Ngan haong kadha: “Jumpataom urang ngak – peih ngak sarak”, dalam Bilan urang ngak thun ini, dom pakat công đoàn di tỉnh Hậu Giang meda jhul khang danak dak pakacah gauk saong bruk sangka đoàn viên, urang ngak; peih bruk padang ngak 30 baoh sang công đoàn saong jak ba padang ngak 50 baoh sang tut angan dom pakat công đoàn. Jhul khang bruk jak ba, langyah ka urang ngak paglaong hatai sahaneng, halain hatain hu mbaok tame công đoàn.

UBND TP.HCM tabiak panuac ieu Mban Salamat jalan mbak TP, Sở GTVT, CA TP.HCM haong rilo gah karei, khik kajap siam mekre, salamat jalan mbak pabak ka bruk nao mai di bhap bini tuk padeih lễ 30/4 - 1/5 saong tabung glaong ravang me-in bilan hè 2024. Dalam nan, dom gah pambuak tal brei langyah catang dom bruk ngak suan khang, lac makna ba tal gar jalan, bala angaok jalan, peih nduac samar, peih nduac tuk dalam rup hu alak tapai, peih ngak catang saong siam lagaih bruk nao mai di dom labik hu jalan  cao tốc TP.HCM - Long Thành - Dầu Giây saong jalan cao tốc TP.HCM - Trung Lương.

Ong Nguyễn Minh Lâm, Phó akaok UBND tỉnh Long An brei thau lac, dalam quy 1 thun ini, bala jalan mbak di tỉnh Long An trun abih 3 gah lac:  dom mbang rahtabiak, dom manuac metai saong dom manuac njauk rambuac dut saong tukvak ini thun blaoh. Dalam quy 2 ini, tỉnh Long An daok ba tabiak bruk lac trun abih 3 gah, pabak siam bruk nao mai di rahra dalam tukvak padeih lễ 30/4 saong 1/5 ini. 

Cục Du lịch Negar Việt Nam (Mintri Ilamu, Thể thao saong Du lịch) bahrau hu panuac ieu Sở Du lịch, Sở Ilamu, Thể thao saong Du lịch dom tỉnh, ban patagok bruk khik kajap salamat dalam dom bruk du lịch tuk padeih lễ saong tabung glaong du lịch Hè 2024. Dalam nan, ieu dom tinh ban, dom jabat khik ramik du lịch, brei tui iek, tacei pato siam piah ka dom labik ngak mbang gah du lich ngak catang tui bruk  tut angan, niêm yết cambaih laih yaom pandap saong pablei njauk tui yaom niêm yết, duh ka bruk me-in sambai, blei pandap, ravang me-in saong mbang huak di tuai damuai. Oh brei tagok yaom tui hatai, oh kateik greik tuai damuai, ngak jhak tal gah du lịch.

Langik pandiak dui atah meng akaok thun tal ini ngak ka labaih 600 baoh sang mikva bangsa takik daok pak xa bhum tapen negar Bù Gia Mập, tỉnh Bình Phước kurang ia pandar biak khang. Gam haong bruk pajeng ia hacih nao tal dom baoh sang, UBND huyện Bù Gia Mập hu buh jien tame kuac 2 bingun ia hacih piah ka mikva hu ia pandar tani tanat, haci hacih. Langiu di nan, UBND xã Bù Gia Mập hu jak ba mikva padang ngak dom binek caik ia jang yau pandap caik ia patak pataom piah tani tanat raidiuk yaok harei.

Liên hợp quốc (LHQ) hu ba tabiak khan brei thau bruk sanya ka khí hậu thun 2025 piah ieu dunya ngak piah patrun bruk tagok nhiệt độ di dunya mala 1,5 độ C tui bruk di Thỏa thuận Paris ka biến đổi khí hậu. TTK LHQ Antonio Guterres ndom tal bruk samar drah di bruk ngak ka khí hậu, ong tacei tabiak dom bruk langik tasik oh siam jaik ini saong dom pathau khan khoa học, ndom lac "dom hagait kol drei daok mboh tok lac bruk sit di bala praong daonk cang kol drei, meyah kol drei oh ngak hu bruk patrun nhiệt độ dunya dalam suai lavik di 1,5 độ C".  

Langik pandiak daok rahtabiak di grauk labik pak negar Bangladesh ngak ka kanja negar ini hu ba tabiak panuac kakei lac langik pandiak bhang. Urang jakar brei kreih pabah mbang dom sang bac saong ieu kakei rahra njauk caik hatai anak bruk mbuan njauk mebuk pandiak. Rajaei hu pato tacei taong  abih dom sang iek ruak tuk halei jeng caga ka bruk rahra mabuk pandiak saong lahik ia meda rahtabiak di rilo labik. Meng akaok bilan 4 ini, Cục Kuhria mboh dahlau bruk langik tasik Bangladesh hu ba tabiak panuac khan ka nhiet do dalam bilan pandiak, ngan haong nhiet do glaong abih lac 40 - 42oC. Dom urang roh duah ilamo brei thau lac, dom mbang pandiak meda daok tagok dalam thun ini kayua hajan sarau kadau saong nhiet do glaong.

Di negar Anh, dalam thun 2022, dom menuac matai kayua pambuak tal dom ia menyum hu cồn lac rilo di abih, tagok 41% duk haong dahlau di tuk hu jit praong COVID-19. Gah y tế taneh ia yaok thun lahik 3,5 tỉ Bảng ka bruk menyum rilo ia hu cồn. Daok jien ka gah xã hội daok praong jang biak rilo, lac 25 tỉ Bảng sa thun, hu kol tội phạm saong lahik bruk ngak. Tui dom urang ilamu, rajaei njauk patabiak adat catang jang ka bruk yaih khan, tauk angan cambaih laih jang saong tabiak yaom takik di abih ka sa đơn vị pandap menyum hu cồn./.