Di mbang nyaom rah tabiak harei 29/11 di UB dom rajaei Công ước 2003 di UNESCO, inem krung ilamu phi vật thể “ Ilamu ngak lan am di urang Cam di Viet Nam” hu UNESCO brei angan Inem krung ilamu phi vật thể brei samar khik ramik.

Bruk UNESCO vak angan Ilamu ngak lan am di urang Cam tame harak angan inem krung phi vật thể njauk brei samar khik ramik brei mboh ilamu biak gheih ralo di dom bangsa Viet Nam, paglong bruk ngak di urang kumei dalam xa hoi salih birau saong iek praong ralo jalan brei mboh ilamu siam gheih tui njauk bruk ba tabiak saong jalan tacei ba di dom công ước UNESCO bo dalam nan hu Viet Nam.    

Dah page ini (30/11), Mban Chấp hành Đảng bộ TP.HCM mbang XI, tukvak 2020 – 2025 hu peih nyaom biai mbang ka 19 piah ginum biai ka bruk KT – XH, bruk dak padang Đảng, paglaong bruk par akaok ngan haong bruk ngak kinh tế đảng di Đảng bộ ban raya. Brei panuac di nyaom biai, Bí thư Thành uỷ TP.HCM Nguyễn Văn Nên taong yaom lac, thun 2022, ban raya siam veik samar saong jaik  abih gah. Tui kuhria, abih tih dom pandap ngak tabiak di dalam ban raya thun 2022 tagok labaih 9%. Min, ban raya jeng daok dang anak rilo kan kandah. Rilo jalan ngak, bruk ngak hu pataom prein tame pato tacei biak catang min bruk ngak hu   jeng daok bier, abih di nyu nan lac bruk brei masaiy phun jien đầu tư công, quy hoạch saong rami ramik veik bruk quy hoạch. Kayua yau nan ye, Bí thư thành ủy ieu kakei lac njauk kuhria dahlau dom gah meda gaok kan kandah piah hu jalan lang yah rami ramik veik.

UB bhap bini tỉnh Cà Mau birau ba tabiak angan 14 danak dak iew urang buh jien tame ngak rilo danak dak hu makna praong dalam caong lac jalan piah patagok  bruk ngak kinh tế, xa hoi di tỉnh anak tal. Ralo danak dak hu iew urang buh jien ngak pataom  tame bruk patagok hạ tầng. Tukvak tapa, Cà Mau hu ieu da-a saong hu rilo po đầu tư  tame ngak dom danak dak hạ tầng hu makna praong dalam. Dalam nan, hu dom danak dak jalan mbak praong hu ba tame pandar  yau: Jalan Tắc Thủ - Đá Bạc, jalan Bờ Bắc kraong ia Ông Đốc... 

Tui Tổng liên đoàn Lao động Việt Nam, tapa yaok pataom di 44 tỉnh ban dalam negar hu 1.235 doanh nghiệp gaok kan kandah dalam bruk ngak, ba tal kan kandah ka labaih 471.500 urang ngak, dalam nan labaih 41.500 urang lahik bruk. Công đoàn Việt Nam kuhria mboh dahlau lac bruk ngak mbang, pablei salih di doanh nghiệp jeng daok gaok kan kandah, meda dui atah tal quý 2-2023, nan ye ba tal bruk rilo urang ngak lahik bruk ngak. Tui nan, raidiuk di rilo urang ngak jeng gaok kan kandah kayua jien mek tame trun bier.

World Cup 2022  di Qatar hu rilo urang takre iek caoh mbanh di dunya tui iek. Tui jabat công an, urak ini hu rilo “ urang ngak cái” dunya praong main mbang jien di mạng Internet tapa cá độ caoh mbanh yau M88, Bong88, 3in1bet, Sobobet, W88, 188bet, dafabet, 10bet, Bet365, Fun88…Yaok “ labik ngak cái” peih tabiak yaok rituh website, mac chủ caik di rilo taneh ia angaok dunya piah ka urang tame main mbang jien angaok mạng. Kayua yau nan ye, jabat công an kakei bhap bini brei sahaneng bruk jhak kayua cá độ caoh mbanh ngan haong rup eng, baoh sang; juai cá độ caoh mbanh tui jalan halei.

Brei panuac online di Mbang ginum biai pahadar 40 thun Công ước Liên hợp quốc ka Hukum tasik di Jakarta, Akaok Mintri Ngoại giao Indonesia ndom lac ASEAN tuk halei jeng pamaong tal langyah dom bruk maraik gauk mangaok tasik tapa dom jalan sron mbon saong Công ước Liên hợp quốc ka Hukum tasik 1982 (UNCLOS) lac jalan piah mek hu dom bruk ba tabiak ini. Min, Ngoại trưởng Indonesia jeng brei thau lac, UNCLOS daok dang anak dom cuang kandah ka bruk catang tagok di địa chính trị, mbuan ngak tagok bruk kan kandah jeng bruk maraik gauk.

Rajaei Trung Quốc brei thau meda brei klauk pasamar jru vaccine caga ruak COVID-19 ka urang umo meng 60 thun tagok hadei di tuk taneh ia ini hu urang birau njom ruak yaok harei glong dalam dom harei jaik ini. Bruk klauk jru hu jhul khang di dom labik yau viện raong urang taha, dom urang oh khin klauk jru vaccine saong mbang klauk jru pabak brei katut trun 3 bilan ngan haong urang umo labaih 80 thun.

Tổng thống Mỹ Joe Biden hu pachreih Quốc hội negar ini samar ba tangin tame piah pacang caga bruk padeih ngak dalam gah jalan pasei. Dalam panuac ndom di drei, ong Biden ndom lac, bruk kareik pabah mbang jalan pasei meda palai khut kinh tế Mỹ, kayua ini lac gah jalan pajeng pandap panda hu makna praong, ngak kan kandah tal rilo gah ngak kong. Labaih 765.000 urang Mỹ meda lahik bruk dalam 2 adit camriep mayah gah jalan pasei padeih ngak. Bruk klaih klaoh rilo labik jalan pasei meda ngak padeih bruk pabak xang manjek saong pandap mbang, ngak patagok bruk lạm phát./.