Mban Jakba Daong Trung uong hu daong ka dom  bhum palei dua mbang ngan haong pok jien abih tih lac 1 birau laih 35 tỷ đồng. Pho Akok UBTƯ MTTQ Việt Nam Tô Thị Bích Châu sanya lac jien daong hu pandar njauk bruk, brei thau cambiac laic tui hukum; parabha sumu, tal njauk manuac, njauk labik di dom bhum palei daok gaok kan kandah kayua ribuk, ia sua, saong brei tui iek bruk pandar jien rik daong njauk bruk.

Labaih 10 thun peih ngak sarak di Mban chấp hành Trung ương Đảng mbang XI saong Danak dak bruk ngak di Mban chấp hành Đảng bộ tỉnh An Giang ka padang ngak saong patagok ilamu, anek menuac Việt Nam pabak bruk cakrok khang kajap taneh ia, tỉnh An Giang pok angan jaik 510.000 baoh sang ilamu; 879 puk, palei ilamu; 87 xã mek hu tanut ilamu palei pala bahrau. Tỉnh urak ini hu 8 inem krung ilamu oh mboh di mata hu ba tame harak angan Inem krung ilamu oh mboh di mata pakat negar. Abih di nyu lac inem krung ilamu oh mboh di mata harei Vía Bà Chúa Xứ ceik Sam saong labik inem mek roh duah kiến trúc ilamu Óc Eo - Ba Thê hu Thủ tướng brei adat padang ngak harak pok tagok UNESCO brei angan lac Inem krung ilamu oh mboh di mata lambaok ka menuac sia saong inem krung ilamu dunya. 

TPHCM daok samar pasang iek uranaih oh ka klauk jru vaccine sởi saong jhul pasamar bruk klauk jru caga ruak, pasang iek catang dom sruh jit ruak dalam sang bac, kham merat abih jit ruak sởi di puac bilan 10. Dalam adit tapa, Ban raya hu 95 mbang ruak sởi, tagok labaih 15% dut saong 4 adit dahlau saong oh hu thei metai. Muk Trần Thị Diệu Thúy, Pho akok UBND TP.HCM mboh lac, dom quận, huyện oh hu urang ruak njauk brei caga, kayua bruk klauk jru vaccine  oh glong. Dom bhum palei brei pasang iek uranaih umo meng 1 tal 10 thun, brei klaiuk jru pacang ruak uranaih piah jak ba nao klaiuk jru, kayua ban raya hu bhap bini parilo tagok biak praong samar.

UBND tỉnh Long An bahrau brei thau bruk samar drah glut jaleih taneh takai kraong Kênh Hàn dalam palei Vĩnh Thạnh, xã Phước Vĩnh Đông, huyện Cần Giuộc. Pak labik ini dalam 2 thun jaik ini, bruk glut jaleih dak harei dak rilo jang, khang jang, takai kraong glut jaleih dalam tame meng 1 - 2m, atah abih tih dom labik glut jaleih khang lac 125 m. Dom labik glut mbuan ba tal jaleih sang, khat lahik drap ar, mbuan ba tal bala ka menuac sia dom baoh sang daok dalam bhum. Tỉnh Long An hu panuac ieu samar drah panduan ba menuac sia, drap ar tabiak truh labik glut jaleih saong mbuan si glut jaleih.

Tui Rayo Khi tuong thuy van Cần Thơ, dalam 2 harei tapa ia di dom kraong ban Cần Thơ daoki tagok samar saong glong tui ia ndik tuk ia bulan bak baoh pomi bilan 8 Saka ia bulan gam haong ia gah angaok kraong tuh mai.Tui kuhria mboh dahlau ia ndik di dom kraong di Cần Thơ daok tagok glong saong meda tagok dalam dom harei meng 20-22 bilan 9. Tabung glaong ia ndik glong abih  di balai Cần Thơ di kraong Hậu meda tagok meng 2,00 - 2,10 m. Ini lac mbang ia ndik tagok glong biak glong. Nan ye, njauk brei pacang caga dalam tukvak ia ndik  gam haong hajan khang ba tal ia dauk ralo labik.

Rajaei Canada khan lac daok brei cakak trun harak adat brei ka sinh viên saong menuac ngak negar langiu piah patrun dom menuac daok tạm trú dalam tukvak anak tal. Tui nan, dom sinh viên taneh ia langiu hu brei adat di thun 2025 meda trun daok 437 rabau. Salih karei bahrau abih dalam sarak di Canada jeng takik brei adat ngak bruk di diuk atau pasang di dom sinh viên atau menuac ngak negar langiu. Dom thun tapa, sarak nhập cư khang kadang hu daong brei Canada jeng sa dalam dom taneh ia hu bruk tagok menuac sia samar abih di dunya. 

Di bhum pulao Aiofuta dalam tỉnh Yamaguchi, gah Pei negar Nhật Bản, hu rah tabiak sa mbang apui khuah  biak trak. Gah pacang khuah padam khuah pak ini hu pandar 11 radaih  padam khauh saong rilo kapal haok piah padam apui, min kayua apui khuah biak khang nan ye gah pacang khuah padam khuah saong cảnh sát Yamaguchi brei padeih ngak bruk saong meda ngak bruk padam apui veik di harei 19/9. Tui duah thau camereip, apui khuah lac kayua hareik thu di labik  ini nyu khuah  saong pambak praong.

Yaok ratuh menuac dalam sa palei di Nay Pyi Taw, Myanmar njauk tame sang iek ruak kayua mbang pandap njauk jru mek. Tui jabat khau tin di  Gah khik ramik karja Myanmar, menuac sia di palei Chaungchar, sa bhum daok gaok kan kandah di ia dauk ia sua, njauk tagloah ta-ok saong aih craoh hadei di tuk mbang dom janih pandap hu dom menuac ngak pahla brei di mesup harei 17/9. Dom pandap mbang nan hu lisei thập cẩm, ralow menuk saong bei prang, cari baoh menuk ada saong traong ndaiy. Mintri Y tế Myanmar hu panuac ieu dom urang daong pandap that ka rahra njauk ia dauk ia sua, brei ngak bruk haong kapul pasang iek saong khik ramik dalam tuk rik pataom, daong brei./.