Hu rilo urang nong ngak mbang naih joi taduan hu harak pok meyaom 

Mintri ngak nong song patagok palei pala hu padang mban tacei jalan  patagok ngak nong, palei pala bhum taneran krong  Cửu Long tuk vak 2020-2025. Mban tacei jalan hu bruk roh duah, hu panuac pok tagok dom akaok mintri ka dom jalan ngak, dom sarak dalam bruk khik ramik  di mintri pabak bruk patagok bhum taneran krong  Cửu Long; dom jalan ngak ka bruk patagok khang kajap bhum taneran krong Cửu Long lagaih haong biến đổi khí hậu. Pabak khaw tin song pok panuac ba tabiak dom danak dak pagam tal sarak patagok gah ngak nong  song patagok palei pala, bruk ba mai meng dom  jalan ngak, dom sarak di gah ngak nong song patagok palei pala  ngan song bruk patagok  bhum taneran krong Cửu Long.

Kapul urang ngak nong tỉnh Bến Tre bahrau peih danak dak pok meyaom “Urang ngak nong Bến Tre naih gheih” mbang ka 2 thun 2022, pok meyaom 9 urang ngak nong biak naih gheih dalam bruk ngak nong. Dom thun tapa, Bến Tre hu rilo bruk ngak mbang kinh tế sang, trang trại, hợp tác xã… mek hu kein laba glaong. Dom bruk jum pataom, ieu pataom hội viên urang nong dak harei dak tagok hu siam lagaih. Pagap yau bruk kalup kapul urang nong kaya meda hu ba mai siam mekre, pambak praong ngan saong 10 kalup kapul sit hu padang tagok gam haong 256 urang,… Tal urak ini, dalam tỉnh hu labaih 3 rabau urang ngak nong ngak mbang pala drak pablei salih naih joi pakat tỉnh.

Tỉnh Cà Mau dok pataom tame lang talaik kan kandah dalam bruk peih ngak dom danak dak piah jhul khang bruk peih brei phun jien đầu tư công. Dalam thun ni, tong abih phun jien  đầu tư công di Cà Mau lac labaih  3.400 tỷ đồng. Meng phun jien ni, tỉnh buh tame ngak 10 danak dak prong. Dalam nan, 2 danak dak kayua  Trung ương buh jien ngak lac  danak dak  padang ngak jalan Roya1 labik tapa ban  Cà Mau song Danak dak padang ngak jalan nduac samar  Cần Thơ - Cà Mau. Dok veik  8 danak dak  kayua tỉnh buh jien tame ngak. Ong Nguyễn Tiến Hải, Bí thư Tỉnh Cà Mau tacei lac njauk jhul samar bruk peih  taneh , tuk bayar jien oh brei “yuk” yaom taneh glong jang  duh song hukum.

Pasak pasang iek ruak kik ban raya HCM (HCDC) taong yaom, dom urang dương tính di TP.HCM njom biến chủng Omicron daok hu rilo di abih. Min biến chủng ini takik kan kandah yau biến chủng Delta dahlau daih nan ye bhap bini jhui duh hatai rilo. Kayua lac tapa tui iek dom labik taong ruak ye dom menuac ruak tame sang iek ruak, dom menuac ruak trak mboh daok trun. Abih di nyu lac dom menuac ruak trak saong metai jeng trun daok takik di abih, pagap yau harei 23/2 ban raya oh hu menuac metai kayua COVID-19.

Patui khaw tin ka bruk 19 urang angaok kapan VANDON ACE njauk tabiak truh kapan angaok bhum tasik atah di gah  Đông - Nam Vũng Tàu 160 hải lý , tuk kapan pajeng pandap ni nyu mbleing, khut jamriak di harei  23/2. Meng di tuk taduan hu khaw tin , Ủy ban pakat negar ka pacang caga bala meng langik tasik song dong duah urang gaok bala, Mintri jalan mbak pajeng ba, Cục Hàng hải Việt Nam, Pasak pambuak bruk dong duah  urang gaok bala jalan tasik Việt Nam hu ba kapan mai dong  . Tal 18tuk  bier harei  24/2 hu  9 urang hu dong song  2 urang metai hu duah mboh. Dok 8 urang lahik dok hu duah dalam tuk riyak tasik glong meng  3 tal  4 mét, hangin pakat 6.

Piah cagar veik bruk Nga taong tame Ukraine, Tổng thống Mỹ Joe Biden brei thau dom jalan taong phạt khang ngan saong Nga. Dom jalan taong phạt ini hu gam bruk pacang veik drap ar dom gilang pariak praong di Nga saong cakak trun bruk ba công nghệ glaong tal taneh ia ini. Dalam tuk nan, dom urang pan akaok dom taneh ia dalam Liên minh châu Âu (EU) jeng njauk gauk ba tabiak bruk taong tame dom gah praong di kinh tế Nga, tapa nan ba mai "dom kan kandah biak trak saong praong" ngan saong Nga kayua taneh ia ini taong tame Ukraine.

Ban  Denver, pasak bang Colorado di  Mỹ dok rah tapa tukvak langik liar khang di abih kuhria dalam  123 thun tapa. Tui jabat langik tasik pakat negar Mỹ NWS, mesup 23/2 (tuk vak pak ni), nhiệt độ di ban ni trun tal tanut biar di abih kuhria meng dahlau mai, lac âm 21,6 độ C. Ngan song  nhiệt độ trun bier yau urak ni, NSW hu panuac kakei bhap bini lac, dom tal băng tuyết meda kapan tagok meng 10 cm tal 30cm, saong hu panuac ieu bhap bini dalam ban takik tabiak gah langiu dalam tuk vak atah.

Miuyim Tương lai 7 tal, glaong 77 mét, gah langiu hu padang ngak yau baoh menuk meng pariak biak praong, bahrau hu peih pakak di Dubai, Dom Tiểu Vương quốc Arab Thống nhất. Langiu mblang bein hu ngak dreih yau ia bulan. Tuai meda mboh yau drei maong mboh ia bulan meng 1 bilai vũ trụ daok atah di baoh taneh 600 km. Tapa công nghệ, miuyim hu brei ka tuai hu thau jang dom janih diuk dalam glai Amazon. Langiu di nan, miuyim daok hu dom labik brei ka uraniah, labik bo uraniah meda bac megru saong mboh pachreih hatai./.

Urang lang: Hanipha- Mousaphuong-25/2

  .