Tui Mentri Bangsa saong Agama, birau hu veik sa tinh lac Bac Ninh ngak salah Danak dak abih baoh sang oh daok taik tahak di tuk pahadar 95 thun harei padang Ndang. Langiu di nan, 14 tinh, ban kham merat ngak brei salah abih baoh sang oh daok taik tahak dalam quy II saong 22 bhum palei kham merat ngak brei blaoh dalam quy III thun ini.  Bruk pamaong tal harei 31 bilan 10 thun ini ngak brei salah abih baoh sang oh daok taik tahak dalam negar. Urak ini hu 54 tinh, ban hu mbaoh harak angan po sang taik tahak khin daong hu sang siam piah kuhria peih ngak, tagok rilo veik 6 tinh duk saong bruk pathau khan dahlau ini.

Rilo bruk ngak piah pahadar 50 thun harei peih paha gah Meraong negar saong Côn Đảo hu peih ngak di tinh Ba Ria - Vung Tau, dalam nan hu bruk ba danak dak praong, cuh phao bingu saong hadar dhar phol dom urang lin cach mang. Mbang ini, tinh Ba Ria - Vung Tau hu peih ngak danak dak daoh tamia pahadar 50 thun Harei peih paha gah Meraong negar, yasa taneh ia saong cuh phao bingu. Di huyen Côn Đảo , tinh hu peih bruk Jirah kubo Nghĩa trang Hàng Dương, uan ba Pasak Y te Bol lin bhap bini gah y, taom mbaok, pahadar  urang lin cach mang njuak kol khang chap mek daok guk, ngak pap, danak dak nghe thuat chinh luan

Kapol urang jakar ngak bruk di dom quan, huyen saong Kapol Chu thap do Ban raya HCM hu mai tinh Ca Mau saong hu jao brei jiak 7 tỷ đồng piah peih ngak danak dak  an sinh xa hoi. Phun jien daong nan piah ngak sang ka urang kan kathaot, ngak tatua  ka dom palei pala…Dom thun tapa, Ban raya HCM saong Ca Mau dak harei dak  hu rilo danak dak pambuak bruk patagok kinh te - xa hoi, rik tame pambuak kajap dua don vi. Ong Nguyễn Hồ Hải, Bi thu Tinh uy Ca Mau hu payua panuac thau dhar phol ka bruk daong di dom don vi di Ban raya HCM saong caong khin, taduan hu bruk tui daong veik, abih di nyu lac bruk ngak brei patruh iek patrun kathaot saong tani tanat raidiuk ka rahra.

Tinh Dong Thap hu 40 bruk ngak meng kan lavik, palei ngak, palei ngak meng kan lavik hu taduan brei sarak angan. Jien mek tame di palei ngak, palei ngak meng kan lavik hu labaih 2.000 ti dong yaok thun, jien mek tame labaih 4 trieu 9 rituh ribau dong sa urang sa bilan. Hu dom gah bruk ngak di bhap bini tagok tal 7 trieu dong sa bilan, daong  dom baoh sang  tani tanat riadiuk. Dom bruk ngak meng kan  pataom tame ralo lac ngak tabiak pandap saong khik piah kaya nong, kaya dalam glai, kaya dalam ia; ngak pandap meng kayau, kreim la-ar, lan am sứ, thuy tinh, menyim jhik, mrai, jhik pet ren, pak gak… ba bruk ngak mai ka labaih 8.600 urang ngak.

Bruk kurang ia pruh biak ralo meda ba tal yaok rituh hecta padai Dong Xuan di xa A Dơk, huyen Đăk Đoa, tinh Gia Lai. Hu 46 hecta padai di mblang hamu Đăk Kút mbuan lahik abih cih kayua pandiak bhang, ngak kan kandah tal rilo baoh sang raidiuk bhap bini. Tui kuhria mboh dahlau, bruk pandiak bhang tua riya daok dui atah, ngak jhak tal dom bilan padai hadei ini. Karja kakei bhap bini  kuac  bingun ia, salih janih phun pala saong buh jien tame kuac ribong beik binek piah pacang bruk khat lahik kayua langik pandiak bhang.

Harei kabroi, rajaei Indonesia brei gilac veik mai negar labaih 554 bhap bini taneh ia ini hu daong ba tabiak truh dom pasak pachot pagat online  di Myanmar,  ralo lac dom urang njauk kol nyu ngak pap, taong paoh, gham sik mek tung pruac di gait. Bruk pachot pagat tapa mang patagok khang kajap di dom labik tapen negar Myanmar dalam dom thun tapa, pachreih rilo urang ngak negar langiu pang tui panuac palua jak ba lac ngak bruk hanjol jien bilan glong  min mek urang ngak bruk suan hukum tapa online. Labaih 7.000 urang mai meg takik ye 20 taneh ia hu peih palao, ralo lac urang Trung Quoc.

Di Han Quoc langik la-ar, ngak ia khar tuyet laih ralo di ban ine Seoul saong labik jaik taphia nan. Ini lac mbang langik la-ar saong tuyet suai laik oh bhian mboh di Han Quoc. Jabat kuhria iek langik tasik khan lac, tuyet laik ralo, hu labik kapal tal 5cm, ngak kan ka bruk nao mai di bhap bini. Tui Gah pathau khan di Han Quoc rilo jalan pasei do thi di bhum taneh Seoul brei  padeih  ngak bruk piah khik brei ka tuai hu salamad.

Harei kabroi, bhap bini di rilo taneh ia dunya, abih di nyu lac di Ireland - lac labik camereip di harei roya Thánh Patrick, sa dalam dom harei roya praong ngan haong bhap bini tui agama Thiên Chúa. Di Ireland di harei ini, taong abih urang brei padeih taong abih bruk saong jak gauk taduan raok dalam bui sambai harei roya. Di Mỹ, kuhria hu labaih 200 ribau  urang tabiak jalan roya Fifth Avenue di pasak Mahattan piah uan raok Roya Thánh Patrick. Roya Thánh Patrick hu peih ngak di  Bỉ, Anh, Nhật Bản…