Tapa roh duah hu mboh, ngan haong jalan peih ngak urak ini, kuhria abih tih jien khat lahik kayua njom ia mbak di bhum taneh ini labaih 70.168 tỷ đồng. Cà Mau lac tỉnh njauk khat lahik ralo abih, meblah labaih 23%,  Bến Tre khat lahik jaik 17%. TP.Cần Thơ takik khat. An Giang oh hu khat lahik kayua njom ia mbak.

Labik khik ramik jalan radaih IV (Cục jalan radaih Việt Nam) daok samar pilih ruah hầu piah ramik ngak Tatua Mang Thít di jalan roya 54 pambuak 2 tỉnh Vĩnh Long saong Trà Vinh kayua njauk kapal praong ginuh tame ngak patrun prein tải trọng. Urak ini, kayua tatua trun tải trọng nan ye taong abih dom sruh radaih trak mangaok 2 tấn meteh saong radaih pajeng tuai labaih 16 kik brei vaih tapa jalan roya 57, phà Đình Khao, jalan roya 60 saong tatua Cổ Chiên ban Trà vinh. Dom sruh radaih nao cagar veik jeng nao tui jalan ini. Phà Đình Khao pambuak Vĩnh Long saong Bến Tre daok tapa prein pajeng ba, nan ye phà daok caga 2 sruh piah pajeng radaih nao mai tuk hu bruk gar radaih.

Piah rik tame daong dom baoh sang gaok kan kandah trak kayua njom ia mbak dalam bilan thu meng blaoh, danak dak “ Larue ba ia pandar mai Tiền Giang” hu ba 64 mbang radaih pajeng abih tih 640.000 lít ia pandar tal mikva di dom xã dalam huyện Tân Phú Đông saong huyện Gò Công Đông. Ta-eng dom baoh sang urang taha , daok sa drei atau raidiuk biak kan kandah, ye brei ba ia tal labik piah klah rabha  haong bhap bini.

Mbang pakacah tamat Trung học phổ thông thun 2024, tỉnh Bà Rịa – Vũng Tàu hu jaik 12.690 anek saih hu mbaok tame. urak ini bruk peih brei ka anek saih tut angan tame pakacah hu ngak salah. Dom labik taduan harak gar tut angan tame pakacah daok hu pasang iek khau tin, đối chiếu khau tin hộ tịch di anek saih ngan haong cơ sở dữ liệu negar ka rahra saong bruk bac taa di anek saih ngan haong dom cơ sở dữ liệu di gah pato megru. Thun ini, tinh hu 24 labik iek pakacah ngan haong 544 bilik pakacah, abih tih urang iek pakacah tui kuhria lac 1.800 urang. 

Peih ngak Danak Padang ngak sang daok xã hội thun 2024, tỉnh Long An kuhria hu 8 danak dak peih ngak di taneh praong 6,4 ha, hu jaik 5.000 baoh sang; tui nan, kham merat hu sa danak dak sang daok xã hội lac chung cư kong nhan  Tân Đức Plaza (huyện Đức Hoà) hu ngak salah haong 460 baoh sang. UB bhap bini tỉnh Long An sanya  ba mbuan lagaih gah taneh riya, harak gal hành chính piah jak ba dom  D.N rik jien tame padang ngak sang daok xa hoi. Abih di nyu, lac sang daok  ka urang ngak di dom khu- cụm CN piah brei ka bhap bini, urang ngak…hu pah daok, blei sang daok.

 Urang jakar pakat glaong di phái bộ thường trực Hàn Quốc di Liên hợp quốc brei thau lac, Hội đồng Bảo an Liên hợp quốc meda ginum biai dalam adit ini piah ginum biai ka bruk cuh oh jeng sa vệ tinh pasang iek bahrau ini di Bình Nhưỡng. Dalam sa panuac khan brei thau, urang brei panuac di phái bộ Mỹ pak Liên hợp quốc brei thau lac sa mbang nyaom biai di Hội đồng Bảo an Liên hợp quốc meda hu peih tabiak di dah page 31/5, ndom lac hội đồng ini langyah jalan ngak “liều lĩnh saong ba tal sarau kadau” di Triều Tiên.

Trung Quốc saong Mỹ hu njauk gauk ka mbang pambuak bruk birau dalam roh duah saong khik ramik cagau trúc praong khong lo. Tui nan, sa gu yau cagau praong hu payua tame bein athur pakat negar di Washington DC di puac thun ini. Trung Quốc peih bruk “ngoại giao gấu trúc” haong Mỹ meng thun 1972. Dom pluh thun tapa, Trung Quốc hu alin atau brei ka dom bein athur di dunya nyim cagau trúc. Yau nan min, dom thun jiak di ini, Bắc Kinh brei padeih bruk brei njim cagau trúc ngan haong dom bein athur di Mỹ.

 Google sanya meda buh tame 2 tỷ đôla Mỹ tame Malaysia piah padang ngak pasak dữ liệu camriep di Google, labik điện toán đám mây bahrau (Google Cloud), gam tui di nan jeng jhul khang bruk cak rok patagok jang veik kong nghe trí tuệ nhân tạo di Malaysia. Paok jien buh tame ini dalam nan hu dom danak dak cak rok patagok ilamo ka trí tuệ nhân tạo AI ka rahra, tui kuhria meda rik tame labaih 3,2 tỷ USD tame GDP di Malaysia saong ngak tabiak 26.500 bruk ngak di thun 2030. Langiu di nan Google ini meda daong ka dom danak dak pato akhar AI ka sinh vien saong dom gru pato di Malaysia.