Di nyaom biai pataom iek veik bruk khik kajap salamat jalan mbak thun 2022; ba tabiak jalan ngak, bruk ngak thun 2023 peih tabiak di harei 22/3, Pho akok UB bhap bini TPHCM Bùi Xuân Cường caong lac, Kong an Ban raya patui veik bruk pakhang pasang iek langyah bruk ngak suan angaok jalan mbak. Abih di nyu lac, kong an khan brei dom jabat khik iek thau dom urang jakar, urang ngak ngak suan hukum salamat jalan mbak atau hu pambak tal bruk pacang urang jakar chuc nang ngak bruk.

Hadei di 10 thun peih ngak sarak di Mban Thường vụ Tỉnh ủy Bạc Liêu ka bruk daong sang kan kathaot, sang jaik si kan kathaot, dom gah chức năng dalam tỉnh hu daong ka labaih 41.600 mbang sang kan kathaot, haong yaom jien abih tih labaih 137 tỷ đồng. Tapa nan, hu yaok rabau sang hu tabiak truh kan kathaot, rilo sang daok kaya meda tagok. Kuhria ta-eng thun 2022, dom pakat  ủy Đảng, karja hu jak ba Kadung jien “kayua urang kan kathaot - An sinh xã hội” haong yaom jien abih tih jaik 90 tỷ đồng. Meng kadung jien ini, tỉnh padang ngak hu 644 baoh sang, blei saong pabak brei 82.000 thẻ BHYT brei ka sang kathaot saong jaik kathaot.

 Meng ini tal thun 2025,  tỉnh Ninh Thuận  kuhria  jak ba rik tame labaih 2.780 tỷ đồng piah pataom tame padang ngak, pasiam cơ sở hạ tầng duh ka bruk ngak mbang pala drak saong radiuk bhap bini bhum urang bangsa takik saong bhum ceik, dom xã biak kan kanda. Langiu di nan, tỉnh meda brei buh jien tame ngak, daong dom danak dak , ramik tani tanat bhap bini bhum gaok bala meng langik tasik, biak kan kandah; langyah dom bruk ka taneh daok, sang daok, taneh pala drak, ia pandar…piah bhap bini hu lagaih patagok bruk ngak mbang pala drak, tani tanat saong paglong raidiuk.

Tỉnh Đồng Nai hu jaik 200 rabau ha glai, piah pacang caga khuah glai dalam bilan pandiak ini, tỉnh hu caik tabiak 20 tỷ đồng. Dalam nan, meng jhung thun 2022, Chi cục Kiểm lâm tỉnh Đồng Nai hu peih bruk pato pasram dom jalan ngak tuk hu khuah glai ka dom kapul pacang caga khuah glai di dom gah yau ye: Bein pakat negar Cát Tiên, Labik khik ramik langik tasik ilamu Đồng Nai, Glai pacang caga Tân Phú… Urak ini, lac bilan pandiak nan ye gah kiểm lâm brei patagok pasang iek, pambuak haong dom po gilai ngak 1.500 km jalan pacang pui di dom labik hu glai praong. Abih di nyu lac thun ini, Đồng Nai pandar dom phần mềm, pandap  công nghệ piah tui iek, mboh samar labik khuah. 

Dom harei jiak ini, dom bhum palei di bhum taneran kraong Cuu Long mboh bruk ngheu metai, ngak khat lahik ralo. Di HTX thuy san Tân Thủy, huyen Ba Tri, tỉnh Bến Tre hu labaih 35 hecta ngheu metai ngan haong drei ngheu praong meng 85 -95 drei sa kilo. Di HTX thủy sản Rạng Đông, huyện Bình Đại ngheu metai ngan hoang danao  praong labaih 10 hecta, ngheu praong meng 90 tal 100 drei sa kilo. Dahlau di nan, di mblang ngheu tasik Tân Thành, huyện Gò Công Đông, tỉnh Tiền Giang jeng hu ngheu metai oh bhian mboh ngak khat lahik  jaik 200 hecta. Dom gah chức năng mek mau dut iek min oh ka duah mboh kayua meng halei ngheu metai.

 Chủ tịch Triều Tiên Kim Jong-un hu panuac ieu dom urang lin jeng prein khang ka bruk patagok pala drak ngak tabiak padai brah pandap mbang huak. Urak ini yaok ratuh rabau urang lin Triều Tiên daok hu ieu pataom piah daong ka urang ngak nong pala drak saong yuak kuak. Bol lin taneh ia ini jreng daok ramik ngak veik dom sang mac ngak phao piah ngak máy kéo saong máy tuốt padai, salih dom mblang kapal haok jeng sang kreh camin. Dom urang ngak praong di Hàn Quốc mboh lac, bruk kurang pandap mbang huak di Triều Tiên oh ba tal eik lipa rilo, min jit praong COVID-19 nyu ngak ka bruk jeng trak damak jang.

Tổng thống Pháp Emmanuel Macron brei mboh hatung hatian caong khin Hoi ndong Hien phap samar tabiak bruk ngak brei Hukum salih birau bruk padeih hưu tui njauk jalan kuhria dahlau saong patabiak dahlau di puac thun 2023. Urang dang akok taneh ia Pháp brei mboh, oh hu jalan ngak halei siam abih min salih birau bruk padeih hưu nan lac bruk njauk ngak piah langyah bruk dân số daok dak harei dak taha samar saong ba tal dom kadung jien hưu trí kurang dak harei dak rilo. Ong jeng kakei lac oh taduan dom bruk ngak yam tapa hukum tuk dom bruk jak pataom gauk padeih ngak saong trun jalan ralo meda rah tabiak di taneh ia Prang piah cagar veik bruk salih birau padeih hưu.

Tui yaok pataom di Lien hiep quoc, urak ini hu 2,3 tỷ menuac gaok kan kandah ka ia pandar, 1/4 menuac sia dunya daok pandar ia oh hacih, sa meteh dom menuac sia dunya oh hu hệ thống vệ sinh hacih sa-at saong 1,4 triệu menuac metai yaok thun kayua dom ruak pambuak tal ia saong bruk oh hacih sa-at. Lien hiep quoc khan lac halau ia di dunya meda kurang biak khang kayua "bruk pandar ia biak palai pajoa saong cakrok biak khang". Lien hiep quoc mboh lac, piah khik hu ia menyum siam mekre salamat brei ka taong abih menuac sia di thun 2030, bruk buh jien tame ka ia urak ini, brei tagok jang 3 mbang./.