Kapul ngak bruk di Uỷ ban Trung ương MTTQ Việt Nam bahrau mai rivang, alin pandap saong tadhau ayuh tết meng kan Chôl Chnăm Thmây di mikva bangsa Khmer thun 2023 di tỉnh Sóc Trăng. Di dom labik nao rivang, amuk Nguyễn Thị Thu Hà, Phó akaok - Tổng thư ký Uỷ ban Trung ương MT negar Việt Nam jia lac, dom ong bhik, Achar haong taong abih mikva Khmer daok patagok dom yaom glaong mengkan jumpataom gauk, anit ranam taneh ia, bac magru saong ngak tui jalan hadah krah siam mekre di Chủ tịch Hồ Chí Minh, sa hatung hatai haong gauk, gam haong mikva dom bangsa dalam tỉnh ngak hu jayah dom bruk kinh tế - xã hội. Gam haong nan jeng caong dom urang par akaok tỉnh Sóc Trăng daok sangka peih ngak hu siam lagaih dom jalan ngak, sarak di Đảng ngan haong mikva bangsa takik, dalam nan hu mikva Khmer.

Jabat Patagok Dunya Hoa Kỳ (USAID) haong Miuyim inem mek mesruh metak bahrau mbaoh tangin tame harak kanal hadar ka bruk daong parang iek pambuak gauk pasiam veik dom khut khat meng mesruh metak. Tui nan, dua jabat ini ba gauk padang ngak sa bilik parang iek ka dom kham merat di dua taneh ia dalam bruk pasiam veik dom khut lahik di mesruh metak. Bilik parang iek di Miuyim inem mek mesruh metak, hu daong khan brei thau dom dalikan ka dom kham merat langyah ba brei njauk gauk hadei di mesruh metak bo bol bhap rahra daok takik thau tal. Bilik parang iek hu peih pakak di thun 2025, di tuk pahadar 30 thun pasiam veik talei pambuak bruk ngoại giao di Việt Nam haong Hoa Kỳ.

UBND TP.HCM hu harak payua samar drah tal dom tỉnh Bình Dương, Bình Phước saong Tây Ninh sangka tal saong samar drah hu jalan brei adat peih bruk mek cuah padang ngak, cuah tuh nền di labik kraong Dầu Tiếng piah pabak ka Danak dak jalan Vành đai 3 TP.HCM. Tui UBND TP.HCM, tapa pasang iek, urak ini patau padang ngak, cuh piah ngak saong cuah tuh mbaok jalan hu pabak ka danak dak. Min, bruk cuh tuh jalan daok gaok rilo kan kandah dalam bruk duah labik pabak brei. Vành đai 3 TP.HCM atah abih tih 76 km tapa TP.HCM; Đồng Nai; Bình Dương; Long An. Danak dak meda hu peih ngak di bilan 6/2023.

Hadei di sa tukvak kandang joa, bahrau ini, mboh hu veik bruk dom ghe gilai njuk mek cuah suan adat hukum di labik jaik takai tatua Rạch Miễu. Bruk nan meda pambak tal takai tatua, suai lavik meda ngak brei tatua Rạch Miễu oh daok khik hu salamat. Anak bruk ini, Cty TNHH BOT tatua Rạch Miễu hu pok panuac ieu công an 2 tỉnh: Tiền Giang haong Bến Tre brei menuac di drei gam gam khik iek di labik tatua Rạch Miễu piah pacang cakak, jhul kadun likuk bruk njuk mek cuah suan adat hukum dalam labik khik caga salamat tatua Rạch Miễu. 

Langik pandiak bhang biak khang di rilo labik jeng daok rahtabiak di dom tỉnh Đông Nam bộ saong dom tỉnh miền Tây. Langik pandiak meng 35 tal 37 độ C. Tukvak pandiak glaong abih dalam harei meng maong 12 tal maong 4 bier harei. Nhiệt độ glaong saong độ ẩm bier 35 - 50% ngak ka pandiak khang jang saong kan kandah. Meda lac mbuan ba tal bruk lahik ia, glaih glar, đột quỵ kayua sốc nhiệt ngan haong dom urang gaok suai haong nhiệt độ glaong di mala langik pandiak. Tui jabat kuhria mboh dahlau bruk langik tasik gah maraong kuhria lac: langik pandiak rahtabiak di rilo labik meda dui atah tal 15.4, meng 16.4 mbang pandiak ini meda tamat. Taeng di dom tỉnh miền Tây meda hu hajan rabuk.

Di Thái Lan, labaih 2 triệu cử tri hu ginup paka piah nao buh phiếu, dalam nan hu labaih 111.000 urang daok di negar langiu, hu tut angan buh phiếu dahlau di harei 7/5 tal, sa adit dahlau di tuk Tổng tuyển cử hu peih tabiak dalam taneh ia harei 14/5. Ủy ban Bầu cử Thái Lan daok samar langyah bruk tavak tavaiy tapa rilo jalan ngak karei di gauk, dalam nan hu bruk taom gaok tapak haong dom menuac oh ka ngak salah bruk tut angan piah pataom mek thông tin daok kurang. Dom cử tri tut angan buh phiếu dahlau tui kuhria meda samu yau dalam mbang pilih thun 2019 lac 2 triệu 600 rabau cử tri.

Tui pathau khan meng yaok pataom ka bruk eik lipa di Hàn Quốc thun 2022, dom baoh sang oh hu diuk, oh hu pasang hu jien mek tame biar jang kuhria rah btapa dalam taneh ia dalam thun 2020 tagok tal labaih 47,2% rahra. Bruk ini glaong jang 3 mbang dut saong dom urang kan kathaot dalam abih tih rahra. Cục Yaok pataom di Hàn Quốc brei thau lac, dom baoh sang sang oh hu diuk pasang di taneh ia ini tagok samar dalam rilo thun ini mai, tagok tal 716,6 triệu di thun 2021. Tui roh duah jeng mboh lac, dom baoh sang kan kathaot tagok glaong dut saong urang taha oh hu gauk gar. Labaih 72% urang labaih umo 65 thun raidiuk sa drei jar di Hàn Quốc hu jien mek tame takik jang tui kuhria di taneh ia.

Cảnh sát giao thông Nigeria brei thau, takik di abih 15 urang metai hadei di tuk sa sruh radaih buýt saong sa sruh radaih pajeng pandap ginuh tapak tame gauk di mangaok jalan cao tốc rilo radaih di gah meraong negar ini harei 9/4 tui mon di pak nan. Sa dalam dom makna ba tal bala lac kayua sa urang peih radaih teik vah tuk daok peih radaih. Di Nigeria bhian rah tabiak dom bala radaih ginuh gauk metai menuac, makna bhian lac kayua jalan mbak oh siam saong urang peih radaih oh tani tanat.