Daok urang pablei sổ BH rilo meng lac urang ngak padeih bruk oh ka ginup 1 thun

Page ini, Bí thư  Thành ủy Nguyễn Văn Nên ba akaok kapul urang jakar Ban raya HCM hu mbaok ngak adat pachit mbang 190 di Đức Tả quân Lê Văn Duyệt lac urang  buh rilo prein dalam bruk dak padang, patagok, pagrap tanat jeng yau khik caga bhum taneh gah Meraong. Adat PAchit Đức Thượng Công Tả quân Lê Văn Duyệt hu peih ngak di labik Inem krung sajarah ilamu kalan Lê Văn Duyệt meng harei ini tal harei 28/8. Dahlau di nan, page 25/8, jeng di labik  Inem krung sajarah ilamu kalan Lê Văn Duyệt hu peih bruk taduan angan Inem krung phi vật thể pakat negar ka adat meng kan lac ““Lễ hội Khai hạ - Cầu an”.

Hukum BHXH brei adat ka urang ngak hu ủy quyền ka urang karei taduan mek jien lương hưu, jien daong BHXH 1 mbang. Min di ban raya HCM, rilo urang pagam pambak tame adat ini piah duah pataom, pablei salih sổ BH piah duah laba. Ong Lê Văn Thinh – Yam ndok Sở LĐTBXH ban raya HCM brei thau: Bruk ngak ini njauk pakauk kayua dom urang duah pataom, pablei salih sổ BHXH oh rik tame kadung jien BHXH. Daok urang pablei sổ BH rilo meng lac urang ngak padeih bruk oh ka ginup 1 thun. Dom urang ini gam khat lahik tuk lahik jien ka urang duah pataom, pablei salih sổ, gam khat lahik tuk taduan jien daong 1 mbang.

Ban Cần Thơ urak ini hu jaik 24.000 ha taneh pala  phun mbang baoh yaok thun paik hu jaik 170.000 tấn. Ban raya hu padang dom labik pala sa janih ngan haong taneh praong labaih 10.000 ha, brei baoh labaih 100.000 tấn yau baoh darang, mận, vú sữa…Dalam ban hu labaih 477 hecta  pala tui Viet GAP; padang ngak hu 37 mã labik pala. Yau nan min, bruk che bien, khik piah njam patam baoh karaoh daok kurang, urak ini birau hu 5 labik papaok hu brei mã số. Kaya nong hu taduan asar siam hu thau meng halei mai daok takik, pandap pablei tabiak negar tui jalan pabah mbang negar daok takik, pandap pablei tabiak tui jalan sit sót daok rilo kan kandah. 

Kayua gaok tapak dom bala meng langik tasik yau ye ngin, ribuk, hajan praong, glut jaleih takai kraong, ia ndik, pandiak bhang, njom ia mbak, meng akaok thun tal ini, di tỉnh Vĩnh Long hu 2,25ha padai pajaih; 11,85ha njam patam, 91,36ha phun mbang baoh njauk khut khat, jaleih 4 baoh sang, jaik 100 sang par tabung, dom sang bac khut tayah daning pacang... khat lahik abih tih tui kuhria mboh lac labaih 32 tỷ đồng. Piah patrun patakik khat lahik, mBan tacei jalan pacang caga bala meng langik tasik tỉnh hu patagok pathau khan, paglaong jalan sahneng di bhap bini ka pacang caga bala meng langik tasik; ba tabiak ngak dom bruk pacang caga lagaih haong bala, peih ngak catang tui jalan 4 di labik...

Meng harei 1/9, di Palei Ilamu Dulich dom bangsa Viet Nam (Sơn Tây, Hà Nội) meda peih ngak dom bruk ngan haong kadha “ Sambai Tết Độc lập”. Dom bruk ngak hu mbaok di labaih 200 bhap bini, nghệ sĩ, diễn viên mai meng 17 bangsa dalam negar. Bruk ngak hu makna praong dalam bilan 9 lac “ Nyaom darak bhum glong – Sambo mau bhum palei Tuyên”. Nyaom darak nan lac bruk pambuak dom bruk nao darak, ma-in sambai pambuak haong bruk daong tamia, ma-in kadha di bhap bini, mbang pandap mabng di dom bangsa.

Rajaei Mỹ khan lac brei padeih 26 mbang par meng Mỹ tal Trung Quốc hu peih meng 4 hãng kapal haoh Trung Quốc. Bruk ngak ini piah cagar veik  bruk dahlau di nan, Trung Quốc brei padeih dom mbang par di dom hãng kapal haok Mỹ kayua pambuak tal Covid-19. Đại sứ quán Trung Quốc di Mỹ hu panuac lac bruk ini biak “vô trách nhiệm” saong oh hu makna hagait piah ngak yau nan.  

Hadei di sa bilan tagok khang, urang  njauk ruak đậu mùa khỉ daok mboh trun di dunya. Adit blaoh, urang njom ruak đậu mùa khỉ  trun 21%, tapa nan hu mboh  jit ruak daok trun. Mbiah tal ini, labaih 45 ribau mbang urang njom ruak đậu mùa khỉ hu mboh di 98 taneh ia. Gah Y tế dunya brei pachreih dom jabat y tế njauk ngak tui  dom jalan pacang caga , parabha vaccine ka sumu saong siam lagaih piah plaih jit ruak praong COVID-19 tamuh gilac.

Urang likei daok ranaih angan Mack Rutherford. Umo 17 thun, urang Bỉ asal Anh bahrau jeng urang ranaih abih par sa drei vil val dunya hadei di mbang nao dui atah 5 bilan tapa 30 taneh ia. Mbang par di Rutherford abih rilo tukvak jang kuhria mboh dahlau kayua harak gar, adat hukum ngak brei jalan par salih karei 2 mbang. Mack Rutherford hu ame pato peih kapal haoh saong mek hu harak adat peih kapal haok di thun 2020. Rutherford caong lac, bruk ngak di drei meda ba pachreih tal rilo urang daok ranaih tui jalan daok pamaong tal./.

Urang lang: Bhumi & M. Phuong – 26/08