaik 400 ha…Ini lac bruk mbuan lagaih biak praong piah tỉnh Sóc Trăng cak rok patagok dulich kraong ribong bein phun mbang baoh dalam tukvak anak tal.

Kuhria tal harei 31/5, labaih 2.100 harak adat hu brei veik atau brei bahrau ka gilai ikan atah labaih 15m taong mek ikan di bhum tasik di dalam tỉnh Bà Rịa - Vũng Tàu. Min, adat di harak adat taong mek bahrau ngak ka urang taong mek ikan gaok kan kandah tuk gah taong mek ikan saong bhum taong mek cagar haong gauk, ba tal rilo sruh gilai daok di ar. Tui dom po ghe gilai, dahlau deih jabat chuc nang kuhria adat pamaong tame prein nduac di mac gilai, min urak ini salih tapa atah di gilai ikan, nan ye dom sruh gilai atah labaih 15m njauk taong mek ikan di bhum tasik. Bruk ini ngak kan kandah ka urang nao taong mek ikan.

Di xã Phú Hữu, huyện Châu Thành, tỉnh Hậu Giang birau rah tabiak gam gam 2 mbang glut jaleih taneh, ar kraong. Ka sa glut jaleih di ribaong Mái Dầm, di puk Phú Lộc, atah 47m, tame dalam 7m; mbuan jaleih 3 baoh sang di mikva, kuhria mboh dahlau lac khat lahik 136 trieu dong. Bruk glut jaleih taneh, talah ar ribong ka dua di ribong Cái Dầu, atah 60m, tame dalam ar praong labaih 5m. Glut jaleih lahik jalan dalam palei 60m, tame dalam ar praong labaih 5m. Glut jaleih jalan dalam palei praong 3m; kuhria khat abih 180 trieu dong. Kuhria meng akok thun mbiah tal ini, tỉnh Hậu Giang rah tabiak 22 labik glut jaleih taneh, praong labaih 2.950 m2, kuhria lahik labaih 3 tỉ đồng.

Dah page ini (11/6 – tui maong Việt Nam), Hội đồng Bảo an Liên Hợp Quốc peih bruk buh phieu Dự thảo Sarak kayua Mỹ ngak tabiak, ngan haong asal kadha pachreih tui panuac ieu padeih cuh gauk pak dải Gaza di Tổng thống Mỹ Joe Biden. Mỹ hu ngak salah harak dự thảo sarak di harei 9/6 – hadei di 6 harei ginum biai haong 15 urang di Hội đồng Bảo an. Min, urak ini ka oh thau tantu cambaih, Nga saong Trung Quốc – 2 gah thường trực hu quyen cagar veik di Hội đồng Bảo an, meda buh phieu brei ka du thau ini hu tapa halei oh.

Mentri Thủy lợi Trung Quốc brei thau dahlau lac mbuan hu ia dauk ia sua di rilo labik gah Meraong taneh ia ini kayua hajan praong dalam dom harei anak tal meda ngak brei ia di rilo kraong tagok glong. Mentri Thủy lợi Trung Quốc daok peih ngak rilo jalan pacang saong caga hajan ribuk saong ia sua, dalam tuk nan dom bhum palei jeng pakhang dom bruk pacang caga, abih di nyu lac di dom labik padang ngak saong dom labik dulih. Dahlau di nan, meng melam 9/6, Mentri Thủy lợi saong Cục Khí tượng Trung Quốc hu kakei dahlau tanut katam ka bruk mbuan rah tabiak ribuk ia sua, abih di nyu nan lac di dom bhum dalam dom tỉnh Chiết Giang, Phúc Kiến saong Giang Tây.

Sa urang kumei lahik di Indonesia hu duah mboh lac metai dalam rup anek klar atah 5 m. Hadei di sa tukvak nao duah, pasang di urang kumei hu duah mboh dom pandap panda di diuk drei saong rahra dalam palei hu nao duah vil val labik nan. Urang mboh sa drei klar atah labaih 5 m tung biak praong. Tuk sik tung anek klar, mboh rup tau di urang kumei. dahlau di nan, negar ini jeng duah mboh 2 urang dalam tung klar. Klar gấm hu maong lac janih ula atah abih di dunya saong bhian mboh pak Indonesia, Philippines, Ấn Độ saong Borneo. Drei klar gấm atah abih hu duah mboh atah labaih 10 m saong trak tal 160 kg./.