Rilo urang pal akaok rajaei dahlau deih hu mbaok pak ni

Hu mbaok di harei Pahadar 200 thun Harei ndih tapui urang dane angan dunya Nguyễn Đình Chiểu (1/7/1822-1/7/2022); 30 thun Harei ilamo meng kan tỉnh Bến Tre (1/7/1992-1/7/2022) hu peih tabiak di melam kabroi (30/6), Akaok negar Nguyễn Xuân Phúc brei thau lac, pahadar 200 thun harei ndih tapui di Nguyễn Đình Chiểu gam lac tukvak piah brei mboh hatai pok mayaom dom bruk ngak praong di ong ngan haong ilamo Việt Nam saong ilamo di dunya, min jeng lac piah duah tabiak dom inem mek di ong, dom ilamo, kadha bac magru biak siam ka bruk cak rok patagok di puk palei saong taneh ia dalam harei hadei. Tapa nan, akaok lambaok UNESCO di Việt Nam hu jao Sarak pok mayaom urang dane angan dunya Nguyễn Đình Chiểu di Việt Nam dalam angan dom urang dane angan ilamo saong sajarah pakat dunya tukvak 2022-2023.

Melam 30/6, Sở Ilamu saong Thể thao pambuak bruk haong UBMT negar  VN TPHCM peih bruk pok meyaom 88 baoh sang ilamu – haniem phul di abih. Ini lac dom sang hu ba gauk nao sa jalan haniem phul, bak ginup bruk di rup drei, bruk di baoh sang saong bruk ka puk paga, palei negar… Dom urang dalam sang hu rik daong ka palei negar, abih di nyu lac nao gam haong ban raya dalam bruk pacang caga jit COVID-19. Jeng dalam melam bloh, hu peih harei pataom pahadar 46 thun harei Sài Gòn – Gia Định hu caik angan ieu lac TP.HCM ngan haong dom bruk ilamu, thể thao di jalan nao takai Nguyễn Huệ rah tabiak tal abih harei 2/7.

Hadei di sa tukvak suai lavik kham marat brei mboh angan je ka chất lượng, Tập đoàn Lộc Trời di An Giang bahrau ngak salah bruk pablei tabiak 500 tấn brah pahe angan Lộc Trời “Lisei ViệtNam Rice” tapa Châu Âu. Bruk pablei mbang ini hu brei thau lac sa bruk ngak hu makna praong, mbang camriep brah kayua Lộc Trời ngak tabiak, padang angan je taeng di drei hu pablei tabiak dom darak pasa kan tame ini.

Meng harei ini, hệ thống taduan mek, langyah panuac khan bruk pak di labik dalam tỉnh Cà Mau tapa pandar ứng dụng CaMau-G hu ba tame pandar. Dom kapul nyaom, menuac urang payua panuac brei thau bruk pak di labik njauk taduan trách nhiệm ka bruk cambaih laih tantu di panuac khan. Ứng dụng ini hu maong lac jalan ngak siam piah pambuak khau tin online di karja haong kapul nyaom, menuac urang, piah daong salih jalan sahneng, paglaong trách nhiệm di dom jabat dalam langyah dom bruk  Tapa nan, peih tabiak jalan piah Cà Mau dak padang karja điện tử, chính quyền số dalam tukvak anak tal.

Jabat Cảnh sát pasang iek Công an tỉnh Bình Dương hu ba tabiak Sarak brei langyah tui hukum hình sự, Sarak brei langyah tui hukum bị can saong Harak cap khik ngan haong Đỗ Việt Hùng, Phó yam ndoc Pasak Y tế ban Dĩ An saong Lê Thị Hồng Liên, Akaok Khoa jru tavao -Pandap panda y tế ka bruk “ngak suan adat di bruk to yaom ba tal khat lahik biak trak damak” pambuak tal bruk pablei salih kit dut iek di Công ty Cổ phần công nghệ Việt Á.

Urang brei panuac di Mintri Ngoại giao Mỹ brei thau, Mỹ daok pachreih tui bruk pabak dom pandap daong pahla pakat dunya ka bhap bini Triều Tiên. Panuac khan nan hu ba tabiak hadei di tuk Triều Tiên chỉ trích Mỹ khik ramik saong duah jalan pabak dom lệnh trừng phạt cagar veik Triều Tiên. Dahlau di nan, Ngoại trưởng Mỹ Antony Blinken Blinken ndom lac: “Kol dahlak daok kateik greik, mbiah tal tuk halei karja di Bình Nhưỡng salih jalan nao. Min, Mỹ daok nao tal Triều Tiên meng jalan ngoại giao"

Cagar veik bruk Tòa án pakat glaong negar Mỹ tabiak phán quyết patakik bruk ngak di Washington dalam bruk trun dom janih khí thải carbon meng dom sang mac dien, urang brei panuac di Liên hợp quốc brei thau, ini lac sa bruk kadun likuk dalam mesuh pacang biến đổi khí hậu. Tui dom urang roh duah, dom khí thải carbon jaik di ini hu tagok gilac tal tanut samu di tuk dahlau di jit praong, kayua dom nerak meng dhang saong janih cuh dalam langik tasik dalam gah điện saong công nghiệp tagok glaong. Meng tanut tathuak tabiak yau urak ini, tok dalam 11 thun tra, baoh taneh meda pandiak tagok 1,5 độ dut saong tanut nhiệt độ daok hu Thỏa thuận Paris ba tabiak.

Meng harei ini, rajaei Ấn Độ tabiak adat pakauk dom janih pandap meng katak pandar sa mbang dalam taneh ia. Bruk pandar pandap katak sa mbang saong bruk prah nerak ban glai ban klo ba tal kanjah jhak praong ka alam môi trường. Piah ngak hu siam adat pakauk nan, rajaei Ấn Độ brei padang dom jabat pasang iek pakat negar saong pakat bang piah pasang iek bruk ngak tabiak, blei tame meng negar langiu, khik piah, ba pablei saong pandar dom janih pandap katak pandar sa mbang njauk pakauk oh brei pandar./.

Urang lang: Hanipha- Thu Thảo -1/7