UB bhap bini tinh Dong Nai ngak bruk haong dom don vi pambuak ka Danak dak jalan pasei ban sit pambuak Dong Nai ngan haong jalan pasei do thi 1- Ban raya HCM (jalan pasei radaih ndien metro ka 1). Jalan pasei atah jaik 20 km, kuhria jien buh tame jaik 30.000 ti dong, jalan padang brei peih samar 40km sa mon. Jalan peih meng labik radaih padeih F0 di jalan pasei do thi ka 1 tal xã Hố Nai 3, huyen Trảng Bom, tỉnh Đồng Nai. Taong abih jalan  hu padang ngak di mbaok taneh,  nao tapa dom labik daok di bhap bini piah tuk ba tame pandar hu lagaih siam; langiu di nan, gah chuc nang meda brei quy hoach dom labik do thi tapen jalan piah patagok hu abih kein lagaih  di jalan pasei.

Ngak tui bruk jak ba “Ba tangin tame daong gauk ngak abih baoh sang oh daok taik tahak”, thun ini, tinh Dak Lak  peih ngak 4 Danak dak padang ngak sang ka baoh sang dalam sarak karja, baoh sang kathaot, jiak kathaot di dalam tinh. Dalam nan, Kong an tinh hu mbaok tame ngak Danak dak padang birau 4.285 baoh sang ka urang kathaot, jaik kathaot, yaok baoh sang 80 trieu dong. Ini lac Danak dak daong padang ngak sang daok ka  dom urang kathaot, jaik kathaot praong abih  kuhria meng dahlau mai tal ini di Dak Lak saong kham merat jao ka bhap bini hu tame daok  dahlau harei 15/8/2025.

Tinh Binh Thuan urak daok jaik 1.500 kapal gilai oh hu atau abih tukvak pandar Sarak adat taong chap kaya ia tasik. Piah ngak sarak, brei ngak veik harak cap mek ikan  tui hukum, yam tal padeih abih bruk kapal gilai mbuan ngak suan taong  chap ikan bhum tasik di IUU, Chi cuc kaya ikan  Binh Thuan padang ngak 4 kapol nghiep vu, pambuak haong 7 bhum palei  hu tasik samar tacei pato cambaic laic, daong po kapal gilai mngak harak ho so brei veik Sarak taong chap kaya ia tasik meng ini tal harei 20 bilan 3.  

Urak ini, rilo bruk ngak tabiak baoh manuk daok gaok rilo kan kandah, yaom baoh manuk ada trun gam gam ba tal urang raong manuk ada khat lahik ralo. Yaom baoh manuk trun kayua baoh manuk dalam dom harei Tet di dom var ro raong urak ini meng ba tabiak pablei oh sumu…Rilo var raong di Dong Nai gaok kan kandah kayua baoh manuk ada daok labaih rilo. Di Ban raya HCM, baoh manuk ada labaih meng 6 tal 7 trieu baoh sa harei, dalam sa adit  padeih Tet hu labaih 50 trieu baoh manuk ada daok labaih oh pablei hu.

Dalam 2 bilan akok thun ini, TPHCM hu urang ruak pandiak tabiak darah tagok rilo jang dut haong tukvak ini 3 thun dahlau, hu labaih 3.800 mbang. Dom urang ilamo y te  kuhria caga dahlau, jit ruak thun ini meda mai samar jang saong brei kuhria caga jalan pacang caga  dahlau, ngak catang. Gah y te ban raya hu peih ngak sumu gauk  rilo jalan  pacang caga ruak njom mbak. Tui nan, taong bhat catang dom urang, kapol nyaom  oh ngak tui  dom jalan tacei ba pacang caga ruak di gah y te.

Rajaei Thai Lan daok sahaneng roh duah padang ngak sa danieng pacang meneing tapen negar Campuchia piah pacang bruk tame negar suan hukum, dalam tuk dom taneh ia kham taong tayak dom pasak pachot pagat  suan hukum dak harei dak kan thau. Dom mbang pagui mek pambak praong ngan haong dom pasak  pachot pagat jien padai rilo mbang praong di taneh ia Đông Nam Á - ASEAN tangara, abih di nyu nan lac di tapen negar Thái Lan jaik Myanmar saong Campuchia, labik hu yaok rituh  ribau urang njauk kol pagat pablei dalam dom thun jaik ini.

Jabat Vu tru hu manuac peih di Trung Quoc khan lac, thun ini, dua bruk praong bo taneh ia ini pataom tame jhul pakhang lac ba tame pandar saong patagok balai vu tru jeng yau cagar dahlau ka bruk kapal vu tru hu manuac peih  pataok trun ia Bulan dahlau di thun 2030. Mbiah tal ini, balai vutru  di Trung Quoc  brei ngak labaih 180 danak dak roh duah saong ba ilamo tame vu tru di angaok langik.

Yaom lac thun 2024 meng blaoh, urang kumei Han Quoc ndik tapui anek hu patagok, min taneh ia oh ka ngak hu siam bruk bhap bini daok takik ndik tapui. Dalam 3 thun jiak ini, yaok thun rahra negar Han Quoc trun 120.000 urang. Dalam tuk bruk ngak mbang kinh te kan kandah, jien mek tame di urang ngak trun biar yau urak ini, dom urang roh duah mboh lac, tukvak anak tal bruk takik ndik tapui anek di Han Quoc trak damah jang urak ini./.