Mentri Pato megru  birau ba tabiak  Khung jalan ngak bruk dalam thun  bac 2023 -2024. Tui nan, tukvak tame bac di anek saih dom pakat  aval abih sa adit dut saong harei tame thun bac birau. Ta-eng tal bac 1, tame sang bac aval abih 2 adit dut saong harei tame thun bac birau. Harei tame thun bac birau brei peih tabiak di harei 5 bilan 9 thun 2023. Tukvak tamat bac kỳ I dahlau harei 15/1/2024; salah bruk bac da-a kỳ II dahlau harei 25/5/2024 saong tamat thun bac dahlau harei 31/5/2024. Pakacah tamat THPT saong dom mbang pakacah pakat negar tui bruk ba tabiak  saong tacei pato di Mentri Pato megru.

Mintri Jalan mbak pajeng ba (GTVT) hu pato tacei Cục Đường cao tốc Việt Nam samar drah pasang iek, jhul samar bruk peih ngak danak dak buh jien tame padang ngak jalan nduac samar Dầu Giây - Tân Phú (tukvak ka 1) tui jalan PPP. Tui Mintri Jalan mbak pajeng ba bruk payua harak taong yaom pathau khan roh duah bruk peih ngak danak dak padang ngak jalan nduac samar Dầu Giây - Tân Phú suai jang dut saong jalan ba tabiak. Urak ini rilo adat di danak dak jeng ka oh hu ngak salah. Dalam tukvak ka 1, danak dak buh jien tame padang ngak tui jalan PPP, klaak tapa harak hợp đồng BOT.  Jalan atah abih tih labaih 60km, tui kuhria tuk camereip, jien buh tame padang ngak danak dak lac labaih 8.365 tỷ đồng.

Meng harei ini 2/8, Cục kapal haok Viet Nam brei adat ka taong abih dom mblang kapal haok brei ka tuai pandar harak gal điện tử  di ứng dụng VneID salih ba-ar piah ngak thu tuc ndik haok  dalam negar, di taong abih mblang kapal haok di dunya. Ngan haong urang Viet Nam, pandar ung dung nan salih ka CCCD. Ngan saong urang negar langiu, ung dung nan salih ka ho chieu atau harak gal hu brei pandar piah nao mai dom taneh ia karei. Bruk pandar tai khoan VNeID salih ka harak di urang brei ngak tui di taong abih dom bruk yau: ngak harak gal, pasang iek caga an ninh tagok kapal haok.

Dalam bilan 8 ni, di Palei Ilamo - Du lịch dom bangsa Việt Nam (Sơn Tây, Hà Nội) meda hu dom bruk ngak di bilan 8 ngan haong asal kadha “Mai palei ba drei tame ilamo meng kan” rik tame pahadar 78 thun Harei Cách mạng Bilan 8 saong ilamo meng kan di gah Ilamo, gam haong nan jeng yaih khan dom siam gheih di ilamo, adat cambat tanarakun meng kan di mikva dom bangsa, ngak jeng talei jumpataom gauk saong paglaong bruk taom gaok, ndom biai nao mai di dom bangsa… dom bruk ngak, hu bruk hu mbaok tame di labaih 100 urang di 15 bangsa, lac: Nùng, Tày, Dao, Mông, Mường, Thái, Khơ Mú, Tà Ôi Cơ Tu, Bahnar, Gia Rai, Xê Đăng, Ê Đê, Raglai, Khmer.  

Tỉnh Đồng Nai birau hu sa urang metai kayua ruak meruai daok di huyen Thống Nhất. Urang nan njauk asaw kaik meng 4 bilan dahlau min oh hu klauk jru caga ruak. Ini lac urang ka 2 metai kayua ruak meruai dalam bilan 7 meng blaoh dalam tỉnh ini.  Dahlau di nan, hu 1 urang metai daok di huyen Trảng Bom. Urak ini, tuk hu kakei dahlau ka  ruak meruai, biak ralo bhap bini hu mai tal dom labik kalauk jru piah caga ruak. Dom urang nan njauk sraw meyao kaik braic blaoh. Ruak meruai urak ini oh ka hu jru taong ruak, yau nan ye, bhap bini njauk sraw meyao braic , kaik brei samar   nao tal dom labik iek ruak piah hu tacei pato saong klauk jru vaccine caga ruak.

Đại hội đồng Liên hợp quốc hu nyaom biai abih gah brei tapa Nghị quyết ka Hiệp định khik caga saong pandar khang kajap parilo janih sinh học di bhum langiu quyen taeng di taneh ia tapen tasik dalam bruk ba tabiak dom sarak, adat saong bruk pasang iek bruk peih ngak (daok hu ieu lac Hiệp định ka tasik) hu bruk pachreih tui di 150/193 taneh ia dalam kapul. Đại hội đồng hu njauk gauk ka dom jalan ba tabiak ka bruk peih ngak, kadung jien kanja piah tani tanat Hiệp định hu peih ngak siam lagaih saong brei harei peih bruk mbaoh tangin tame Hiệp định di harei 20/9/2023. Dom taneh ia jeng brei mboh bruk njauk gauk biak khang ngan haong Nghị quyết saong brei thau lac Hiệp định ka tasik lac bruk jayah di kham marat di bruk pambuak gauk saong chủ nghĩa rilo gah.  

Hiep hoi dom urang pablei brah tabiak negar langiu di Ấn Độ likau rajaei brei adat pablei 1 trieu tan brah bingi pahe hu urang Ấn Độ daok negar langiu takre, dalam tuk New Delhi patabiak adat pakauk pablei brah tabiak negar langiu. Hiep hoi dom urang pablei brah tabiak negar langiu iew rajaei  ba tabiak yaom brah sonamasuri yaom 1.000 USD/tấn saong parabha brei pablei brah tabiak negar langiu  1 trieu tấn yaok thun. Hukum pakauk pablei brah tabiak negar langiu di Ấn Độ  ngak brei urang Ấn Độ daok diuk rai di negar langiu  jak gauk tame dom cửa hàng blei brah piah caga, ba tal dom cửa hàng njauk pablei brah takik veik.

Mbang camriep hadei di 4 thun Hàn Quốc njauk patagok tanut brei thau dahlau ka langik pandiak tagok tanut glaong di abih, tuk rilo bhum palei hu nhiệt độ labaih 38 độ C. Langik pandiak ngak ka 23 urang metai, rilo jang 3 mbang dut saong tukvak ini thun blaoh. Tui Mintri Nội vụ saong Salamat Hàn Quốc, nhiệt độ dut hu di ban Yeoju lac 38,4 độ C. Tổng thống Hàn Quốc hu ieu kakei dom urang jakar ngak praong paglaong dom jalan ngak piah khik caga prein yava di rahra, abih di nyu nan lac ngan haong dom urang daok ngak bruk di langiu langik, urang praong thun saong dom urang daok dalam dom baoh sang taik tahak./.