Tui nan, meng thun 2025, di Mbang pakacah THPT anek saih brei pakacah 2 mon bat buoc lac Ngữ văn saong Toán gam 2 mon palih ruah dalam dom mon hu bac danak dak tal 12. Dom mon brei palih tui hatai nan lac: Ngoại ngữ, Lịch sử, Vật lý, Hóa học, Sinh học, Địa lý, Giáo dục kinh tế saong pháp luật, Tin học, công nghệ. Mentri Pato megru ba tabiak bruk pilih ruah taduan brei tamat THPT meda taong yaom tui bruk bac ta-a gam điểm pakacah tamat  kuhria lagaih tui tukvak peih ngak Danak dak pato megru pho thong birau 2018.

UBND tỉnh Tiền Giang bahrau brei thau Sarak di Thủ tướng Rajaei pok angan huyện Tân Phước mek hu tanut chuan palei pala bahrau. Tapa 30 thun peih taneh bilau, ramik pasiam saong buh jien tame ngak, tal urak ini, jien mek tame kuhria tui akaok manuac di huyện mek hu labaih 64 triệu đồng sa thun, dom sang kathaot daok 1,59%. Abih di nyu nan lac, Tân Phước padang hu 1 labik ngak kong saong daok ieu da-a buh jien tame rilo labik ngak kong karei. Tân Phước hu buh tame labaih 3.500 tỷ đồng ka danak dak bruk ngak negar ka padang ngak palei pala bahrau. Langiu di nan, rahra daok halain hatain alin labaih 81 ribau m2 taneh saong 2.800 harei ngak piah padang ngak palei pala bahrau.

Di dom huyện Tân Thạnh, Mộc Hóa, ban sit Kiến Tường di tỉnh Long An bhap bini jak gauk  kuac rok danao raong hadang, hu labik danao raong hadang rilo jang hamu padai. Huyện Mộc Hóa lac labik hu danao raong hadang tamuh tabiak rilo abih  di tỉnh Long An ngan haong labaih 280 ha.Yaom lac, karja pakauk min oh langyah catang bruk kuac danao raong hadang. Kuhria tal bilan 7 meng blaoh, dalam tỉnh hu veik labaih 522 ha. Tui taong yaom di dom urang ilamo gah ngak nong: Raong hadang takai mbong putih di Long An ngak jhak tal ia ala taneh kayua kuac danao ralo, ba tal kurang ia di bilan pandiak bhang, glut jaleih taneh.

Di jala pandiak ini, sa baoh sang klak di jalan Nam Kỳ Khởi Nghĩa, phường Nguyễn Thái Bình, Quận 1, TP.HCM daok hu ngak pasiam veik ye sàn bê tông di tal sa jaleih trun kateik sa nyaom urang ngak daok padeih padei di gah mala. Dom urang njauk rambuac trak hu ba nao cap cuu. Urak ini gah chuc nang hu katung bat pacang labik jaleih, pasang iek ngak cambaih laih makna, khat lahik di bala.

Tui dom urang ilamo tui iek bruk langik tasik, meng harei 4 tal harei 6 bilan 9 di  bhum Đông Nam bộ meda hu sa mbang langik pandiak khang ka 2 dalam thun. Hadei mbang pandiak nan, bhum ĐNB meda oh rah tabiak langik padiak khang halei jang ini. Hadei di nan, hajan gam gam kayua langik ap thấp. Yau nan min, meng harei 7-9 anak tal, hajan rilo di Nam Bộ, abih bilan pandiak bhang thun ini.

Tổng thư ký Liên hợp quốc Antonino Guterres bahrau brei thau ka “bala praong di dunya” kayua ia tasik tagok glaong, abih di nyu nan lac di dom kaoh pulao pak Thái Bình Dương. Tui panuac di Tổng thư ký Liên hợp quốc, sa bruk sarau kadau meda samar pambak praong tal tanut lac oh sahneng mboh lac yau nan, bo oh hu sruh gilai halei daong ba kol drei tame labik salamat. Liên hợp quốc saong Gah kuhria mboh dahlau bruk langik tasik dunya jeng hu tabiak pathau khan lac, Tây Nam Thái Bình Dương oh mbuan gaok kan kandah kayua ia tasik tagok glaong bo daok gaok dom kanjak jhak karei di bruk BDKH yau ia tasik praong njauk a-xít hoá atau riyak khang di tasik.

Gah Y te Dunya peih bruk jak ba pambak praong angaok dunya piah pacang cakak bruk njom mbak ruak đậu mùa khỉ di urang ini tapa urang diah. Tui nan, Jalan peih ngak meng ini tal bilan 2 thun 2025, ngan haong phun jien daong tal 135 trieu  dola Mỹ. Abih di nyu, jalan brei klauk jru ka dom urang mbuan njom ruak glong abih yau ye,  dom urang hu taom gaok jaik haong dom menuac ruak, urang ngak gah y ye, piah pacang klaoh bruk njom mbak ruak. Jalan peih ngak pataom tame dom jalan tacei ba  suai lavik, brei taduan hu bruk taong ruak y te ka dom kapol nyaom urang mbuan njom ruak di dom labik hu ruak kan kandah.

Apple meda taom gaok báo chí di jabat hãng ini daok di bang California, Mỹ, di harei 09/9 piah brei thau dom janih pandap panda bahrau, hu phone pan tangin Iphone, meda hu ieu lac Iphone 16. Janih Iphone bahrau meda lac phiên bản bahrau biak gheih dut saong Iphone 15. Phiên bản bahrau hu brei thau meda lac hu ramik ngak cụm camera bahrau tui talei xếp dọc, gam haong nan lac 7 sambo mau hu hồng, kanjik, xanh lục, xanh lam, jhuk, mbong saong tím.