Pamaong tal bruk pahadar 98 thun Harei Báo chí Cách mạng Việt Nam (21/6/1925 - 21/6/2023), kapul urang lambaok di Thành ủy, HĐND, UBND, UBMTTQ Việt Nam TP.HCM kayua ong Phan Nguyễn Như Khuê, Ủy viên Ban Thường vụ Thành ủy, Akaok Mban Tuyên giáo Thành ủy TP.HCM ba akaok hu mai rivang, tadhau ayuh Jabat rayo sap ndem VN daok di ban raya HCM. Ong Phan Nguyễn Như Khuê caong maong Jabat Rayo sap ndem VN daok di Ban raya HCM patui veik patagok dom yaom glaong, ngak hu dom jak jeng saong patui veik pambuak pagam haong TP.HCM tukvak pasiam veik, cak rok patagok. Abih di nyu nan lac, jaik tal Ban raya TP.HCM peih ngak Sarak bahrau (salih ka Sarak 54/2017) ka bruk ngak iek dom jalan ngak, sarak angan je piah cak rok patagok.

Sóc Trăng hu jaik 1.900 anek saih bangsa Khmer, meblah labaih 20% dom anek saih dom tal 12 dalam tỉnh. Tal urak ini, tỉnh hu caga blaoh blai ka mbang pakacah tamat THPT pakat negar anak tal, dalam tỉnh hu 27 labik pakacah saong 430 bilik pakacah. Sở jeng hu tacei pato dom sang bac pambuak bruk haong amaik ame di anek saih, brei thau ka tukvak, labik di mbang pakacah, daok dom puk palei hu padang bloh dom kapul piah daong dom anek saih nao pakacah tuk gaok bruk gar jalan, piah khik ka dom anek saih bangsa Khmer, jeng yau anek saih dom tal bac 12 dalam tỉnh, khang hatai yam tame mbang pakacah mek hu jak jeng glaong di abih.

Dịch vụ công liên thông "Tut angan ngak harak khai sinh – Tut angan labik daok- pabak harak bảo hiểm y tế ka uranaih mala umo 6 thun” meda hu peih ngak di dalam taneh ia meng bilan 7. Amaik ame, urang sangka iek glang, urang gauk gar di uranaih mala umo 6 thun tok khan brei thau ginup, cambaih laih, njauk haong harak pathau khan online liên thông tut angan harei manek, tut angan labik daok saong pabak harak bảo hiểm y tế ka uranaih mala umo 6 thun tui mẫu di mangaok Cổng dịch vụ công negar. Mayah harak gar njauk, ginup,  tukvak pabak thẻ bảo hiểm y tế ka uranaih mala umo 6 thun oh tapa dua harei ngak bruk.

Harei 16/6, Bộ Tư lệnh Bhum Cảnh sát tasik 3 pambuak bruk haong mBan Dân vận Tỉnh ủy Bình Thuận peih danak dak “Cảnh sát tasik nao gam haong urang ngak ikan” di xã Tân Thành, huyện Hàm Thuận Nam. Danak dak hu peih bruk nao ravang, alin hadiah 300 pok pandap ka sang sarak karja, ka bhap bini, urang taong ikan gaok kan kandah, pambuak haong báo Người Lao Động alin hadiah 2.200 hala dok taneh ia ka dom sang sarak karja, sang kan kandah daok dalam xã Tân Thành saong xã Tân Thuận haong yaom jien abih tih labaih 400 triệu đồng.

Dalam bruk 9 urang cai nghiện nduac tabiak truh labik cai nghiện jru phiel ma tuý tỉnh Bình Dương (daok di xã Tam Lập, huyện Phú Giáo), tal urak ini, gah chức năng duah mboh hu 6 urang. 6 urang ini njauk langyah tui jalan ngak lac "Ba tame khik iek di labik caik karei ka dom urang ngak sarau kadau labik cai nghiện ma túy" tui khoản 2, Paka 71, Nghị định 116/2021 hu tacei tabiak dalam Hukum pacang caga ma túy, Hukum langyah ngak suan adat gah cai nghiện ma túy saong khik ramik hadei di cai nghiện ma túy. Daok 3 urang oh ka duah mboh, labik cai nghiện hu tabiak harak pagui duah, saong payua harak khan brei sang, brei labik urang nan daok piah thau

Harak pambuak bruk dunya camreip abih di dunya ka khik caga bhum tasik dunya hu angan ieu lac "Hiệp ước ka Đa dạng sinh học labik quyền hạn taneh ia" tui kuhria hu brei tapa di harei som tal di Liên Hợp Quốc. Ini hu maong lac bruk siam mekre praong ngan saong harak pambuak bruk ndung bak bruk "sajarah" haong alam langik tasik dunya hadei di labaih 15 thun ginum biai. Bruk daok pamaong tal di harak pambuak bruk ini, lac padang sa jalan adat piah patagok dom jalan khik caga alam langik tasik tal dom bhum tasik dunya. Urak ini dom bhum tasik oh daok dalam bhum “đặc quyền kinh tế” di taneh ia halei meblah labaih 60% mbaok tasik praong di dunya.

Akaok Mintri pablei salih Indonesia (Zulkifli Hasan) khan lac bahrau mbaoh tangin tame sa harak gar hadar kanal (MoU) ka bruk blei sa triệu tấn brah meng Ấn Độ piah pacang caga dahlau haong dom kan kandah di bruk El Nino dalam thun ini. Kayua njauk kan kandah di langik tasik oh lagaih, nan ye 5 bilan akaok thun ini, Indonesia hu blei brah di Việt Nam mek hu labaih 181 triệu USD, tagok labaih 15 mbang dut saong tukvak ini di thun 2022. Indonesia meng labik dang ka 8, yam tagok dang labik ka 3 di taneh ia blei brah Việt Nam rilo abih, njauk hadei di Philippines saong Trung Quốc.

Urang dang akaok Cục peih bruk pablei salih dunya Thái Lan Phusit Ratanakul Sereroengrit khan lac, darak pasar pablei lẻ di Việt Nam tui kuhria hu 350 tỷ USD di thun 2025, meblah 59% dom jien mek tame di pandap dalam taneh ia. Yaom jien mek tame meng pablei lẻ pandap daok tagok khang dalam dom thun anak tal. Ong Phusit mboh lac dom urang pablei lẻ di Việt Nam daok oh padeih ramik veik gah pablei pandap dalam taneh ia, salih meng pablei yau dahlau daih tapa pablei tui saman bahrau. Dom urang pablei lẻ jeng sangka brei patagok pablei salih điện tử piah pabak hatai caong, hatai takre di urang blei daok ranaih umo, meblah labaih 50% dalam jaik 100 triệu urang daok di Việt Nam./.