Uranaih njauk ruak bhian tagok boh ia 

Mentri Pato megru birau patabiak jalan pasiam veik môn Lịch sử dalam danak dak pato pakai pho thong 2018. Jalan ngak nan piah peih ngak Sarak 63-  thun 2022 di Quốc hội. Mentri Pato megru brei thau, ramik ngak veik môn Lịch sử di pakat THPT hu asar bắt buộc ngan haong taong abih anek saih THPT saong hu asar kadha brei palih ruah ka anek saih hu thau dalam ka Lịch sử. Dom tổ hợp môn brei palih ruak 4 môn bac salih ka 5 mon tui bruk ba tabiak tuk camereip.

Di Nyaom biai peih bruk taong yaom bruk peih ngak Sarak 53, Kết luận 27 di Mintri Chính trị ka cak rok patagok kinh tế - xã hội saong khik tani tanat quốc phòng - an ninh bhum Đông Nam Bộ saong bhum kinh tế praong di gah Maraong tal thun 2010, pamaong tal thun 2020 di TPHCM peih tabiak di harei 12/7, Akaok mintri Kế hoạch saong đầu tư Nguyễn Chí Dũng ndom lac, TPHCM oh lac padeih di tanut patagok di 1 laik 7%-8% bo meda lac 2 laik mayah TPHCM salih abih jalan ngak kinh tế, salih bruk pamaong tal saong pataom prein tame peih ngak ka nyu siam. Min, urak ini, TPHCM daok gaok paga pacang praong abih ka cak rok patagok, nan lac bruk gar jalan mbak nao mai. Kayua yau nan ye, biak caong sarak, jalan ngak bahrau piah jhul samar bruk patagok hạ tầng jalan mbak pambuak bhum palei.

Jit ruak pandiak tabiak darah daok rah tabiak sraw kadau di dom tỉnh gah Meraong. Di tỉnh Đồng Nai urak ini hu labaih 10 ribau urang ruak saong 10 urang metai. Daok di Bình Dương harei 12/7 jeng hu sa urang metai, kuhria abih tih urang metai kayua ruak pandiak tabiak darah tagok 10 urang. Anak bruk jit ruak pandiak tabiak darah rah tabiak sraw kadau, gah y te dom tỉnh kham merat pathau khan ka bhap bini khik brei hacih alam moi truong, pakhang bruk pametai anek raok, bọ gậy. Tui nan, pachreih bhap bini juai iek lap tuk pandiak.

Tỉnh Tiền Giang bahrau padang Hợp tác xã Hươu Sao Tây Nam Bộ di xã Phú Kiết, huyện Chợ Gạo. Hợp tác xã meda pambuak  gauk saong peih praong bruk raong hươu sao dalam bhum saong paglaong prein ngak tabiak 4 pandap hu yaom glaong, yau ye: Nhung hươu tram ia danko, tapung nhung hươu, cao nhung hươu saong alak nhung hươu. Ini lac bruk pambuak gauk ngak, raong hươu piah pablei saong ngak tabiak dom pandap meng nhung hươu camriep abih di bhum taneran kraong CL.

Meng harei ini, di Tây Nam bộ meda hu ia kraong ndik, ia tasik tagok gam hangin Tây Nam mbuan ngak calah dom ar pacang saong ia dauk. Dalam tuk nan, Pasak Duk iek langik tasik pakat negar brei thau lac, ia tapen tasik Tây Nam bộ daok tagok glong saong daok tagok veik. Anak bruk nan, Jabat Thường trực Mban tacei jalan pacang caga bala meng langik tasik iew dom tỉnh Cà Mau, Kiên Giang, Sóc Trăng, Bạc Liêu caga bala praong ini. Tuk halei jeng caga manuac, radaih gilai piah samar daong tuk hu bruk jhak rah tabiak. 

Ndam metai di aruah Thủ tướng Japon Abe Shinzo hu peih tabiak di ban ine Tokyo di bier harei 12/7. Bruk pahadar jeng hu peih tabiak di tỉnh Yamaguchi, palei di ong Abe, jang yau di rilo tinh, ban karei di Japon. Dahlau di harei ngak ndam metai, rajaei Japon hu pok brei Huân chương Hoa cúc, Huân chương glaong abih di Japon, piah pok angan aruah Thủ tướng Abe Shinzo. Bruk pahadar aruah Thủ tướng Abe Shinzo daok hu peih tabiak di harei ini di rilo tinh, ban.

Dom Akaok mentri jien padai di Liên minh châu Âu (EU) hu mbaoh tangin tame harak ka bruk brei Croatia jeng taneh ia ka 20 di bhum pandar jien châu Âu -  Eurozone, meng harei 01/01/2023. Phaok Akok UB châu Âu ndom lac, bruk tame pandar đồng tiền chung châu Âu meda ba mai rilo kien laba ka Croatia. Taneh ia ini mbuan pachreih urang buh jien tame ngak mbang jang, tui nan daong pagrap tanat jien laba, ba mbuan lagaih ka bruk cak rok patagok meng bruk hu tame darak pasar di châu Âu.

Campuchia hu mboh urang njauk ruak 2 biến thể phụ BA.4 saong BA.5 dalam abih tih jaik 100 urang bahrau njauk ruak Covid-19 dalam 2 adit tapa. Meng prein njom pambak samar drah saong bruk mbuan njom veik glaong di 2 biến thể phụ ini, Mintri Y tế Campuchia hu jak ba bhap bini paglaong dom bruk pacang caga jit ruak Covid-19, plaih ka jit ruak njom mbak tabiak rilo urang karei. Min, Mintri Y tế Campuchia urak ini jeng ka oh brei thau cambaih dom urang njom ruak, jang yau dom labik duah mboh dua biến thể phụ BA.4 saong BA.5./.

Urang lang: Thu Thảo -Ái Nghiêm -13/7