Kapul hu 30 urang, kayua ong Phan Văn Mãi ngak akaok hội đồng. Dalam 2 bilan tapa, Ban raya HCM hu peih ngak rilo bruk pambuak tal rami ramik yaom taneh. Sở Tài nguyên - Môi trường Ban raya hu padang 4 jalan langyah ka yaom taneh. Kapul taong yaom ka yaom taneh TP.HCM meda pasang iek bruk ramik ngak pasiam dahlau di tuk payua tagok HĐND TP.HCM ba tabiak sarak ka bruk ramik veik yaom taneh dalam bilan 9 anak tal.

Đồn Biên phòng Vĩnh Hải pambuak bruk haong kapul urang kamei Bộ đội Biên phòng tỉnh Sóc Trăng bahrau peih bruk “Labik pablei pandap 0 đồng" brei ka urang kan kathaot daok di xã Vĩnh Hải, ban sit Vĩnh Châu. Tui nan, dom kapul nyaom, menuac urang ngak pahla rik pataom hu 500kg brah saong dom janih pandap mbang yau ye: saradang, menyek mbang, bột ngọt, ia tương, baoh menuk ada, khan ao kuhria tabiak yaom jien lac abih tih labaih 30 triệu đồng. Tapa nan, Kapul urang kamei Bộ đội Biên phòng tỉnh Sóc Trăng jeng hu alin hadiah 500 baoh siphau ka dom adei anek saih kan kathaot kham merta yam tapa, bac ta-a siam di xã Vĩnh Hải.

UBND tỉnh Ninh Thuận bahrau patabiak jalan peih ngak Harei pataom ilamo bangsa Cam mbang ka VI di Ninh Thuận thun 2024. Ngan haong kadha “Khik ramik, patagok dom yaom glaong ilamo bangsa Cam dalam zaman mbeik drei yam tame dunya saong cak rok patagok taneh ia”. Harei pataom hu mbaok di mikva Cam daok di 9 tinh, ban lac: Ninh Thuận, Bình Định, Phú Yên, Bình Thuận, An Giang, Tây Ninh, Quảng Nam, ban Đà Nẵng saong TP. HCM. Harei pataom hu peih tabiak dalam 3 harei, meng harei 27/9 tal harei 29/9 di Ban Phan Rang - Tháp Chàm. Tapa nan piah mayaih khan dom ilamo siam gheih, anek manuac, kein lagaih, prein khang, bruk cak rok patagok di bhum palei Ninh Thuận haong mikva Cam daok di tinh, ban hu mbaok tame Harei pataom ini.

Mbang hajan gam ngin rabuk di harei kabroi ngak khat lahik trak ka po bein di xã An Nhơn, huyện Châu Thành, tỉnh Tiền Giang. Tui yaok pataom tuk camereip, labaih 1.000 phun darang saong rilo janih phun mbang baoh karei tabuac gha, jaoh dhar…, khat lahik tui kuhria lac labaih 1 tỉ đồng. Dalam nan, hu dom phun darang labaih 10 thun daok tabiak bingu, daok hu baoh saong jaik tal tuk paik. UBND huyện hu panuac tacei jabat ngak nong saong xã An Nhơn pasang iek yaok pataom dom khat lahik di bhap bini piah hu jalan daong, saong brei menuac mai daong bhap bini ramik ngak pasiam dom khut, tayah.

Tỉnh Đồng Nai bahrau hu veik 3 urang ruak soi bahrau, patagok dom urang ruak soi meng akaok thun 2024 tal urak ini di dalam tinh lac 50 urang, tagok 49 urang dut saong tukvak ini thun blaoh. Tui Pasak pasang iek ruak kik tỉnh Đồng Nai, jaik abih dom urang ruak jeng ka oh klauk jru ginup dom mbang vaccine sởi. Gah Y tế Đồng Nai hu padang angan ka labaih 200.000 uranaih ndih tapui meng thun 2021 tal urak ini ka oh hu klauk vaccine sởi piah peih bruk klauk jru pabak.

Ong Martin Taylor – lambaok Gah Y tế Thế giới (WHO) di Trung Quốc hu panuac lac, virus đậu mùa khỉ jeng daok hu meng dom mbang tamuh tabiak dahlau di nan saong biến thể di nyu meda ngak kan kandah biak rilo tal prein yava menuac sia dunya. Adit dahlau, WHO hu tabiak panuac ka bruk samar drah di dunya kayua đậu mùa khỉ hadei di sa anek ruak bahrau di virus ini ngak brei menuac sia matai glaong jang saong mbuan njaom mbak jang (Clade 1b) pambak tabiak di Cộng hòa Dân chủ Congo saong rilo labik karei di dunya.

Sa mbang hajan ia sua rahtabiak di bhum Ternate di tỉnh Bắc Indonesia puac adit blaoh ngak takik di nyu 14 urang metai saong 8 urang lahik. Kanja labik ini ba tabiak bruk pacang caga samar drah ngan haong hajan ia sua dalam dua adit anak tal. Labaih 1.000 urang meng sa kapul hu mbaok tame bruk roh duah saong daong urang gaok bala. Danak dak ini tui kuhria dui atah dalam 7 harei min meda dui atah veik mayah caong ngak. Kanja bhum palei hu kakei rahra njauk caik hatai saong ngak njauk tui dom panuac pato tacei dalam tuk hajan ia sua patui veik rahtabiak.

Pasak brei thau dahlau bala negar Thái Lan hu panuac kakei bhap bini daok di gah barak, gah Đông Bắc saong gah meraong negar ini brei caga pacang ia sua, ia dauk saong jaleih taneh. Gam haong nan, kakei bhap bini caga gom, mbao cuah saong dom pandap karei piah pandar dalam tuk samar drah. Bhap bini di dom bhum mbuan hu bala nan, njauk caik hatai tal jalan điện meda rò rỉ, sangka pacang anek ala dhing saong halak halin hu jru mek. Tui kuhria mboh di Cục Khí tượng, hajan praong meda tuh trun rilo labik di Thái Lan mbiah tal harei 30/8./.