Tong bi thu Nguyen Phu Trong hu mbaoh tangin brei tabiak Sarak 31 di Mentri Chinh tri ka jalan ngak, bruk ngak brei patagok Ban raya Ho Chi Minh tal thun 2030, pamong tal thun 2045. Sarak hu ba tabiak bruk kham merat tal thun 2030, Ban raya HCM hu jneg ban ilamu, salih birau, anit ranam, sami samar, hadah hadai, hu manuac ngak bruk asar ilamu glong, lac ban dich vu kong nghiep salih birau, dang dhi akaok gah kinh te so, XH so, pasak kinh te jien padai, pablei salih, ilamu, pato pakai, ilamu, cong nghe dalam taneh ia, ba drei yam tame dunya dalam, pambak praong; hu labik dang lagaih abih di bhum ĐNA. Cak rok patagok kuhria rah tapa hu meng 8 tal 8,5% sa thun, kuhria taong abih pandap ngak tabiak dalam Ban yaok tui akok manuac  labaih 14.500 USD, kinh te so rik hu  40% tame GRDP.

Kuhria meng harei ini 3/1 tal harei 15/3/2023, taong abih dự thảo Hukum taneh riya (pasiam veik) hu mek panuac dalam bhap bini. Bruk ngak nan piah patagok quyền ngak po, brei mboh hatai saneng, hatai caong khin di bhap bini piah ngak pasiam dự thảo; ngak jeng bruk yasa saong pachreih tui di bhap bini ngan haong jalan ngak, haong sarak di Đảng, hukum di Karja ka taneh riya… Jalan mek panuac lac ngak tapak meng harak gar, peih nyaom biai, mbang ginum biai saong tapa Cổng thông tin điện tử di Quốc hội, Rajaei, Mintri Tài nguyên saong Môi trường haong rilo jalan ngak karei karei.

Mentri Jalan mbak pajeng ba birau mbaoh tangin brei ngak danak dak padang ngak tatua  Đại Ngãi di Jalan raya 60 tapa dom  tỉnh Trà Vinh saong Sóc Trăng. Danak dak nan hu pambuak Jalan raya 54 di xã Hùng Hòa, huyen Tiểu Cần, tỉnh Trà Vinh saong pambuak jalan Nam Krong Hậu di xã Long Đức, huyện Long Phú, tỉnh Sóc Trăng. Danak dak  atah labaih 15,14 km , kuhria abih tih  jine buh tame ngak jaik 8.000 tỷ đồng meng kadung jien Karja. Danak dak pambuak taong abih jalan raya 60, brei peih praong laneng lanoi jalan mbak  pajeng ba ka bhum Taneran kraong Cuu Long, ba mbuan lagaih ka bruk pambuak dom tỉnh bhum kraong ribaong gah Meraong saong Ban raya HCM.  

Tapa 3 harei padeih tết dương lịch, dom tuai dalam saong langiu taneh ia mai tal tỉnh Tiền Giang haong Bến Tre ravang me-in, padeih padei rilo jang dom harei karei. Dom Cty ba menuac nao ravang me-in, dom labik ngak du lich kham merat duh ka tuai damuai.  Tapa nan brei mboh bruk siam lagaih hu peih tabiak meng di akaok thun bahrau, pachreih ba khang piah ka dom tinh ban pasiam veik gah du lịch. Hadei di Tết dương lịch, dom doanh nghiệp, dom labik ngak mbang gah du lịch daok kuhria caga duh tuai ravang me-in tukvak tabung glaong Tết meng kan thun sak tapai saong abih thun 2023 haong hatai jia tame jayah.

Tui pathau khan di Mentri Công an, dalam 3 harei padeih Tet Duong lich, dalam negar  rah tabiak 83 mbang bala angaok jalan mbak ngak brei 50 urang metai. Tuk padeih Tet Duong lich thun ini rilo harei, urang nao palei, nao ma-in tagok glong, pataom tame nao tapa dom labik jalan praong saong jalan pambuak rilo gah tame tabiak dom đô thị praong, abih di nyu lac Ha Noi saong Ban raya HCM. Kayua  bruk ramik caga saong peih ngak tui dom jalan hu lagaih gah jalan mbak, pakhang bruk pasang iek, tui iek brei salamat taong abih jalan mbak dalam negar hu tani tanat, siam mekre luac dom harei padeih. 

Hãng thông tấn trung ương Triều Tiên (KCNA) brei thau, ong Kim Jong Un, urang pan akaok Triều Tiên tabiak panuac lac brei patagok tên lửa đạn đạo xuyên lục địa bahrau saong kho vũ khí hạt nhân praong jang piah mesruh veik dom bruk meng Mỹ saong dom taneh ia đồng minh di Mỹ. Ini lac jalan ngak praong dalam bruk quốc phòng saong hạt nhân thun 2023 di Triều Tiên. Triều Tiên jeng brei jhul samar bruk kham merat ngak tabiak sa vệ tinh do thám, meng nan brei cuh tagok langik vệ tinh quân sự camereip abih di harei aval abih".         

Karja Libya hu duah mboh 18 rup atau hu dar dalam sa lubang haong gauk di ban Sirte, labik nan dahlau daih lac paga pacang di kol khung bo IS. Makna ba bruk metai lahik di dom urang nan urak ini oh ka thau cambaic laic. Ban Sirte, bhum palei di urang ngak praong Libya Muammar Gaddafi, laik tame tangin kol lin IS meng thun 2015 tal thun 2016.

Yaok rabau menuac dang jeng talei atah di nhà thờ Thánh St Peter's di Vatican piah brei mboh hatai pandik harao ngan haong Giáo hoàng dahlau daih lac Benedict XVI dahlau di tuk ndam tang di ong rah tabiak. Tui kuhria, Giáo hoàng urak ini lac Francis dang tabiak ngak ndam tang di harei 5/1 tal di quảng trường thánh Peter's. Giáo hoàng dahlau daih palang lahik di harei 31/12 abih umo 95 thun. Giáo hoàng dahlau daih Benedict XVI,  jeng menuac dang akaok Vatican di thun 2005 tuk umo 78 thun hadei di tuk Giáo hoàng John Paul II metai nao./.