Kapol Urang kumei Viet Nam birau peih ngak Danak dak meyaom akaok kapol urang kumei di pakat co so naih joi dalam negar mbang ka 3 thun 2023 ngan haong kadha “Dom boah bingu bilan 10”. 293 urang akok kapol nyaom urang kumei pakat cơ sở hu meyaom thun ini lac dom urang jakar ngak bruk niah joi dalam bruk hoi saong bruk jak ba urang kumei, urang lambaok ka labaih 14.000 urang akaok kapol kumei cơ sở. Dom adei sa-ai peih ngak jaik 17.000 bruk padang ngak palei pala birau, ilamu padang baoh snag haniem phol, patagok kinh te, jaik 20.000 uranaih metui hu pambuak bruk iek glang dalam danak dak “ Amaik raong”…

Harei ini (20/10), 82 gu dam dara urang ngak di TP.HCM ngak lakhah haong gauk. Ini lac mbang ka 14, Thành đoàn, Pasak daong dam dara urang ngak TP.HCM daong peih bruk ngak lakhah haong gauk. Sa-ai Lê Hoàng Minh, Yam ndok Pasak daong dam dara urang ngak ban raya brei thau, dam dara urang ngak daok ngak bruk di TP.HCM, gaok rilo kan kandah, nan ye piah ngak lakhah lac bruk oh mbuan. Kayua yau nan ye, Thành đoàn caong ngak bruk ini, piah pachreih urang dak padang baoh sang haniem phul saong rik daong tame bruk cakrok di labik drei daok, di Cty drei daok ngak bruk.

Meng mong 8 tuk page ini 20/10, gah radaih pui peih bruk palei harak vé Tet Nguyen dan Giap Thìn 2024 peih praong ka tuai damuai tui rilo jalan. Tet thun ini, gah jalan radaih pui peih labaih 390 mbang radaih, sumu haong 200.000 ghe ka dom radaih peih meng Ban raya HCM nao Hà Nội saong mai veik. Harak ve Tet thun ini tagok meng 1 tal 4% dut saong thun dahlau, dalam nan jalan peih meng TPHCM tal Ha Noi harei tabung glong tuk Tet yaom ve glong abih lac 2,9 trieu dong, biar abih lac 1,9 trieu dong yaok sa ve. Tuai damuai meda blei ve tapak di dom mblang radiah pui, labik pablei ve saong dom đại lý pablei ve di gah radaih pui.

Kapul ngak bruk hu dom gah lac: Bộ Tư lệnh Cảnh sát biển Việt Nam, Bộ đội Biên phòng saong Chi cục Thủy sản tỉnh Bà Rịa – Vũng Tàu hu nao gaok tapak dom kapal gilai ikan, taom dom thuyền trưởng, dom urang nao kapal gilai piah pathau khan adat hukum brei urang taong ikan daok di dom pabah lamnge di TP. Vũng Tàu. Bruk ngak ini piah paglaong siam mekre dalam bruk pathau khan, brei thau adat hukum ka an ninh saong khik caga quyền ngak po tasik, pulao, pacang taong cap kaya ikan suan hukum, oh pathau khan saong oh tui adat hukum IUU.

Takai tasik di tỉnh Cà Mau daok glut jaleih labaih 89km; glut jaleih takai kraong labaih 425 km mbaih mbaoh karei di gauk, dalam nan hu labaih 120 km glut jaleih trak ba tal bala. Anak bruk nan, ong Huỳnh Quốc Việt, Akok UB bhap bini tỉnh Cà Mau caong khin: T.Ư samar hu jalan, sarak karei ka bruk pachreih urang buh jien tame ngak hu lagaih haong dom tỉnh tapen tasik piah pasiam bruk glut jaleih takai kraong, takai tasik, takik kan kandah kayua BĐKH saong patagok glai, khik tani tanat raidiuk ka bhap bini di labik tapen tasik. Meyah oh langyah tal labik, ye khut khat meda ralo jang, kan pasiam veik.

Akaok Mintri Quốc phòng bahrau di Hàn Quốc lac ong Shin Won-sik bahrau hu mbang ndom biai tapa phone haong Akaok Mintri Quốc phòng Mỹ Lloyd Austin piah ginum biai ka kham merat di dom gah piah pacang cakak bruk đe dọa hạt nhân saong tên lửa di Triều Tiên. Tapa nan, dua gah mboh lac njauk khik bruk pacang caga piah pacang cakak saong cagar veik dom bruk đe dọa hạt nhân saong tên lửa di Triều Tiên. Dua gah jeng ndom lac daok brei peih praong talei pambuak bruk an ninh di Hàn Quốc, Mỹ saong Nhật Bản tui sanya di dom urang pan akaok 3 gah mek hu di bilan 8 di Trại David.

Philippines brei bei tame 295 .000 tấn brah mbong bhian meng Ấn Độ hadei di tuk Rajaei Ấn Độ khan lac brei pablei brah nan tabiak negar langiu lac dom taneh ia gaok kan kandah kurang brah mbang. Gah Ấn Độ brei thau, bruk taneh ia pablei brah mbong tabiak Philippines hu peih ngak tui caong khin di urang jakar ngak praong, brei mboh bruk cak rok patagok dalam bruk pambuak talei rohim dua gah. Bilan 7 meng blaoh, Ấn Độ lac taneh ia pablei brah tabiak negar langiu ralo abih di dunya njauk pakauk pablei brah mbong patih piah caga bruk kurang brah mbang dalam taneh ia.

Akaok Mintri Nội vụ Prang brei thau lac hu dalam tangin harak hồ sơ di labaih 1.000 uranaih vị thành niên “ngak bruk” tui chủ nghĩa Hồi giáo di Prang. Ong Darmanin jeng brei thau lac meng thun 2017 tal ini, dalam yaok 2 bilan, Prang pacang cakak hu sa bruk tấn công tui jalan khủng bố. Urak ini Prang hu cap khik labaih 1.500 menuac pambuak tal dom bruk khủng bố. 6.500 urang urak ini daok hu tui iek catang yaok thun. 20 rabau menuac daok hu pagui duah kayua nao tui kol khủng bố, dalam nan hu labaih 5.000 menuac daok ngak bruk abih drei