Rilo tatua hu padang ngak di bhum atah bayah 

Akaok Mintri jalan mbak, pajeng ba Nguyễn Văn Thể tui ủy quyen di Thủ tướng rajaei hu mbaoh tangin pok tagok QH harak pathau khan roh duah bruk meda ngak hu danak dak padang ngak jalan cao tốc Biên Hòa - Vũng Tàu (tukvak 1). Danak dak hu peih ngak meng labik cakak tapa jalan plaih di jalan Roya 1 di Ban Biên Hòa, tỉnh Đồng Nai; labik puac cakak haong jalan roya 56 ban Bà Rịa, tỉnh Bà Rịa - Vũng Tàu. Jalan atah abih tih jaik 54 km, praong meng 6-8 jalan radaih. Tui kuhria hu peih ngak di thun 2023, hu ngak salah di thun 2025.

Kadung  jien  xã hội ngak pahla  Hatai meh -Tổng Liên đoàn Lao động Việt Nam, Liên đoàn Lao động ban  Cần Thơ song  UBND huyện Phong Điền bahrau pambuak gauk peih bruk padang ngak  bahrau  song ngak pasiam  3 tatua palei pala  pambuak pagam dom jalan nao mai di  huyện Phong Điền song huyện Châu Thành A (tỉnh Hậu Giang). Abih tih pok jien padang ngak lac  1tỷ meteh, tui kuhria hu ngak salah bloh song ba tame pandar hadei di 3 bilan padang ngak.

Dalam tỉnh Long An hu labaih 900 doanh nghiệp hu mbaok tame bruk pablei tabiak negar langiu, dalam nan hu 317 doanh nghiệp hu jien buh tame meng negar langiu. Dom pandap panda pablei tabiak negar langiu hu biak rilo janih yau ye brah, asar pa-aok blait, kaya tasik, thanh long, kruac aih oh hu asal, pandap jhik manyim, pandap cơ khí, jamraik ngak nong… Piah hu mbaok tame yaom glaong di bruk ngak pandap panda pablei tabiak dunya, tukvak anak tal, tỉnh Long An meda patagok bruk brei thau ka darak pasa tal doanh nghiệp piah paglaong prein maraik gauk dalam bruk ngak tabiak pandap panda.

Harei ni, Tòa án bhap bini pakat glaong di ban raya HCM langyah  phúc thẩm ngan song urang dahlau deih ngak Phó Bí thư Thường trực Thành ủy ban raya .HCM Tất Thành Cang song dom đồng phạm, pagam tal bruk ngak suan rah tabiak di  Công ty Cổ phần patagok  Nam Sài Gòn - Sadeco.  Dahlau di nan, dalam bilan  1/2022, TAND ban raya .HCM hu langyah  sơ thẩm, kaoh ong  Tất Thành Cang 10 thun guk  ka duas “Ngak suan hukum ka bruk khik ramik, pandar drap ar karja  ngak khat lahik, palai pajoa”.

Piah rik daong pathau khan bruk SEA Games 31 tal rilo manuac sia, Mintri Thông tin saong Truyền thông hu ba tabiak paok tem "Harei pataom Thể thao Đông Nam Á mbang ka 31 - SEA Games 31". Paok tem yaih khan dom môn thể thao hu prein khang di Việt Nam yau ye: Điền kinh; cuh phao, caluai ia; Thể dục dụng cụ; caoh mbanh, dit blaong… Nền tem hu ngak dreih yau baoh sang ASEAN daok angaok jalan yam tal ginup meda saong cak rok patagok. 

Urang brei panuac di  điện Krem-lin Dmitry Peskov hu pok sap  tah klaak dom panuac ndom lac, Tổng thống Nga dok kuhria ba tabiak panuac mesruh metak song  Ucraina, gam song nan hu panuac ieu tổng động viên dalam harei  9/5, piah pahadar harei  jayah  phát xít dalam mbang mesruh gauk di dunya  mbang ka 2. Urak ni, bruk bo Nga dok sangka lac  Nga cagar veik yau habar haong  bruk  cấm vận anak tal di  Liên minh châu Âu pamaong tame gah xăng menyek di taneh ia ni.

Dalam kham marat pacang caga lạm phát trak damak abih di Mỹ dalam 40 thun tapa, Cục khik caga liên bang Mỹ hu tagok yaom jien laba jang 0,5%, mbang camriep kuhria meng thun 2000. Dom bruk pacang cakak kayua Covid-19 di Trung Quốc daok ngak brei klaih klaoh bruk pabak, langiu di bruk sarau kadhau di Ukraine  daok ngak brei trak damak jang bruk lạm phát saong naong trak ka bruk kinh tế.

Meng gah merong  Ethiopia tal gah brak Kenya song Somalia, dom bhum taneh di bhum takaiy châu Phi dok dang anak bruk pandiak bhang trak abih dalam 40 thun tapa, ngak ka  20 triệu urang mbuan si kurang pandap mbang biak trak.Dalam bhum hu labaih  1 triệu urang klaak sang danaok kayua kurang ia, takik di abih  3 triệu drei athur rong metai. Tui dom chuyên gia, langiu di langik jhak  ye bruk mesruh gauk di  Ukraine ngak patrun dom pok jien dong di dunya ka bhum tanerh ni./. 

Urang lang: Thu Thảo -Hanipha- 5/5