Rilo kadha mek hu giai thuong dalam mbang ni 

Di “Nyaom biai haong dom urang buh jien tame ngak mbang piah pataom mek panuac,  ba tabiak dom jalan ngak piah cak rok patagok kinh tế - xã hội ban raya tal thun 2030” kayua UBND TPHCM peih tabiak di dah page ini, Phó Bí thư Thường trực Thành ủy, akaok UBND TPHCM Phan Văn Mãi ndem lac, ban raya hu ba tabiak jalan ngak lagaih tapa asal kadha thun 2022 di ban raya “raidiuk siam lagaih, pasang iek hu jit Covid-19, patui viek paglaong chất lượng padang ngak rajaei đô thị, ngak pasiam alam môi trường buh tame, pambuak gam haong doanh nghiệp”. Kayua yau nan ye, mbang ginum biai ini lac tukvak piah ka urang oar akaok pang dom panuac likau, ba tabiak meng gah doanh nghiệp, dom urang buh jien tame. Meng nan, hu dom sarak daong samu piah pachrieh dom doanh nghiệp yam tapa kan kandah gam cak rok patagok khang kajap.

Kapul dam dara CS Hồ Chí Minh pakat negar bahrau peih jao giải bruk pakacah  paneh ka Nyaom roya Kapul dam dara pakat negar mbang ka 12 song brei thau ka biểu trưng Nyaom roya.Hadei di labaih sa bilan peih tabiak, bruk pakacah pachreih hu labaih 200 tác giả song  368 kadha payua mai pakacah. MBan peih bruk hu palih ruah jao  sa  giải Nhất, sa giải Nhì, sa giải Ba, 4 giải Khuyến khích. Dalam nan, giải Nhất hu jao brei kadha di  tác giả Vũ Hồng Quân, daok di  Hà Nội.  Tui  Bí thư  Kapul dam dara CSHCM pakat negar Nguyễn Tường Lâm: Logo mek hu  giải nhất meda lac biểu trưng chính thức di Nyaom roya kapul dam dara pakat negar mbang ka 12 song hu pathau khan angaok dom jalan truyền thông  song  nền tảng số meng harei ni.

Urak ini hu yaok rituh glai taong ikan di tỉnh Bà Rịa - Vũng Tàu daok di ar ka oh tabiak tasik piah taong kaya tasik kayua yaom menyek tagok glaong, ngak ka rilo urang taong ikan laik tame kan kandah. Di xã Bình Châu, huyện Xuyên Mộc hu labaih 250 glai taong ikan atah ar tasik di 2 labik taong ikan lac Hoàng Sa-Trường Sa, min hu labaih 60% dom glai taong ikan jeng daok di ar. Dom sruh glai ye taong chap hasit piah trun manieng jien buh tame ka xang menyek. Tỉnh Bà Rịa - Vũng Tàu hu jaik 6.000 glai taong ikan saong yaok pilih ribau urang ngak mbang meng bruk nao tasik. Kayua yau nan ye, bhap bini daok caong yaok harei ka yaom xang menyek trun piah ka bruk ngak mbang hu siam lagaih.

Anak bruk arieng rong pambuak gauk dalam danao hadang metai biak rilo, ngak khat lahik ka urang nong, akaok  UBND tỉnh Cà Mau tacei pato dom jabat pambuak tal samar pasang iek, pasiam veik bruk ni. Gam hong nan, brei patagok bruk tacei pato bhap bini dom jalan iek glang, pacang caga jit ruak  angaok kaya ikan rong, piah patrun khat lahik tal tanut bier di abih. Arieng tasik lac  pandap mbang hu angan je di  tỉnh Cà Mau, abih di nyu nan lac arieng Năm Căn, lac bruk ngak mbang duah jien di yaok ribau boh sang urang nong. Kayua yau nan ye, bruk arieng rong metai biak samar dok ba mai rilo khat lahik song duh hatai ka mikva  .

Tukvak tapa, rilo jabat báo chí saong mạng xã hội hu khan brei thau bruk rapiek rapai di angaok radaih buýt. Tui urang lambaok di Sở jalan mbak TPHCM, bruk pacang caga rabiek rapai daok hu peih tabiak gam gam. Jaik abih dom sruh radaih buýt daok peih nduac jeng hu pagam 4 camera piah pasang iek bruk peih radaih di jalan saong an ninh, trật tự. Di dom sang cang, bảng quảng cáo di mblang radaih jeng hu camera pasang iek piah khik tani tanat salamat ka tuai damuai. Jabat Cảnh sát Hình sự, Công an TPHCM jeng hu pathau khan laik phone jalan pandiak lac: 0981960202 piah taduan saong langyah dom bruk pathau khan di bhap bini ka bruk an ninh yau ye njauk rabiek rabai, co klaik angaok radaih buýt.   

Mintri Ngoại giao Nga hu ieu Đại sứ Mỹ John Sullivan mai piah jao công hàm cagar veik bruk Tổng thống Mỹ pandar dom panuac biak trak  damak tuk ndom tal ong  Putin kayua bruk quân sự di  Nga peih tabiak di Ukraine. Mintri Ngoại giao Nga ndom lac, dom panuac ndom puac di urang dang akaok Nhà Trắng daok ngak brei talei rohim  Nga - Mỹ mbuan klaoh. Gam song nan, hu panuac lac dom bruk thù địch cagar veik Nga njauk pabak veik biak khang. Brei panuac anak bruk nan di Nga, Urang brei panuac di Mintri  Ngoại giao Mỹ brei thau lac Mỹ song Nga jeng daok khik jalan ndom nyai nao mai.     

Dunya daok takik caik hatai tal bala di langik tasik. Ini lac panuac hu Tổng thư ký Liên hợp quốc (LHQ) ba tabiak di harei kabroi (21/3). Tổng thư ký LHQ brei thau, bruk ba tabiak lac patakik tagok nhiệt độ di dunya daok di tanut 1,5 độ C tui Hiệp định Paris ka bruk biến đổi khí hậu daok tapa nao. Bruk ini daok jhak jang tuk kurang dom ý chí chính trị, bruk pataom tame di dom taneh ia. urang dang akaok LHQ jeng brei thau lac, bruk pasiam viek hadei di tuk abih jit COVID-19 "oh samu gauk lac sa bruk biak haduh hatai” saong dunya daok klaak tapa rilo mbuan lagaih piah patagok bruk salih tapa năng lượng sạch.

Gấu túi Koala dalam mblang bein Awaji di tỉnh Hyogo, Japon bahrau hu harak kỷ lục Guiness dunya pok brei  angan lac gấu túi taha abih di dunya  hu rong langiu langik. Midori ndih tapui harei 1/2/1997 di  Australia song hu payua tal Japon di thun 2003. Tui kuhria, gấu túi meda duik hu meng  15 tal 16 thun , Min, Midori urak ini  25 thun, tapa atah umo thun di gấu túi, Tui dom urang ngak di mblang bein Awaji, umo di Midori meda mong lac samu song sa urang labaih 120 thun. Urak ni, Midori gam gam hu pasang iek pren yava tui njauk tukvak ba tabiak./.

Urang lang: Thu Thảo -Hanipha- 22/3