Meng thun 2021 mbiah tal ini, UB bhap bini TPHCM daok patui bruk peih ngak dom bilan tabung glong tui kadha ba tabiak dalam thun saong ngak siam bruk di adit, bilan pakacah “Taduan saong langyah harak ho so hành chính samar dalam harei” pamong tal bruk njauk hatai bhap bini, doanh nghiep. Tapa nan daong bruk salih birau bruk hành chính di ban raya hu rilo siam mekre. Yau nan min, daok hu dom urang jakar, cong chuc ngak tui dom bruk ba tabiak di hukum, quy che, ky luat, ky cương hành chính, ngak tui bruk cong vu oh ka njauk catang. Yau nan ye, Akok HĐ bhap bini TPHCM Nguyễn Thị Lệ ewi dom pakat njauk brei ngak siam veik bruk salih birau hành chính ngan haong jalan “ oh njauk hatai haong dom bruk drei ngak hu bo njauk brei tuk halei jeng kham yam tal dom bruk siam glong jang”.

HĐND tỉnh Bạc Liêu njauk gaukbrei daong abih tihyaom jien blei BHYT mikva bangsa takik, dalam 28 bilan, meng harei 1/7 ini tal abih harei 31/10/2026. Tui Akaok HĐND tỉnh Bạc Liêu, bruk daong blei BHYT ka mikva bangsa takik lac sa dalam dom sarak biak njauk ngak, gam hu makna siam lagaih, gam klah rabha dom kan kandah di rahra, pachreih ba saong pakhang hatai jia di mikva saong daong ngak hu bruk pabak abih BHYT di tỉnh.

Tỉnh Vĩnh Long birau peih bruk jak ba “ Pakacah y tuong quy hoach saong jalan padang kien truc, muyim ngak nong bhum taneran kraong Cuu Long”. Muyim hu padang veik di ban Vũng Liêm, huyện Vũng Liêm di taneh praong jiak 12 ha. Ong Lữ Quang Ngời, Akok UB bhap bini tỉnh Vĩnh Long khan lac, bruk padang Danak dak ngak Muyim Ngak nong Bhum taneran kraong Cuu Long piah pok meyom bruk tari tarieng, hadah krah di urang ngak nong Viet Nam. Tui nan, Khik ramik dom drap ar ilamo ngak nong, paglong jalan sahaneng bruk ngak di bhap bini ngan haong bhum palei, jhul pasamar bruk cak rok patagok kinh te - xa hoi di bhum palei, abih di nyu nan lac gah dulich.

Harei pataom baoh kayau Long Khánh, Đồng Nai bahrau peih tabiak di melam kabroi, piah pok mayaom, mayaih khan du lich saong baoh kayau Long Khánh tal tuai damuai. Harei pataom ini jeng mayaih khan yu lich saong baoh kayau Long Khanh tal tuai damuai dalam saong langiu di tinh; daong pambuak dom labik yu lit sinh thai bein haong tuai damuai saong dom gah ngak yu lit. Di harei pataom, hu labaih 2,3 tấn chôm chôm hu paik meng dom bein phun mbang baoh di Long Khánh piah duh ka tuai saong tapa nan ngak ka tuai caik hatai ka baoh kayau pak ini. Ini jeng lac tuk piah mayaih khan thaot binguk bhum taneh saong anek manuac Long Khánh bak hatai anit ranam.

Piah pabak bruk padang ngak, tỉnh Bến Tre brei mbaoh harak Ke hoach to yaom bruk kuac mek cuah dalam kraong di tỉnh. Yau nan min, hadei tuk dah thau hatai sahaneng di bhap bini mboh oh ka njauk hatai. Ralo dom baoh sang bhap bini caong khin brei pasang iek dahlau tuk ba tame ngak mek cuah yau ye atah takik di nyu tal ar lac 200m, Karja brei buh jien padang ngak ar pacang glut jaleih dalam saong hadei tuk kuac mek cuah, sarak bayar jien, tani tanat raidiuk xa hoi, bruk sanya di karja, doanh nghiep ngan haong bhap bini tuk rah tabiak glut jaleih, sarak daong brei labik daok birau…

Urang Islam di dunya ba gauk mai palei Mecca di Saudi Arabia dahlau di tuk tame ngak rukun Hajj di puac adit ini. Dom urang nao haji nao takai 7 mbang vil val Kaaba, lac meng patau glaong 15m daok di pasak Sang megik di Mecca. Rilo menuac ba tui payong piah pacang pandiak dalam tuk langik di pak ini harei tgaok tal 42oC. Dalam dom bruk di rukun haji, hu bruk pataom gauk di mangaok ceik Arafat harei 21/6, lac labik Nabi Mohammed dakwah mbang puac abih dahlau di tuk wafat nao veik haong ALLAH.

Tong yam doc Gah y te dunya (WHO) brei thau, ralo bhap bini di Gaza, abih di nyu lac uranaih daok dang anak “ bruk eik lipa”. Labaih 8 ribau uranaih umo ala 5 thun hu dut iek ruak saong taong ruak lavang lavaih. Dalam dom uranaih nan, hu sa ribau 600 uranaih biak lavang lavaih. Urak ini, WHO oh pabak jit vu y te salamat saong bruk kurang ia hacih, daka harei dak mbuan rilo uranaih lavang lavaih. Hu 32 urang metai kayua lavang lavaih.

Urang jakar ngak praong gah y tế Nam Phi khan lac hu 1 urang likei umo 37 thun metai kayua njom virút đậu mùa khỉ, jeng lac urang metai camriep di negar ini dalam 5 urang njom ruak hu brei thau dalam 1 bilan tapa. Tui Mintri Y tế Nam Phi, 5 urang njom virút đậu mùa khỉ di Nam Phi dalam sa bilan tapa lac di urang likei meng umo 30 tal 39 thun ka oh nao ma-in tal dom taneh ia daok tamuh tabiak jit ruak. Urak ini hu 2 urang daok taong ruak di sang iek ruak./.