Brei panuac di Nyaom biai duah thau hatai sahaneng ka Danak dak roh duah padang ngak Pabah lamnge pajeng ba pandap dunya Cần Giờ kayua UB bhap bini TPHCM peih ngak page ini 19/10, Akok UB bhap bini TPHCM Phan Văn Mãi ndom lac, danak dak oh lac patagok Ban raya HCM, ka bhum taneh bo daok ka taneh ia. Tui Akok UB bhap bini TPHCM, urak ini 4 bruk praong ka danak dak nan njauk brei patui  bruk roh duah, cambaic laic dahlau tuk ba tabiak palih ruah. Dahlau di abih, njauk brei taong yaom bruk meriak gauk gah kinh te tuk peih ngak Pabah tasik pajeng ba pandap dunya Cần Giờ ngan haong dom labik tapen tasik hu blaoh saong labik tasik tui quy hoạch. Kadua, lac pasang iek bruk kan kandah tal kayua patagok Pabah tasik pajeng ba pandap dunya Cần Giờ, hạ tầng duh ka bruk tapen tasik tal bruk quy hoạch patagok kinh te – xa hoi di huyen Cần Giờ. Ka klau, makna praong abih lac danak dak  ngak pambak tal  Labik khik caga  sinh quyển glai ia mbak Cần Giờ saong puac abih lac ngak  pambak tal kinh te – xa hoi,  oh lac TP. HCM, di bhum, taneh ia yau halei.

Kapul urang ngak nong tỉnh Bình Thuận pambuak haong Sở Thông tin & Truyền thông tỉnh Bình Thuận bahrau peih tal pato pasram ilamu chuyển đổi số ka urang jakar Kapul urang ngak nong dom pakat dalam tỉnh. Tui nan, labaih 150 urang jakar Kapul urang ngak nong dom pakat hu tacei pato bruk pandar dịch vụ công online, nộp hồ sơ online angaok pabah mbang dịch vụ công; tut angan hu mbaok tame sàn pablei salih điện tử “postmart.vn”, dịch vụ MobiFone Money (bayar jien oh pandar jien mbaok), dịch vụ MobiAGri (Salih số dalam ngak nong). Tapa mbang pasram ini, hu daong ka urang jakar Kapul urang ngak nong paglaong akaok sahneng ka chuyển đổi số, dom gah njauk brei ngak dahlau dalam salih số.   

Kapol LH Urang kumei ban sit Phú Mỹ, tỉnh Bà Rịa – Vũng Tàu birau jao brei pajaih ka 3 urang hoi bangsa takik daok dalam tỉnh. Yaok urang hoi hu alin brei 50 drei manuk hlai saong manuk tam hoàng. Kuhria abih tih alin brei pajaih manuk jaik 12 trieu dong. Bruk nan hu peih ngak piah tui asar kadha di Danak dak 8 ka bruk cak rok patagok kinh te – xa hoi bhum urang bangsa takik saong bhum ceik di Thu tuong Rajaei mbaoh tangin. Tapa nan, rik tame sangka kuhria  raidiuk , jalan sahaneng ka urang kumei saong uaraih bangsa takik, peih ngak bruk sumu gauk likei kumei.

Labaih 2 thun peih ngak Danak dak bruk ngak negar patagok KTXH bhum urang bangsa takik, raidiuk di bhap bini DTTS di tỉnh Sóc Trăng hu salih bahrau mboh di anak meta. Di huyện Mỹ Tú, meng phun jien labaih 37 tỷ đồng, huyện hu peih jien daong ka 10 baoh sang bangsa takik, daong ia pandar ka 47 sang saong padang ngak hu 4 danak dak jalan mbak puk palei. Gam haong nan, huyện daok padang ngak saong khik iek siam 5 danak dak hạ tầng thiết yếu, daong ka 48 baoh sang salih bruk ngak, ia pandar ka 11 sang saong daong taneh daok ka 1 sang, sang daok ka 120 sang 

Tui Sở Y tế Bình Dương, hadei di 2 adit taong ruak, urang ka 2 ruak đậu mùa khỉ di tỉnh Bình Dương hu dhit ruak saong brei nao sang. Yau nan, mbiah tal ini, Bình Dương oh daok urang halei ruak đậu mùa khỉ. Tui Sở Y tế Bình Dương, yaom lac oh daok njom ruak min oh lac yau nan bo gah y te iek biar. Sở patui bruk caong khin dom đơn vị, dom labik taong ruak brei pakhang bruk tui iek, pacang caga ruak đậu mùa khỉ.

Meng harei ini (19/10), Hàn Quốc brei peih bruk klauk vaccine ka dòng phụ XBB.1.5 di biến thể Omicron ba tal ruak COVID-19 ka bhap bini. Ini lac janih vaccine bahrau hu patagok piah pamaong tame biến thể XBB.1.5 daok njaom mbak urak ini saong hu klauk brei saoh tal jhung bilan 3 thun hadei. Gah pasang iek saong pacang caga jit ruak (CDC) Hàn Quốc hu kakei dom menuac umo mangaok 65 thun njauk nao klauk vaccine kayua huac lac tamuh veik sa mbang haong gauk 2 ruak COVID-19 saong ruak cúm di bilan brak thun ini. Dom menuac umo meng 12-64 jeng meda klauk sa mbang vaccine janih bahrau, yaom lac dahlau daih urang hu klauk blaoh atau oh ka hu klauk ginup mbang vaccine caga COVID-19.

Dom urang ngak praong di Bỉ, Thụy Điển saong dom urang jakar ngak bruk di Liên minh châu Âu (EU) sanya brei khik catang an ninh labik taphia negar saong pakhang bruk brei urang di cư gilac veik mai palei. Tui pathau khan hu ba tabiak hadei di sa urang Tunisia oh brei tame daok negar EU  cuh metai dua urang mai iek dat blong Thụy Điển di Brussels, Bỉ harei 16/10. Thủ tướng Thụy Điển brei thau, di bhum taphia negar peih praong Schengen di chau Au meda oh daok langiu dom labik jaik  negar  EU hu khik pacang siam jang anak bruk urang tame suan hukum.

Danao ia taba praong abih di negar Anh daok njaom “tảo độc”, daok ngak ka urang mboh duh hatai ka sa bruk srau kadau sinh thái biak trak damak. Urak ini tảo raak bigu daok ngak khat lahik oh lac di labik vil val danao Lough Neagh bo daok dui atah tal takai tasik gah barak di Bắc Ireland. Dom urang khik ramik halau ia, dom urang ilamu môi trường, urang nong daok neh rabha gauk ka makna ba tal bruk tảo raak bingu. Dalam mbang tamuh khang tảo ini, nhiệt độ mbaok danao Lough Neagh tagok tal 21 độ C. dahlau daih, nhiệt độ mbaok danao di bilan 6 bhian lac 15 độ C./.