Javap jalei panuac tangi sua di urang Quốc hội dalam mbang nyaom bahrau ini ka bruk cuah brei ka padang ngak jalan cao tốc Cần Thơ- Cà Mau saong bruk roh duah, pandar cuah tasik piah salih tame, akaok Mintri jalan mbak pajeng ba Nguyễn Văn Thắng brei thau, piah peih ngak danak dak jalan cao tốc Cần Thơ-Cà Mau, brei hu 18 triệu m3 cuah, tukvak peih ngak danak dak lac 3 thun. Tui kuhria, bhum ĐBSCL hu jaik 130 triệu m3 cuah pataom di 3 tỉnh praong lac An Giang, Đồng Tháp saong Vĩnh Long. Tui bruk Mintri jalan mbak pajeng ba saong Mintri Tài nguyên- Môi trường hu ngak bruk tapak haong 3 tỉnh ini, Thủ tướng hu jao ka dom tỉnh pabak cuah ka danak dak. Dalam nan, An Giang saong Đồng Tháp pabak 7 triệu m3, Vĩnh Long meda pabak 5 triệu m3 ka jalan cao tốc ini.

Meng akaok thun tal ini, dalam taneh ia hu jaik 9 rabau mbang urang njauk ruak takai, tangin cambuai, dalam nan hu 3 urang metai. Dom urang njauk ruak takai tangin cambuai daok tagok samar dalam dom adit jaik di ini. Mintri Y tế hu harak payua UB bhap bini dom tỉnh, ban di TW ka patagok bruk pacang caga jit ruak tangin takai cambuai. Taphia di nan, Cục Khik ramik jru tavao, Mintri Y tế brei thau, tui kuhria, bilan 7 meda hu jru Phenobarbital blei meng negar langiu tame taong ruak tangin takai cambuai hu mai tal Việt Nam.

Kuhria meng harei 15/5 tal harei 4/6/2023, TP.HCM patak pataom hu 22,66 triệu kWh điện, kuhria rah tapa yaok harei patak pataom hu 1,08 triệu kWh, samu jaik 2,4 tỷ đồng yaok harei.  TP.HCM jeng hu 633 labik hu mbaok tame danak dak ramik veik phụ tải, piah ba phụ tải dalam dom mon tabung glaong – pandar rilo tapa dom mon takik pandar jang dalam dom harei pandiak khang. Tapa nan, dalam meteh bilan 5, trun hu 107 MW công suất pandar điện dalam dom mon tabung glaong, daong patrun trak damak ka jalan điện.  

Kruac bhung Phước Bình di huyện bhum ceik Bác Ái, tỉnh Ninh Thuận hu Mintri ngak nong Hoa Kỳ brei mã số bhum pala hu pablei tapa Mỹ di anak tal. Kruac bhung lac kaya nong camereip camereip abih di Ninh Thuận hu Mintri ngak nong Hoa Kỳ brei mã số bhum pala haong taneh praong 23 ha, daok dalam xã Phước Bình. Mã số ini hu adat pandar meng harei 22/6. Bruk padang hu mã số bhum pala lac jalan peih tabiak ka kruac bhung Phước Bình hu pablei tabiak tui jalan chính ngạch. Tapa nan, daong pabak prein piah peih jalan ka dom kaya nong karei di tỉnh Ninh Thuận hu tame darak pasar dunya rilo jang.

Tỉnh Bà Rịa - Vũng Tàu brei veik jaik 164 tỷ đồng sangka kuhria ka bhap bini bangsa. Dalam nan, caik hatai iek praong danak dak buh jien tame ngak ha tang, taduan hu ilamu, bruk pato megru saong daong cak rok patagok kinh te, padang sang daok. Thun 2023, tỉnh Bà Rịa - Vũng Tàu brei patui bruk padang ngak birau saong pasiam veik sang daok, sang jaman hacih sa-at, pagam đồng hồ điện, dong ho ia, daong  ilamu, bac da-a, bruk pala drak, buh jien tame ngak hạ tầng saong mesre phun jie ka baoh sang urang bangsa takik.  

 Tui Gilang pariak bhap bini Trung Quốc, taneh ini ini tagok bruk khik piah ameh dalam bilan ka 7 gam gam, brei mboh bruk caong hu khang dom ameh di dom gilang pariak trung ương angaok dunya. Trung Quốc hu tagok dom ameh khik piah jaik 16 tấn dalam bilan 5-2023. Abih tih dom gilang khik piah di Trung Quốc urak ini hu jaik 2.100 tấn. Dalam tuk nan, khik piah ngoại tệ jhung bilan 5 di taneh ia ini trun daok 3.180 tỉ USD, meng 3.200 tỉ USD di bilan 4.  

 Trí tuệ nhân tạo (AI) meda brei thau cambaih dom urang ruak mbuan njauk ruak ung thư tasau glaong abih dalam 5 thun tal. Tui 1 roh duah bahrau di kapul urang bác sĩ chẩn đoán thaot binguk X-quang gah ung thư tasau di sang bac Đại học California (Mỹ) hu ba tagok tạp chí Radiology brei thau, trí tuệ nhân tạo (AI) meda brei thau cambaih dom urang ruak mbuan njauk ruak ung thư tasau glaong abih dalam 5 thun tal.  

Tuk bruk pala phun kaya di sang hu pambak praong, karja TP Seoul, Hàn Quốc, brei peih sang iek ruak iek glang phun hijao saong dom “bilik iek ruak” phun kayau. Bruk njauk biai nan lac, urang takre phun hijao hu chuyên gia tacei pato, hu iek glang phun hijao brei saoh, oh abih jien. Yaom lac bahrau tabiak mbaok di bilan 4, min bruk ngak di sang iek ruak phun hijao di Pasak Ilamu ngak nong Seoul tuk halei jeng hu taong yaom glaong./.