Thủ tướng Phạm Minh Chính brei mboh hatai anit, klak rabha saong bhap bini tuk daok atah palei negar

Hu mbaok di Nyaom biai pakat glong ASEAN - Hoa Kỳ, Thủ tướng Rajaei Phạm Minh Chính hu taduan raok lambaok bhap bini Việt di labik Bờ Đông Hoa Kỳ. Tapa nan, Thủ tướng Phạm Minh Chính brei mboh hatai anit, klak rabha saong bhap bini tuk daok atah palei negar  saong hu panuac dhar phol bruk rik daong di mikva brei ka taneh ia jeng yau daong pambuak talei rohim Việt Nam - Hoa Kỳ. Tui yaok pataom, urak ini hu labaih 5,3 trieu urang Viet Nam daok di negar langiu. Dalam nan bhap bini Viet Nam daok di Hoa Kỳ ralo abih lac 2,2 trieu urang ngan haong biak ralo bruk ngak, umo thun, bangsa. Abih di nyu nan lac, urang trí thức, doanh nhan  biak ralo, rilo urang hu mbaok tame, hu rilo rik daong  ka karja saong ilamu Hoa Kỳ. Thủ tướng jao ka Đại sứ quán Việt Nam di Hoa Kỳ patui jalan ngak siam bruk urang Viet Nam  di negar langiu; dalam nan hu bruk khik iek bahp bini, hu panuac ieu brei taduan bhap bini  VN daok di Hoa Ky lac sa bangsa takik di Hoa Kỳ.

Sở Ilamu, Thể thao saong Du lịch Đắk Lắk bahrau peih danak dak parang me-in ilamu kong chiêng "Dane sap ceik glai" ngan haong kadha “Dane miat di keih ceik glai” piah duh ka bhap bini saong tuai damuai. Danak dak parang me-in kong chieng duh ka bhap bini saong tuai du lịch hu tỉnh Đak Lắk peih tabiak meng thun 2017, yaok bilan hu 2 mbang. Dalam labaih 2 thun tapa, kayua jit ruak Covid-19 nan ye danak dak brei padeih. Urak ini jit daok hu pacang veik, bruk ngak ini hu peih tabiak veik ngan haong rilo kadha bahrau, tui ragu ragam meng kan di bhap bini bangsa takik daok pak nan, patagok bruk pambuak gauk di dom urang taih kong chieng haong tuai damuai.

C.A Ban Biên Hòa saong dom gah nghiệp vụ di C.A tỉnh Đồng Nai peih bruik pasang iek, ngak brei cambaic laic  bruk taong gauk di 2 kapol hu pandar pandap khuah patuh di ban Bien Hoa. Tui duah thau tuk camereip, mong 2 dah page  harei 15/5 di jalan Phạm Văn Thuận hu dua kapol likei dam pagui pacoh gauk meng labik tuh xăng ka 6 tal jaik labik UBND phường Tân Mai. Tuk nan hu dua klau urang  peih radaih patuh, dalam nan hu urang peih phone tangin tavak veik saong ba tagok mạng xa hoi. Tapa video clip mboh 2 kapol urang dam hu pandar asar patuh, apui khuah mbang tabiak jalan gam hu sap patuh yau phao.

Gah Cảnh sát điều tra (CSĐT) Công an tỉnh Bình Thuận (PC02) hu tabiak harak brei duah 5 urang pambuak tal bruk metai menuac rah tabiak harei 11/5 di xã Tân Bình, ban sit La Gi. Urang njauk bala lac sa-ai N.T.X (28 tuổi, daok di xã Tân Thuận, huyện Hàm Thuận Nam). Dom urang njauk pagui duah lac: Võ Trung Hậu (ndih tapui thun 1984, daok di khu phố 3, phường Tân Thiện, ban sit La Gi); Nguyễn Thanh Vương (ndih tapui thun 2000, daok di khu phố 8, phường Bình Tân, ban sit La Gi); Hoàng Văn Thuận (ndih tapui thun 1991 daok di thôn Hiệp Tiến, xã Tân Tiến, ban sit La Gi); Nguyễn Tấn Danh (ndih tapui thun 1987, daok di khu phố 3, phường Tân An, ban sit La Gi) haong Nguyễn Văn Sản (ndih tapui thun 1991, daok di thôn Thanh Phong, xã Tân Thuận, huyện Hàm Thuận Nam). CA tỉnh hu panuac ieu bhap bini, tuk mboh dom urang nan, ieu brei PC02 thau di labik: ka 347, jalan Thủ Khoa Huân, phường Phú Thủy, TP. Phan Thiết, tỉnh Bình Thuận; phone ka 02523.428.125 atau 0397376455, ieu ka điều tra viên Tạ Trương Khắc Dũng.

Tamat mbang pakacah dat blong bảng A melam 15/5,  Kapol pakacah U 23 Viet Nam meblah hu labik dang akok tuk caoh mbang 2 baoh kapul U 23 Timo Letx-te di Seagames 31. Kapol the thao Viet Nam hu 65 huy chương ameh, dang akaok bảng kuhria abih tih huy chương tal tukvak ini. Kapol pakacah tame vô địch SEA Games 31 meda hu thau hadei tamat bảng B dalam harei ini 16/5.

6 triệu 400 rabau urang di Ucraina taduan hu bruk daong di Liên hợp quốc kuhria meng tuk Nga saong Ucraina mesruh gauk meng harei 24/2 meng blaoh. Ong Pha-han Hát (Farhan Haq)- Phaok phát ngôn viên di TTK Liên hợp quốc daok brei thau lac, daong meng jien mbaok jeng hu brei ka yaok ratuh rabau urang Ucraina. Labaih 655.000 urang hu daong jien mbaok, piah hu jien blei dom janih pandap pabak ka raidiuk di drei.

Mentri Y tế Malaysia brei thau urang njom ruak takai, tangin, cambuai di taneh ia ini tagok glong kuhria meng akaok thun 2022 mbiah tal ini, tuk tagok jaik 28.960 uranaih njom ruak, glong jang 7 mbang dut saong abih tih urang ruak dalam thun 2021. Dom urang ilamu brei thau, kayua peih pabah ngak gilac dom gah kinh te, pato megru saong pambuak veik bruk pato megru saong bac da-a tapak, gam pakat bac mam non, jeng yau dom bruk ngak di labik khik iek uranaih.

Piah langyah bruk kurang saong tagaok yaom menyek mbang, Rajaei In-đô-nê-xi-a daok brei ngak iek bruk parabha menyek mbang biak rilo di rilo labik dalam taneh ia. Dalam tukvak ngak iek meng ini mbiah tal puac bilan 5/2022, menyek mbang hu ba tal rilo labik drak meng kan. Yaom pablei oh glaong jang yaom glaong di abih lac 14.000 rupiah (jaik 22.000 VND) yaok lít menyek mbang./.

 Urang lang: M. Phuong & Bhumi – 16/05 10:39:52