Urak ini dom tỉnh gah Meraong kraong Hậu jalan mbak nao mai oh ka hu buh jien tame ngak siam

Di var taduan raok Mban peih ngak nyaom roya Giáo hội Phật giáo Việt Nam TPHCM mai rivang saong brei panuac thau dhar phol hadei di tuk peih nyaom roya mbang ka X, tukvak 2022–2027 hu jak jeng, Ủy viên Mintri Chính trị, Bí thư Thành ủy TPHCM Nguyễn Văn Nên brei mboh hatai caong Giáo hội Phật giáo Việt Nam TPHCM ba tangin tame haong gauk dak padang, cak rok patagok njauk lac sa ban angan Wa Ho anit ranam. Gam tui di nan jeng sa tangin haong gauk padang ngak ilamo Hồ Chí Minh pambuak haong ilamo di agama Phật dalam dom labik kakuh, pamaong tal yaom glaong “chân, thiện, mỹ”.

Kapul urang QH tỉnh An Giang bahrau peih bruk taom gaok cử tri hadei di mbang nyaom ka 3, QH mbang XV di 11 huyện, ban dalam tỉnh.  Tapa nan, cử tri hu panuac lac, urak ini dom tỉnh gah Meraong kraong Hậu jalan mbak nao mai oh ka hu buh jien tame ngak siam. Kaya nong pala hu kan tabiak darak pasar saong abih rilo tukvak ka bruk pajeng ba.… sa makna dalam nan lac kayua oh ka hu jalan nduac samar. Kayua yau nan ye, cử tri caong Rajaei brei jhul samar bruk peih ngak jalan nduac samar Châu Đốc - Cần Thơ - Sóc Trăng, peih tabiak jalan jhul patagok KTXH di tinh An Giang saong abih bhum taneran kraong CL cakrok biak glaong dalam tukvak tal.

Tal urak ini, dalam gah Bảo hiểm xã hội Việt Nam (BHXH) xác nhận hu labaih 402 ribau urang ngak di 50 tỉnh hu blei BHXH bắt buộc likau daong jien pah sang tui Sarak ka 08. Tui yaok pataom di Mintri Lao động-Thương binh saong Xã hội, hu labaih 3 trieu 4 rituh ribau urang ngak daok caong daong jien pah sang.

Hội Liên hiệp urang kumei ban Cần Thơ bahrau peih Harei pataom urang kumei hadah krah, padang mbang ngui thun 2022 saong Harei pataom pakacah Urang kumei Cần Thơ patak pataom năng lượng pambuak haong khik caga alam môi trường. Harei pataom urang kumei hadah krah, padang mbang ngui hu 20 gian hàng parang tabiak dom pandap meng padang mbang ngui di hội viên, urang kumei, gam haong nan, lac dom pandap kayua dom HTX saong kapul pambuak gauk patagok KT ngak tabiak. Tapa nan, brei mboh hatai sahneng duah padang mbang ngui, yaom lac sit atau praong jeng njauk iek praong, saong brei mboh bruk sami samar, sahaneng duah, hatai caong yam tagok di urang kumei. 

Kuhria tal harei 27/6, Bình Dương hu 5.687 urang ruak pandiak tabiak darah, dalam nan hu 8 urang metai. Piah samar drah pacang caga jit ruak tamuh tabiak saong njom pambak praong, Sở Y tế tỉnh Bình Dương ieu kakei UBND dom huyện, patui veik peih ngak saong khik tani tanat Danak dak pametai lăng quăng, ngak hacih saat alam môi trường; pathau khan bruk pacang caga ruak pandiak tabiak darah, ruak cabuai, tangin takai tal bhap bini piah sa tangin haong gauk jhul kadun likuk jit ruak. Gam tui di nan jeng pasang iek saong langyah kaoh tui hukum dom bruk ngak suan ka  pacang caga ruak pandiak tabiak darah.

  Ngoại trưởng Mỹ Antony Blinken brei thau lac Mỹ meda daong ngak pahla jaik 55 triệu đô la ka Afghanistan pasiam dom khut tayah di mbang megei baoh taneh harei 22/6 meng bloh, ngak brei takik di nyu 1.000 urang metai. Yaom jien ini patagok abih tih jien daong bruk pahala di Mỹ ka taneh ia ini lac labaih 774 triệu đô la kuhria meng di thun blaoh. Ngoại trưởng jeng hu panuac sanya suai lavik haong rahra Afghanistan saong ieu dom gah di dunya ba gauk tame daong ka taneh ia ini dalam tuk kan kandah urak ini.

Sri Lanka brei thau lac brei padeih pablei xang, manjek dalam 2 adit atal, lingiu di xang, manjek pabak ka dom bruk pandar yaok harei. Rajaei Sri Lanka jeng payua panuac likau ma-ah tal manuac pandar kayua bruk kurang xang, manjek ini, gam tui di nan jeng ieu kakei dom doanh nghiệp brei ka urang ngak bruk meng atah kayua dom sruh radaih công cộng meda brei padeih nduac. Dahlau di nan, Sri Lanka hu kareih sang bac saong brei padeih abih tih dom dịch vụ rajaei oh njauk ngak. Ini lac sa binah dalam dom bruk ngak piah cakak trun bruk nao mai saong patak pataom xăng manjek.

Rilo taneh ia angaok dunya mboh lac bruk njaom mbak COVID-19 daok tagok kayua biến thể phụ BA.5 di Omicron. Di negar Đức, yaok harei hu labaih 100 rabau urang njom bahrau COVID-19. Daok di Mỹ, dom urang njaom biến thể phụ BA.5 jeng daok tagok samar, meblah jaik 1 dalam 4 urang njauk COVID-19 saong mbuan jeng biến thể praong dalam tukvak anak tal. Gah Y tế thế giới hu ba biến thể ini tame angan dom biến thể njauk tui iek, dalam tuk Jabat pasang iek saong pacang caga jit ruak châu Âu ba janih biến thể phụ ini tame angan "biến thể njauk duh hatai"./.

Urang lang: Thu Thao & M. Phuong – 29/06