Tui kuhria bier harei sup ini (13/2), Kapul ngak bruk Quân đội bhap bini Việt Nam meda nao tal labik rahtabiak bala saong peih bruk daong duah urang njauk bala magei baoh taneh di Thổ Nhĩ Kỹ. Dahlau di nan, kapul ngak bruk hu 76 urang di Quân đội Bhap bini Việt Nam hu tagok sruh kapar haoh hu angan TK165 di hãng kapar haoh Thổ Nhĩ Kỳ piah hu mbaok tame bruk daong duah urang njauk bala  magei baoh taneh di taneh ia ini. Kapul ba tui labaih 42 tấn pandap panda chuyên dụng saong pandap mbang menyum ginup brei kapul ngak bruk dalam 1 bilan.

Mesup ini (13/01), di Sang Quốc hội, peih mbang nyaom ka 20 di UBTVQH, mbang nyaom rah tabiak dalam 3 harei. Di mbang nyaom ini, UBTVQH pasang iek, brei panuac ka rilo asal kadha praong daok hu rilo panuac karei di gauk di dom danak dak Hukum nan lac: Hukum Phòng thủ dân sự; Hukum khik caga quyền lợi urang blei pandar (pasiam veik); Hukum Giao dịch điện tử (pasiam veik); dự thảo Sarak khik caga dữ liệu cá nhân…Daok dom bruk KTXH, UBTVQH brei pasang iek bruk jao danh mục saong phun jien brei ka bruk ngak di danak dak pasiam saong patagok KTXH (mbang 2).

Brei panuac di tuk peih mbaok harei pataom “Sắc xuân grauk labik dalam taneh ia” thun 2023 hu peih tabiak di Palei ilamo - Du lịch dom bangsa Việt Nam, Quyền akaok negar Võ Thị Ánh Xuân ndom lac: "Ilamo dom bangsa Việt Nam ndung mbak hadah krah, eng drei hu, gam yasa, gam rilo janih”. Việt Nam lac sa taneh ia hu rilo bangsa, yaok bangsa hu sajarah cak rok patagok, ilamo karei di gauk, ngak jeng sa bruk yau gauk dalam bruk parilo di rahra dom bangsa Việt Nam. Dalam bruk dak padang cách mạng, salih bahrau saong cak rok patagok taneh ia, Đảng saong Kanja drei tuk halei jeng iek praong labik dang, bruk ngak di ilamo, abih di nyu nan lac ilamo dom bangsa Việt Nam.

Peih ngak sarak brei ka urang hu angan je dalam bhap bini bangsa takik, thun 2022, mBan Bangsa tỉnh Đồng Nai hu pambuak bruk haong UBND dom puk palei dalam tỉnh peih bruk taom mbaok saong alin hadiah pandap di tuk Tết Nguyên đán brei ka labaih 200 urang hu angan je dalam tỉnh; peih 3 tal pasram paglaong ilamu ngak bruk bnagsa. Abih di nyu nan lac, mBan Bangsa tỉnh hu daong ka UBND tỉnh pok tagok HĐND tỉnh brei tapa Sarak tacei bruk daong urang hu angan je dalam bhap bini bangsa takik, pabak bruk brei thau, brei Báo Bangsa saong Patagok, Báo Đồng Nai ka urang hu angan je tui quy định; padang 2 kapul ka 50 urang hu angan je nao bac megru klah rabha ilamu di Tây nguyên saong Tây Nam bộ; daong jien padai pandap panda, pachreih ba urang hu angan je…

Urang nong tỉnh Sóc Trăng daok ba gauk ngak pasiam taneh piah pala njam patam ka dom vu hadei di dalam thun. Thun 2023, tui jalan ba tabiak mblang pala njam patam saong phun cong nghiep katut harei di dalam tỉnh lac 47.000ha, kuhria tal tukvak ini hu pala labaih 15.000ha njam patam dom janih. Gah ngak nong Sóc Trăng kakei lac, urang nong njauk nao rivang iek puh cakak yaok harei, pandar dom ilamo kỹ thuật di bruk pala njam patam, paglaong bruk pandar khak hữu cơ, dom janih jru hu asal sinh học piah gam ngak pasiam taneh, khik caga alam môi trường gam tani tanat chất lượng njam patam, trun phun jien buh tame ngak.

Thụy Điển bahrau palai klaak jaik 8,5 triệu mbang vắc-xin caga COVID-19. Tui yaok pataom di Jabat y tế công cộng Thụy Điển, dom vắc-xin palai klaak samu 20% dom vắc-xin bo taneh ia ini blei. Ong Richard Bergstrom, urang dahlau daih ngak bruk iek gah vắc-xin negar Thụy Điển brei thau, abih tih yaom di dom vắc-xin njauk palai klaak lac jaik 143 triệu đô la Mỹ. Dom vắc-xin nan njauk ba nao palai klaak kayua rahra oh nao klauk mbang ka 3, mbang ka 4, atau mbang ka 5 rilo yau kuhria mboh dahlau.

Yaom lac hu rilo panuac lac papar sap dak lahik nao saong oh hu rai ranaih sangka tal, dalam dom jalan brei thau, papar sap jeng daok lac jalan hu rilo manuac  tui pang di abih saong lac jalan yaih khan siam abih. Dom paka brei mboh papar sap jeng daok lac jalan brei thau praong saong hu pandar rilo di rai ranaih daok pak Mỹ. Dom paka brei mboh lac urang Mỹ pang rayo jang pandar Facebook yaok adit; 55% rai ranaih Gen Z di Mỹ pang dom danak dak AM saong FM yaok harei; Urang praong thun bhian pang 104 minit papar yaok harei, 12,2 maong yaok adit.

Cty ngak robot Japon ZMP daok ngak iek robot jao pandap. Hãng Panasonic jeng brei tabiak mbaok robot jao pandap “Hakobo” meda thau labik pacang, tavak saong eng drei thau vaih saong padeih veik. Japon lac sa dalam dom taneh ia hu menuac sia taha abih di dunya, rilo menuac daok di bhum palei pala takik menuac sia bhian gaok kan kandah dalam bruk nao blei pandap mbang huak yaok harei. Dalam tuk nan, bruk kurang urang ngak di dom ban praong saong bruk brei takik ngak langiu mon ngak bruk di dom urang peih nduac radaih pajeng pandap jeng ngak kan kandah ka bruk jao pandap. Kayua yau nan ye, robot jao pandap hu maong lac samar jeng bhian randap di taneh ia ini./.