Cục Khik iek urang ngak negar langiu, Mentri LĐ, TB saong XH birau tabiak sarak kakei bruk pachot pagat urang caong nao ngak bruk negar langiu. Dom urang pachot pagat mek angan doanh nghiep jaik dreih dom doanh nghiep jitvu hu harak adat ngak bruk.  Abih di nyu, dom tai khoan hu taduan jien pachot pagat hu angan dreih yau angan urang dang akok doanh nghiep biak biai, ngak brei urang jia tame. Meng nan, Cuc Khik iek urang ngak negar langiu kakei dom urang caong nao ngak bruk negar langiu brei pambuak tapak haong doanh nghiep jitvu hu brei harak adat  atau jabat di bhum palei.  

Dalam luac 7 thun tapa, Kapul Kinh te – Quoc phong 778 hu alin hadiah jaik 300 baoh sang “Uranam bol lin haong rahra” ba mai raidiuk tani tanat ka rahra bhum tapen negar Binh Phuoc. Yaok baoh sang praong jaik 45m², ramik ginup ndien, ia hacih. Meng ini tal Tet Nguyen dan, 27 baoh sang bahrau patui veik hu alin hadiah ka mikva. Dom baoh sang siam praong tui nan bo hu padang yau 1 labik do thi kreh bhum tapen negar, oh lac tani tanat raidiuk ka mikva bo daok padang hu hatai rahra khang kajap. Hatai uranam bol lin haong rahra meng nan bo dak harei dak pambuak pagam.

UB bhap bini ban Cần Thơ birau ba tabiak bruk peih mbang pakacah tabung glong “500 harei melam pakacah ngak salah 3.000 km jalan peih radaih drak samar”. Bruk peih ngak piah patagok prein khang di gah chinh tri, dom jabat, gah, urang pambuak tal dalam bruk peih ngak dom danak dak, bruk ngak di danak dak saong dom bhap bini pakacah rik tame peih ngak jayak bruk salah 3.000km jalan peih drah samar dahlau di harei 31-12-2025 tui Sarak Nyaom roya pakat negar  mbang XIII di Đảng.

Tinh Lam Dong pajadrah dom jabat, dom kapul hu pambuak jhul samar bruk ngak piah salah blaoh bruk oh daok labaih 1.000 sang taik tahak dalam thun ini piah daong urang kathaot. Tal tukvak ini, danak dak ba gauk ngak brei oh daok sang taik tahak di tinh Lam Dong, taduan hu bruk ngak tui di rilo kapul, urang, doanh nghiep rik daong, hu abih tik jien taduan hu labaih 45 ty dong. Paok jien ini khik kajap bruk brei oh daok sang taik tahak dalam thun ini tui njauk jalan ngak ba tabiak.

Urak ini, yaom kruac di ĐBSCL trun gam, tok hu labaih 2.000 tal 4.000 đồng sa kilo. Piah trun jien, urang ngak nong caik phun tabiak baoh eng, takik brei tabiak baoh karei bilan, min oh pablei hu ba tal bruk daok kandong labaih. Daok rah tabiak nan lac kayua tuk yaom kruac tagok glong, yau nan ye bhap bini salih pala padai tapa pala kruac. Yau nan ye, taneh pala kruac di bhum taneran kraong Cuu Long tagok samar min oh pablei hu karo kayua ngak tabiak rilo bruk urang caong blei ba tal trun yaom, urang pala having akaok.

Labaih 500.000 anek saih Han Quoc harei ini hu mbaok tame mbang pakacah pilih ruah đại học yaok thun. Mbang pakacah pilih ruah đại học di Hàn Quốc hu meraik gauk catang ngan haong rilo anek saih trung học, kayua njauk pilih ruah tame sang bac hu angan jie hu maong lac sa kein lagaih piah khik kajap hu 1 dalam dom bruk ngak siam dalam harei hadei. Piah daong patakik gak gar jalan, darak pasar chung khoan harei ini hu peih mbang kadun veik 1 mon piah anek saih meda mai tal bilik pakacah njauk tukvak.

Rajaei Philippines khan brei thau meda oh pacang caga meyah Tổng thống dahlau diah Rodrigo Duterte caong hu tabiak javap calei di Tòa án Hình sự Quốc tế (ICC) saong Rajaei brei ngak tui hukum chap mek ong Duterte pambuak tal bruk pacang  caga matuy dalam vaktu ong Duterte ngak Tổng thống meng thun 2016 - 2022. Tui yaok kuhria, labaih 6.200 urang metai dalam dom mbang pacang caga matuy di jaman Tổng thống dahlau diah Duterte.

Dua Thống đốc bang Illinois saong Colorado di Mỹ brei thau bruk padang sa liên minh dalam nan hu thống đốc saong taong chưởng lý dom bang sit kayua Ndang Dân chủ pan piah cagar veik sarak di Tong thong bahrau ong Donald Trump. Liên minh ini kuhria brei cagar veik dom sarak di ong Trump, meng asal kadha urang negar langiu mai daok tal bruk atah klak dom jalan pacang khik caga alam langik tasik. Min, dom thống đốc di ndang Dân chủ oh ndom cambaih laih hu kakei tanat piah ngak dalam tukvak anak tal./.