Piah jhul khang bruk patak pataom điện saong pabak điện hu salamat, tani tanat, abih di nyu nan lac tukvak tabung glong pandiak khang mbuan ba tal kurang điện kayua kurang ia di Ban raya HCM, UB bhap bini Ban raya iew dom đơn vị  jhul khang bruk pandar patak pataom điện. UB bhap bini Ban raya caong khin urang dang akaok dom sở gah, Akok UB bhap bini dom quan, huyen pambuak haong Tổng Công ty Điện lực TP.HCM patagok bruk peih ngak dom jalan tui Jalan peih ngak patak pataom điện di Ban raya  vaktu 2021-2025.

Mesup ini (18/5) Mintri jalan mbak pajeng ba hu harak brei thau ka bruk ba tame pandar 2 jalan cao tốc Nha Trang - Cam Lâm saong Vĩnh Hảo - Phan Thiết, tỉnh Bình Thuận.  Tui nan, meng mon 10 harei 19/5/2023, 2 jalan cao tốc Nha Trang - Cam Lâm (atah 49km) saong Vĩnh Hảo - Phan Thiết (atah 101km) hu peih tabiak brei ka radaih peih, nduac.  Jalan ini tok brei ka radaih ô tô peih, nduac. Radaih pajeng dom janih độc hại, mbuan khuah, patuh, tok hu brei nduac, peih angaok jalan cao tốc tuk hu harak adat di jabat hu thẩm quyền. Dom radaih hu adat peih, nduac angaok jalan ini haong tốc độ glaong  abih lac 80 km sa tuk saong takik abih lac 60 km sa tuk.

Ngak tui Kong điện 265 di  Thủ tướng Rajaei, UBND tỉnh Kiên Giang birau peih bruk ginum biai kiểm điểm bruk ngak di ong Lâm Minh Thành, AKok UBND tỉnh, AKok Mban tacei ba jalan ka bruk pacang caga dom bruk taong chap suan hukum, oh tui bruk ba tabiak saong oh khan brei thau (IUU) tỉnh Kiên Giang tui jalan  bac megru, kayua daok caik rah tabiak bruk gilai taong chap ikan  di tỉnh lih tame tasik negar langiu meng akok thun tal ini. UB bhap bini dom phường Vĩnh Bảo, Vĩnh Lạc saong UB bhap bini ban  Rạch Giá jeng hu peih ginum biai kiem diem bruk ngak di dom urang dang akok ngan haong jalan kiểm điểm piah bac ngak siam.

Mesup ini (18/5), urang pan akaok Công an ban sit Dĩ An, tỉnh Bình Dương brei thau, daok pasang iek, duah thau piah langyah bruk sau Pitbull kaik metai amuk taha umo 82 thun. Hadei di tuk drei sau pitbull kaik metai amuk taha umo 82 thun di Bình Dương, urang jakar Bilai raong glang thú y ban sit Dĩ An, tỉnh Bình Dương hu nao tal labik nan. Anak bruk biak jhak di drei sau ini, urang jakar thú y ngak brei ka nyu var drei piah công an mek mẫu inem tagei, duh ka bruk pasang iek, duah thau.  Urak ini, drei sau ini daok hu kreik dalam drung piah tui iek. 

UB bhap bini tỉnh Hậu Giang pambuak haong  Hội Tin học TP.HCM peih pakak Adit Salih pandar so saong Khởi nghiệp salih birau hadah krah - Mekong Delta 2023. Adit ini peih  ngak meng harei 18 tal harei 20/5 ngan haong 9  nyaom biai nan lac: Jhul patagok bruk Salih pandar số Khởi nghiệp salih birau hadah krah patagok kinh tế bhum Taneran kraong Cuu Long; Jalan Salih pandar so jhul pakhnag bruk karja so, hành chính cong saong đô thi thong minh…Dut saong Adit Salih pandar so Khởi nghiệp salih birau hadah krah - Mekong Delta thun 2022, asal kadha nyaom biai di Adit thun ini hu peih praong rilo gah yau: karja so; hành chính kong; đô thị thong minh; ngak nong…

Pasak pasang iek saong pacang caga jit ruak ban Bắc Kinh brei thau, meng adit ka 17 di thun 2023 (lac meng harei 24 tal harei 30/4) mai ini, dom urang njom Covid-19 yam tapa dom urang njaom ruak cúm dalam 2 adit gam gam, mai veik labik dang akaok dalam dom ruak njom mbak tui adat ba tabiak. Bilan jit cúm tapa blaoh saong dalam 2 adit tapa, dom urang njaom Covid-19 tagok jang dahlau. Dalam nan, jaik abih dom urang ruak lac njaom Covid-19 mbang camereip saong lac urang taha, praong thun, dom urang ruak njaom Covid-19 mbang ka 2 tok hu 10%, lac dam dara saong urang praong, dalam umo meng 20 tal 50 thun.                                                                      

Harei kabroi 17/5, Mentri Kinh tế Pháp brei thau sa dự luật thuế birau, tui nan rajaei taneh ia ini hu jalan brei buh meng kadung jien karja tagok tal meteh tỷ euro ka mesre jien je, piah pachreih bruk buh jien tame ngak dom gah lagiah haong alam moi truong, yau sa binah di  Chiến lược Công nghiệp Xanh. Akok Mentri Kinh tế Pháp Bruno Le Maire brei thau, Dự luật birau meda piah pachreih dom gah cong nghiep hijao, ngak tabiak pin điện saong hydro hijao, dalam nan hu năng lượng hạt nhân saong năng lượng pasiam veik. Ini lac tukvak hu makna praong piah Prang  hu jeng taneh ia palahik cacbon dang akok di  châu Âu.

Tui rilo urang Mỹ dalam mbang pasang iek di Reuters/Ipsos brei thau di harei 17-5 ndom lac bruk cakrok samar drah di kong nghe trí tuệ nhân tạo (AI) meda ngak ka harei hadei di anek menuac gaok cuang kandah. Bruk pasang iek di Reuters/Ipsos hu peih ngak tui jalan online haong 4.415 urang praong di Mỹ, meng harei 9-5 tal harei 15-5, brei mboh lac dom urang Mỹ mboh dahlau dom bruk oh siam lagaih meng AI glaong jang 3 mbang dom menuac oh mboh. Jak jeng di chatbot ChatGPT di OpenAI hu peih tabiak sa bruk nduac pakacah gauk dalam gah AI./.