Langyah, taduan panuac, ramik veik danak dak Hukum Iek ruak, taong ruak (pasiam veik) dalam mbang nyaom ka 18 peih tabiak harei 14/12, Uỷ ban Thường vụ QH brei panuac lac njauk quy định đơn vị hu ngak po gah jien ndo brei peih ngak tui jalan tự chủ ka manuac urang ngak bruk saong jien padai tui bruk ba tabiak di hukum. Tui nan, pok panuac tagok Rajaei, Mentri Y tế ba tabiak jalan kuhria njauk, kuhria ginup yaom dich vụ iek ruak, taong ruak.

Tuk Tết nguyên đán 2023, huyện Bình Chánh, TPHCM kuhria hu  26.000 pok pandap brei ka dom sang sarak karja, urang buh prein ka taneh ia, sang kathaot, sang daok hu daong bảo trợ xã hội saong dom sang karei karei, haong yaom jien abih tih labaih 27 tỷ đồng. Dalam nan hu rilo pok pandap brei ka dom uranaih metui kayua jit COVID-19 saong dom sang kan kandah hu gauk gar metai kayua jit COVID-19. Daok pandap mbang huak tuk tết, abih tih dom pandap panda di dom darak pasar meng kan dalam bilan tết tagok labaih 3.200 tấn. Dom pasak pablei salih jeng meda pabak labaih 5.000 tấn pandap dalam bilan Tết.

Birau tame akaok bilan paik baoh, min urang pala phun baoh ia tasau vú sữa katam di Sóc Trăng biak uan tabuan tuk phun hu biak rilo baoh. Urak ini, HTX Nông nghiêp  Lộc Mãi di huyện Kế Sách pambuak haong dom D.N blei  yaom 30.000 ribau đồng sa kilo tal puac bilan; yaom ini glong jang dut saong yaom di darak pasar dalam negar lac 15.000 đồng sa kilo. Meng akaok bilan mbiah tal ini  huyen Kế Sách paik hu jaik 20  tấn baoh vú sữa tím saong pablei tabiak ka darak pasar negar Mỹ. Dalam tỉnh Sóc Trăng hu labaih 28.500 ha phun mbang baoh. Sóc Trăng quy hoạch hu 20 labik taneh pala tui jalan huu co dom tanut chuan, VietGAP.

Thun ini, urang ngak nong di dom huyện tapen tasik di tỉnh Trà Vinh palao raong labaih 131 triệu drei aring tasik pajaih di mangaok labik praong 23.270 ha mbaok ia danao, bingun. Meng yaom aring tuk halei jeng glaong, nan ye urang ngak nong laba hu meng 150 – 200 triệu đồng sa hecta sa thun. Piah ka bruk raong aring tasik cakrok khang kajap, UBND tỉnh Trà Vinh hu buh tabiak labaih 600 triệu đồng piah peih ngak bruk tut angan bảo hộ khik ramik saong yaih khan nhãn hiệu chứng nhận "Trà Vinh" ka pandap aring tasik. Bruk ngak nan piah ba rilo bruk ngak jang saong paglaong jien mek tame ka urang ngak, duh ka bruk cakrok patagok KTXH di tỉnh.

Pasak brei thau megei baoh taneh saong kakei dahlau sóng thần di  Viện Vật lý Địa cầu, Viện Hàn lâm Khoa học saong công nghệ Việt Nam brei thau, sa mbang megei baoh taneh khang 2.8 birau rah tabiak di huyen Kon Plông, tỉnh Kon Tum, dalam trun labaih 10km. Dahlau di nan, dah page ini 14/12, 2 mbang megei baoh taneh khang 2,6 saong 2,7 độ richte  rah tabiak di huyen Kon Plông. Urak ini Pasak brei thau megei baoh taneh saong kakei dahlau sóng thần di Viện Vật lý Địa cầu daok tui iek tani tanat dom mbang megei baoh taneh nan.

Tổng thống Mỹ Joe Biden hu mbaoh tangin brei jeng hukum ka dự luật brei adat liên bang khik caga bruk lakhah caga di likei haong likei, kumei haong kumei, tui panuac Yuan lac “hôn nhân đồng giới”. Di tuk mbaoh tangin patabiak hukum di biar harei 13/12 (tui mon pak nan), Tổng thống Mỹ ndom lac: "Taneh ia Mỹ hu yam sa takai yam praong pamaong tal bruk likei kumei samu gauk, bruk tự do saong công lý, oh lac ka dom menuac urang bo ka taong abih menuac urang". Hukum ini klaak hukum dahlau daih ieu bruk lakah caga lac bruk pambuak gauk di likei haong kumei, gam haong nan, khik caga dom gu diuk pasang karei bangsa meng bruk ieu dom taneh ia iek bruk lakah caga lac njauk adat hukum, oh kuhria  "giới tính, bangsa atau asal di taneh ia".

Kadung jien Nhi đồng LHQ (UNICEF) iew da-a dom po daong jien padai dunya brei rik tame 2,6 tỷ đồng USD ka dom bruk daong ka grauk labik negar Trung Đông saong Bắc Phi njauk palai pajoa khut tayah kayua mesruh metak. Tui kapol nyaom nan, uranaih lac gaok kan kandah ralo abih saong biak njauk brei daong tuk jaik meteh dom taneh ia dalam bhum daok diuk dalam bruk sraw kadau trak damah atau gaok kan kandah pambak praong  di dom mbang taong gauk saong mesruh metak. Kayua yau nan ye, UNICEF caong khin iew  hu paok jien daong samar chip angaok nan piah daong labaih 52,7 trieu uranaih khin hu daong di thun 2023.

Roh duah bahrau abih di Kadung jien Ginup meda haong gauk brei mboh lac vaccine COVID-19 di Pfizer, Moderna haong Johnson & Johnson hu daong plaih di metai ka labaih 3 triệu menuac di Mỹ, patak pataom hu labaih 1 rabau tỷ đô la ka taneh ia ini. Vaccine pacang COVID-19 camereip abih di Mỹ hu ba tame pandar di bilan 12 thun 2020. Meng nan tal harei ini, labaih 655 triệu mbang vaccine hu pandar di Mỹ haong 80% rahra taneh ia ini hu klauk takik di abih 1 mbang vaccine./.