Harei Tapuk saong ilamo puac tapuk Việt Nam mbang ka 1 ngan haong asal kadha “tapuk saong Salih tapa số” kayua Cục Xuất bản, In saong patabiak pambuak haong Sở Thông tin saong Truyền thông, Sở Ilamo saong Thể thao TP.HCM hu peih tabiak di melam kabroi di Jalan nao takei Nguyễn Huệ. Harei tapuk hu peih tabiak dalam 6 harei, meng harei 19/4 tal abih harei 24/4, pataom tame 3 asal kadha, nan lac: “Không gian salih tapa số”, “Không gian Ban tapuk”, “Không gian bruk ngak ilamo puac tapuk”. Harei ilamo tapuk lac mbang piah brei mboh dom bruk cak rok patagok xuất bản saong ilamo puac tapuk di ban hu angan  Wa; brei mboh bruk kuhria salih khang di gah xuất bản anak bruk ieu kakei salih tapa số. Tukvak ini di rilo tinh, ban dalam taneh ia jeng hu peih tabiak harei ilamo tapuk piah pachreih ba saong peih tabiak danak dak puac tapuk dalam taneh ia.

Tỉnh Hậu Giang bahrau peih bruk brei thau angan inem krung  ilamu phi vật pakat negar ka doh Aday di urang  Khmer. Doh Aday lac  sa ilamu gheih mekre di urang  Khmer, bhian hu daoh di harei pataom bhap bini, harei ngak adat cambat boh sang atau dom bruk sambai dalam phum, sóc. Piah khik ramik ilamu siam gheih ni, Hậu Giang daok ba janih daoh ni mai jiak song rai duik  di mik va  Khmer tui rilo jalan ngak.

Pahadar 47 thun Harei peih paha tinh Bình Thuận (19/4/1975 - 19/4/2022) saong peih paha gah maraong negar, yasa taneh ia (30/4/1975 – 30/4/2022), melam 19/4, tỉnh đoàn Bình Thuận hu peih bruk Truac dil pahadar dom anh hùng liệt sỹ di taneh kubo liệt sỹ tỉnh. Tapa nan, Tỉnh đoàn Bình Thuận hu jao 20 paok pandap brei ka 20 sang sarak karja saong alin 20 paok jien bac ka anek saih gaok kan kandah di huyện Hàm Thuận Bắc.

Tỉnh Bình Dương bahrau brei thau pasak pasang iek, tacei ba thông minh song blah web site Tỉnh ủy. Pasak lac sa hệ thống công nghệ thông tin hu bruk pataom mek cơ sở dữ liệu chuyên ngành di dom jabat , đơn vị song langyah brei kết quả pabak tui bruk tacei pato, pasang iek di dom pakat karja song dom jabat. Tapa nan, urang pala akaok tỉnh thau hu bruk di dom puk palei  dalam 24h, dong ba tabiak jalan langyah samar drah, cambaih laih song njauk tuk vak.

Meng hu dom mbang hajan oh njauk bilan meng akaok bilan 4 tal urak ini, bo jaik 37.000 ha gilai di dalam tỉnh Cà Mau trun bruk mbuan khuah. Urak ini, Cà Mau  jeng daok dom mblang gilai mbuan khuah di pakat 3 saong pakat 5. Kayua yau nan ye, jabat chức năng ieu kakei dom kapul po gilai oh njauk iek bier, njauk caik hatai dalam bruk khik iek gilai, pacang caga apui khuah gilai dalam bilan pandiak thu.

  Di nyaom biai dom akaok mintri jien padai G20 rah tabiak harei ni, dom taneh ia phương Tây dok caga peih ngak dom jalan nao pambuak gauk song peih bruk  ngoại giao karei, piah cagar veik bruk  Nga peih chiến dịch quân sự tame Ukraine. Dalam tuk nan, Nga brei thau, Kapul di Nga jeng dok hu mbaok di nyaom biai  akaok mintri jien padai  G20, yaom lac hu bruk cagar veik di dom urang ngoại giao phương Tây.

Ban Thượng Hải di Trung Quốc hu mboh viek 7 urang metai kayua COVID-19, tui nan dalam 2 harei tapa ban ini hu 10 urang metai kayua COVID-19. Dalam ban ini jeng hu  20.000 urang njauk ruak bahrau dalam harei 19/4, rilo meng lac dom urang ruak oh mboh hagait. Meng di bilan 3 thun ini, ban Thượng Hải hu ba tabiak adat pacang veik, oh brei bhap bini tabiak truh sang tuk dom urang njauk ruak bahrau COVID-19 yam tapa tanut 25.000 urang sa harei.

  Negar Mỹ dok dang anak mbang tamuh jit ruak  menuk ada trak di abih meng di thun  2015 song yaok pluh  triệu drei menuk ada rong njauk ba nao am cuh klaak. Bruk njauk biai nan lac, jit kum menuk ada ngak takik di abih  36 drei đại bàng akaok patih  di 14 bang metai kayua njom virus kum menuk ada H5N1 song rilo đại bàng karei jeng dok medhi  njom anek  virus ni. Cim glai njauk njom kum menuk ada  hadei di tuk di cư hu ba virus tal dom labik karei song njom mbak ka menuk ada dalam dom labik rong glang./.

Urang lang: Thu Thảo & H.Pha – 20/4/2022