Dah page ini 17/8, Thủ tướng Rajaei Phạm Minh Chính hu mbaok tame bruk "Jalan padang mbang ngui salih bahrau hadah krah saong Harei pataom bruk ngak VNUA – 2022" kayua Học viện Ngak nong Việt Nam peih tabiak di Hà Nội. Bruk ini hu peih tapak saong tapa jalan online di 15.000 sinh viên, 120 doanh nghiệp, gah pilih ruah, 700 hiệu trưởng dom sang bac THPT, 3.000 anek saih THPT saong 1.300 gru pato di Học viện. Bruk pacacah dui pachreih hu labaih 2.500 danak dak padang mbang ngui meng yaok rituh sang bac đại học, cao đẳng, sang bac THPT, dom tinh, ban hu mbaok tame, dalam nan hu labaih 50% dom danak dak lac di của sinh viên Học viện. Gam haong nan, bruk ini yaok thun hu labaih 3.000-4.000 bruk ngak hu dom doanh nghiệp ba tabiak pilih ruah.

Brei panuac di nyaom biai tham vấn dự thảo pathau khan pataom iek veik 15 thun peih ngak hukum likei kamei samu gauk rah tabiak harei 16/8 di Hà Nội, muk  Elisa Fernandez Saenz, urang pal akaok lambaok  UN Women di Việt Nam tong yaom glaong bruk peih ngak hukum likei kamei samu gauk  luac  15 thun tapa di Việt Nam. Tui  muk  Elisa Fernandez Saenz, Việt Nam hu rilo urang kamei ngak bruk dalam rilo gah, hu bhap bini dunya tong yaom lac taneh ia ngak siam bruk likei kamei samu gauk. Meda ndom lac, hatai sahneng dalam karja song  xã hội ka bruk likei kamei samu gauk hu salih bahrau, bruk hu mbaok dalam karja di urang kamei hu patagok, hatai sahneng ka quyền song bruk ngak di urang kamei dalam bruk kinh tế, dalam bhap bini song boh sang di ban prong ban sit, puk palei hu patagok.

Tui yaok pataom di Sở Y tế TPHCM brei mboh, kuhria tal harei 15-8, kapul uranaih umo meng 5 thun tal mala 12 thun hu klauk vaccine biak bier dut saong kuhria dalam taneh ia. PGS-TS Tăng Chí Thượng, Giám đốc Sở Y tế TPHCM, taong yaom lac, di TPHCM, yaom lac uranaih njauk tame sang iek ruak kayua njauk Covid-19 urak ini ka oh tal tanut báo động yau tukvak jit ruak Covid-19 tamuh tabiak di thun 2021 min mboh daok tagok veik. Rajaei dom pakat njauk pambuak gauk piah jhul samar bruk pathau khan, ngak habar ka amaik ame uranaih thau hu bruk njauk  klauk vaccine ka uranaih, abih di nyu nan lac di dom amaik ame oh ka pachreih tui bruk  klauk vacxin.

Sở Lao động- Thương binh song Xã hội tỉnh Bà Rịa – Vũng Tàu dok pambuak bruk pachreih ba dom puk palei samar ngak salah bruk pasang iek harak gar piah likau dong jien pah sang ka urang ngak, piah ngak salah bloh sarak dong dalam bilan 8/2022.Tui Sở Lao động- Thương binh song  Xã hội tỉnh Bà Rịa- Vũng Tàu, tỉnh hu mbaoh tangin tame harak dong jien pah sang abih tih jiak 10 tỷ 700 ribau đồng. Urak ni, dom puk palei hu bayar ka  5.015 urang ngak ngan song pok jien dong abih tih lac 5,85 tỷ đồng (mek hu labaih 54,7%).

Công an tỉnh Bình Phước  daok pambuak haong Công an huyện Bù Gia Mập pasang iek labik rahtabiak bala, pasang iek urang metai piah ngak brei cambaih makna ba tal metai di 2 urang likei hadei di tuk trun bingun dalam 30 mét mek mac njuk ia di bier harei 15/8. Dua urang njauk bala lac saai Điểu C. (umo 32 thun) saong Điểu Tr. (umo 30 thun), lac urang S’tiêng, jeng daok di palei Bình Hà, xã Đa Kia, huyện Bù Gia Mập. 

Jabat kuhria mboh dahlau bruk langik tasik Australia bahrau brei tagok tanut cảnh báo haong bruk La Nina meng tanut “tui iek” tagok tanut “cảnh báo” tuk dak harei dak hu mboh ka bruk ni, meda rah tabiak veik  di taneh ia ni dalam dom bilan tal. Meyah  La Nina rah tabiak dalam thun ni, ye ni lac mbang ka  4 La Nina rah tabiak dalam  3 thun gam gam di  Australia. Dalam sa bruk pagam tal, dom urang ilamu di bang New South Wales, brei thau dalam labaih  20 thun tal, hu labaih  46 ribau bhap bini di ban Sydney dok di thung lũng Hawkesbury - Nepean oh dar nao nyaih di bala, meyah rah tabiak ia sua dreih yau bilan  2/2022 di Lismore.

Mintri Quốc phòng Hàn Quốc bahrau brei thau lac Hàn Quốc saong Mỹ meda pambuak veik abih dom bruk pasram mesuh di adit anak tal. 2 taneh ia meda peih bruk pasram mesuh ieu lac Hala pacang Tự do Ulchi meng harei 22/8 tal harei 1/9. Bruk pasram mbang gini hu makna biak praong dalam bruk padang veik liên minh Hàn-Mỹ saong pakhang bruk pacang caga meng peih veik bruk pasram haong gauk saong pasram mesuh di langiu langik. Mỹ saong Hàn Quốc brei trun rilo dom bruk pasram mesuh pambuak gauk dalam dom thun jaik di ini kayua jit ruak COVID-19 saong piah patrun bruk catang tagok haong Triều Tiên.

Yaom menyek di dunya dalam mbang giao dịch harei 16-8 trun jiak 3% trun tal tanut beir di abih, meng di tuk rah tabiak bruk mesruh gauk di Ukraine, kayua dom số liệu kinh tế ngak huac kanda ka bruk suy thoái dunya. Dom bruk kinh tế dok kateik tagok yaom menyek. Bruk padang sang di Mỹ dalam bilan 7 trun di tanut beir di abih  jiak sa thun meteh tapa, kayua jien laba  brei mesraiy song yaom pandap panda padang ngak patagok. Bruk ni brei mboh darak pasa sang danaok di Mỹ meda trun rilo jang dalam quý III./.

Urang lang: H.Pha & Thu Thảo – 17/8/2022