Huyen bhum ceik Định Quán, tinh Dong Nai bahrau taduan hu angan huyen palei pala bahrau paglaong thun 2023. Thun 2018, huyen mek hu tanut palei pala bahrau. Tal ini, dalam huyen hu abih tih 13 xa mek hu tanut palei pala bahrau; 9/13 xa mek hu tanut palei pala bahrau paglaong, tapa tanut dut haong tanut brei ka bruk likau mbaoh tangin brei angan huyen palei pala bahrau paglaong lac 50%. Jien mek tame kuhria tui yaok urang hu labaih 84 trieu dong/thun. Dalam huyen hu 4 xa mek hu tanut palei pala bahrau kieu mau saong hu 5 labik daok rahra kieu mau.

Hadei labaih 3 bilan peih bruk ngak brei oh daok baoh sang taik tahak, mbiah tal ini, tinh Kien Giang brei padang ngak birai 920 baoh sang dalam 2.314 baoh sang, sumu jaik 40%. Tapa pasang iek tinh Kiên Giang daok 322 po sang oh hu taneh padang sang daok, bruk pathau khan dakwak, jak ba brei nyim taneh, kaoh taneh alin brei piah padang sang daok gaok kan kandah. Piah khik brei sumu tukvak, Mban tacei ba di tỉnh  jao bruk ka mban tacei ba huyen brei padang sang piah hu lagaih tui phun jien hu daong, min brei njauk hu 3 kajap.

Huyen Tri Tôn, tinh An Giang bahrau daong 4 mac halang ia ka 4 labik sang bac di ban sit Tịnh Biên. Yaok mac halang ia hu yaom 25 trieu dong, taong abih jien alin pandap 100 trieu dong. Dom sang bac ini daok dalam xa biak kan kandah, bhum mikva bangsa Khmer saong oh ka hu he thong ia hacih sa-at duh ka anek saih haong gruk pato. Di harei ini dom rajakar ngak praong di huyen Tri Tôn caong khin karja palei patui veik sangka daong ka anek kamuan bhum mikva bangsa takik hu ginup kein lagaih piah nao bac megru.

Tinh Kon Tum brei caik hatai iek praong bruk ba kong caing, tamia xoang tame sang bac, piah daong ka dom rai uranaih sangka jang tal ilamo meng kan dahlau. Di dom sang bac di bhum urang bangsa takik hu peih bruk pato ma-in kong caing, tamia xoang ka anek saih. Dom adei anek saih bhian hu pasram taong kong caing, tamia xoang, hu mbaok tame dom bruk ngak hadah krah…Meng nan, hu padang ngak rilo kapol kong caing di sang bac, piah khik ramik, patagok ilamo jalan sahaneng di dom bangsa takik.

Njom ia mbak di kraong Hậu di tinh Soc Trang daok rah tabiak srau kadau, ia mbak njom tame dalam meng 35 - 50 km, brei thau dahlau ka tabung glaong di bilan thu 2025 daok dalam tukvak pandiak catang abih. Urak ini gah ngak nong tinh daok patagok bruk pasang iek tani tanat njom ia mbak saong bhian pathau khan ka mikva thau ka bruk rah tabiak di njom ia mbak. Gam haong nan, pato tacei ka bruk pandar he thong braong kraong, pasiam bineik saong pachreih rahra oh pala padai Đông Xuân drak hadei di dom bhum mbuan gaok khat lahik.

Danak bruk bhap bini umo taha samar saong takik ndik tapui, Hàn Quốc ba tabiak bruk tagok umo padeih hưu meng 60 tal 65 thun. Bruk nan brei khik iek nyaom urang umo taha, dom urang daok dang anak kan kandah kurang jien ndo umo thun padeih hưu saong tukvak brei mbang jien bilan padeih hưu oh sumu gauk. Urak ini, umo padeih huu di Han Quoc lac 60 thun, min tal umo 65 thun urang ngak meng hu tadun jien bilan padeih huu. Padeih atah 5 thun oh hu jien bilan nan ngak kan kandah tal raidiuk urang taha umo.

Thu tuong An Do hu ba tabiak bruk kuhria bahrau hu angan “MAHASAGAR” atau “Patagok taong abih gah saong hu kein lagaih haong gauk gah An ninh saong Cakrok dalam labik” piah jhul bruk patagok karo kajap saong pambuak dunya haong dom negar gah Meraong Baoh taneh. MAHASAGAR brei pataom tame gah pablei salih, padang prein ngak saong khik kajap an ninh haong gauk piah pamaong tal sa harei hadei karo kajap saong ginup meda ka dom negar dalam labik.

Kham merat khik caga pein yawa piah rahra bhap bini plaik njiak atah dom bruk kanjak jhak yau pakao hala dien tu saong pakao hala hu ralo salih siam jeng di Australia. Negar ini brei buh tabiak labaih 156 trieu AUD ka gah canh sat lien bang piah meda ngak atah klak bruk pablei pakao hala dauk. Dom paok jien daong ini hu daong ka Mentri Y te piah salih birau dom bruk ba tabiak  piah khik iek pakao hala saong pakao ndien tu, pabak dom danak dak yaih khan ka bruk jhak kayua pakao hala saong pakao ndien tu./.