Di mbang Ginum biai Ilamo ngan haong kadha: jayah Chi khu Ngã năm – yaom glaong saong makna sajarah hu peih tabiak bahrau ini di tỉnh Sóc Trăng, amuk Hồ Thị Cẩm Đào, Phó Bí thư Thường trực Tỉnh ủy Sóc Trăng brei thau lac: Jayah Chi khu Ngã Năm lac bruk sajarah hu makna praong ngan haong Đảng bộ, bol lin saong rahra tỉnh Sóc Trăng, abih di nyu nan lac Đảng bộ, bol lin saong rahra huyện Thạnh Trị - Ngã Năm. Tapa ginum biai meda pabak dom kadha sajarah hu makna praong piah pabak,  pasiam veik bruk tái bản sajarah Đảng bộ tỉnh, tapa nan pamadeih tagok bruk hadah mbaok meda saong bruk ngak dalam dak padang saong khik caga taneh ia, pato pakai ilamo meng kan ka dom rai hadei.

 Sở LĐTBXH TPHCM brei thau, yaom jien thưởng kuhria rah tapa brei ka urang ngak di ban raya tuk Tết Nguyên đán thun sak tapai 2023 lac jaik 13 triệu đồng, glaong jang labaih 45% duk haong Tết thun 2022. Dalam nan yaom thưởng Tết glaong di abih lac labaih 756 triệu đồng di 1 doanh nghiệp hu phun jien negar langiu. Yaom thưởng Tết biar abih lac labaih 4,8 triệu đồng. Langiu di jien thưởng Tết, dom doanh nghiệp daok hu rilo bruk daong karei yau ye brei pandap, brei phiếu blei pandap, lì xì, alin vé radaih, brei radeih pajeng nao mai palei mbang Tết…Hu dom labik hu peih bruk nao ravang, peih payak tuk puac thun ka urang ngak oh hu jien nao palei mbang Tết.

Di ban Cần Thơ, dalam tuk Tết Nguyên đán thun sak tapai 2023, hu 578 doanh nghiệp hu kuhria thuong, 108 doanh nghiệp ka oh kuhria thuong. Yaom thuong Tết Nguyên đán glaong abih tui kuhria lac jaik 138 triệu đồng, yaom kuhria rah tapa lac 7.758.000 đồng saong yaom thuong bier abih lac 300.000 đồng. Urak ini ban Cần Thơ ka oh mboh bruk doanh nghiệp tavak jien bilan di urang ngak.

Meng akaok thun tal ini, danak dak ba pandap Việt mai palei pala hu peih ngak praong - dalam di tỉnh An Giang, dui pachreih hu labaih 150.000 mbang urang hu mbaok tame ravang iek, blei pandar, abih tih pandap pablei hu jaik 2 tỷ đồng. Daok bilan 12 ini, Sở Công Thương An Giang pambuak bruk haong dom gah, peih 18 sruh radaih pandap saong 1 mbang darak pandap Việt mai palei pala di taong abih dom puk palei, pabak rilo janih pandap siam saong yaom kaom tui danak dak khik tani tanat darak pasar.

Công an tỉnh Đồng Nai brei thau, dalam thun ini Đồng Nai hu peih bruk ngak hacih dữ liệu rahra; pataom mek khau tin, đồng bộ jak jeng dom rahra tut angan thường trú; tut angan tạm trú saong pataom mek khau tin pabak căn cước công dân jeng mek hu meng 96% tal labaih 98%. Piah ngak hu bruk ini, dom labik hu daong, ba kein lagaih, jak ba kapul pambuak haong kapul công an. Dom labik hu padang dom kapul rahra halain hatain ba raok dom urang gaok kan kandah dalam bruk nao mai nao ngak căn cước công dân.

Bol lin Nigeria pametai hu takik di abih 103 kol Boko Haram dalam dom mbang taong tame di labik Đông Bắc taneh ia ini dalam luac 3 adit tapa. Bruk srau kadau di Nigeria, taneh ia rilo menuac abih di châu Phi, daok dak harei dak khang tagok. Di gah brak saong gah kreh negar ini, kol tội phạm bhian peih bruk taong tame saong meblah mek pandap di dom puk palei, pametai rahra atau cap mek piah ndok jien laoh.

Rajaei Thụy Điển kakei dom baoh sang saong dom doanh nghiệp caga dahlau ka bruk mbuan cakak dien di bilan laar ini dalam tuk padeih phát điện di sang mac điện hạt nhân, langik biak laar saong kurang năng lượng di châu Âu. Karja ieu kakei rahra caga khik piah đài nduac pin, gom pin, kalaok ia saong pandap mbang. Dalam tuk lahik điện, dom baoh sang njauk caik tabiak sa bilik, dalam nan abih gauk dalam sang meda daok hu piah khik nhiệt. Yaom điện di Thụy Điển tagok biak glaong di dalam thun ini, dalam tuk daok huac lac Nga cacak khí đốt pablei tapa châu Âu meda ba tal kurang điện.

Dalam taneh ia Anh hu tamuh tagok yaok ratuh “gilang sưởi ấm”, labik daong ka bhap bini taneh ia ini tabiak truh dom baoh sang la-an dalam bilan brak. Dom gilang tapuk, pasak bhap bini saong labik parang iek … jeng meda ngak jeng “gilang sưởi ấm”. Tui sa pathau khan di Đại học College London, dalam vaktu 2020 - 2021 hu 63.000 urang metai kayua la-an di negar Anh saong xứ Wales, dalam nan hu 10% bhap bini oh hu jien blei pandap sưởi ấm./.